असोज ११, २०७६ सल्यान ,  डिभिजन वन कार्यालय सल्यान र मातहत निकायमा रहेका २२ कर्मचारीको दरबन्दी कटौती भएको छ। ५३ जनाको दरबन्दी रहेको कार्यालयमा १८ बन रक्षक र ४ सहायक वन अधिकृतको दरबन्दी कटौती भएको हो। कर्मचारीको दरबन्दीको कतौटी भएपछि सेवा प्रवाह प्रभावित भएको छ। डिभिजन र ८ सव डिभिजनमा एक उपसचिव, ११ सहायक वन अधिकृत, ३२ वन रक्षक, १ रेन्जर,२ फरेस्टर, १ नायव सुब्वा एक खरिदार, एक लेखापालको दरबन्दी भएको कार्यालयमा कुनै छलफल विनै दरबन्दी कटौती भएको डिभिजन वन अधिकृत थिरबहादुर कार्कीले बताए। अनाधिकृत दरबन्दी कटौती हुँदा कामकाज गर्न निकै समस्या भएको उनको भनाई छ। उनले भने, ‘एकातिर प्रदेश सरकारले भू–संरक्षण, पर्यटन, घरेलु, उद्योगको कार्यक्रम वन कार्यालयका थुपारेको छ उता कर्मचारी भारी मात्रामा कटौती गरि रहेको छ।’ प्रदेश सरकारको यस प्रकारको कार्यले कर्मचारीमा निरासा छाएको उनको भनाई छ। दरबन्दी कटौतीले वन क्षेत्रको काम प्रभावकारी नहुने र स्वीकृत कार्यक्रम पनि गर्न नसक्ने अवस्था आएको कार्कीको भनाई छ। उनले भने, ‘कर्मचारी नै नभएपछि कसरी काम हुन्छरु कसरी सफल हुन्छन् कार्यक्रमरु’

फरेस्टर घरेलुमा सरुवा

प्रदेश सरकारले डिभिजन वन कार्यालयका फरेस्टरलाई घरेलु तथा साना उद्योग विकास समितिमा सरुवा गरेको छ। कही नभएको जात्रा प्रदेश सरकारले गरेको कर्मचारीको आरोप छ। सम्बन्ध नै नभएको फरेस्टरलाई घरेलुमा सरुवा गरिँदा कस्तो प्रतिफल पाउन सकिएका प्रमुख कार्कीले बताए। उनले एक जना फरेस्टर र सुब्बालाई घरेलुमा काजमा सरुवा भएको उनको भनाई छ। काम घरेलुको गर्ने तलव चाही वन कार्यालयबाट खुवाउनु पर्ने बाध्यता रहेको बताए। वनको सरंक्षण गर्ने कार्यालयलाई पर्यटन सडक बनाउन निर्देशन दिनु, फरेस्टरलाई घरेलुमा सरुवा गर्नु, चालु आर्थिक वर्षको पहिलो चौमासिक सकिन थोरै दिन मात्र बाँकी रहदा समेत कार्यक्रम नपठाउनु, कर्मचारीको दरबन्दी कटौती गर्दै जानुले विकास होइन यथास्थितिमा रहने वातावरण समेत नरहेको डिभिजन प्रमुख कार्कीको भनाई छ।

थाहा खबरबाट

असोज ११, २०७६ , भारतमा आएको पछिल्लो बाढीका कारण कम्तीमा ४४ जनाको मृत्यु भएको छ। अधिकारीका अनुसार बाढीबाट प्रभावित भएका हजारौँ विस्थापित भएका छन्। देशको उत्तर प्रदेश राज्यमा अत्यधिक वर्षाका कारण बाढी आएको हो। गत २४ देखि ४८ घण्टासम्मको अवधिमा अत्यधिक वर्षा भएको र नदी किनारका क्षेत्रमा बढी असर गरेको अधिकारीहरुको भनाइ छ। “गएरातिसम्ममा मृत्यु हुनेको संख्या ४४ पुगेको पुष्टि भएको छ, सरकारी अधिकारीहरुले खोजी तथा उद्धारका लागि प्रयास गरिरहेका छन्”, प्रकोप व्यवस्थापन प्रदेश कार्यालयका उपाध्यक्ष रवीन्द्र प्रताप साहीले एएफपीसँग भने। उनले बाढीबाट प्रभावित हजारौँ स्थानीय बासिन्दालाई सुरक्षित स्थानतर्फ सारिएको र शरणार्थी शिविरहरुमा राखिएको पनि जानकारी दिए। प्रभावित क्षेत्रमा अरु ४८ घण्टासम्म पनि भीषण वर्षा हुने अनुमान गरिएको मौसमविद्हरुले जनाएका छन्।

थाहा खबरबाट

असोज ११, २०७६ काठमाडौं केही दिन यता लगातार जाम भएर सवारी आवागमन प्रभावित हुँदै आएको नौबिसे–नागढुंगा सडकमा शनिबार निर्वाध रुपमा सवारी साधन चलेका छन्। पृथ्वीराजमार्ग हुँदै यात्रा गर्ने यात्रुले हिजोसम्म घण्टौ जाममा बस्नुपरेको थियो। शनिबार बिहानदेखि भने सवारी आवागमनमा कुनै समस्या नभएको प्रहरीले जनाएको छ। दिउँसोको समयमा सडक मर्मत गर्दा हिजो लामो सयम जाम भएको थियो। राति र सवारी चाप कम भएका बेला मर्मत गर्ने व्यवस्था मिलाइएसँगै जाम हटेको हो। अहिले निर्वाध रुपमा सवारी साधन चलेको र जाम नरहेको धादिङ प्रहरी कार्यालयले जनाएको छ। यो सडकमा सवारी साधन बिग्रीएर, पहिरो खसेर, सडकमा खाल्डाखुल्डी भएर र सवारीसधानको अत्यधिक चाप हुँदा जाम लाग्ने गरेको छ।

थाहा खबरबाट

असोज ११, २०७६ काठमाडौं देशका अधिकासं स्थानमा मेघ गर्जनसहित पानी पर्ने जल तथा मौसम विज्ञान विभागको मौमस पुर्वानुमान महाशाखाले जनाएको छ। पूर्व, मध्य र पश्चिमका केहि स्थानमा भारी बर्षासमेत हुने महाशाखाकी मौसमवीद् विभूती पोखरेलले जानकारी दिए। भारी बर्षासँगै पहाडी क्षेत्रमा पहिरो र तराईमा बाढी आउन सक्ने भएकाले सचेत रहन महाशाखाले आग्रह गरेको छ। बिशेषगरी पूर्वी क्षेत्रमा दिउँसो भारी बर्षा हुनसक्ने भएकाले स्थानीयलाई सचेतना अपनाउन महाशाखाले भनेको छ। शनिबार दिउँसो र बेलुकीपख काठमाडौं उपत्यकामा पनि पानी पर्ने संभावना रहेको मौसमबीद् पोखरेललको भनाई छ। बंगालको जलबाष्पयुक्त बायु र न्युनचापिय रेखाका कारण केहिदिनयता मनसुनी गतिविधी सकृय भएको छ। मनसुनी गतिविधी सकृय भएका कारण अवको तीनदिनसम्मै देशभर पानी पर्ने संभावना रहेको महाशाखाले जनाएको छ।