जेठ २०,२०८३ बाँके : बाँकेको कोहलपुर नगरपालिका–२ स्थित एक घरबाट ब्राउन सुगरसहित चार जनालाई पक्राउ गरिएको छ ।
जिल्ला प्रहरी कार्यालय बाँकेका डिएसपी राठौंरका अनुसार कोहलपुर नगरपालिका–२ का द्वारिका प्रसाद थारुको घरमा लागुऔषधको कारोबार भइरहेको भन्ने गोप्य सूचनाका आधारमा इलाका प्रहरी कार्यालय कोहलपुरबाट खटिएको प्रहरी टोलीले बुधबार उक्त घरमा छापा मारेको थियो। घरमा खानतलासी तथा चेकजाँच गर्ने क्रममा ७ ग्राम ५६० मिलिग्राम लागुऔषध ९ब्राउन सुगरजस्तो पदार्थ बरामद गरिएको प्रहरीले जनाएको छ।
बरामद लागुऔषधसँगै अनुसन्धनकोक्रममा कोहलपुर नगरपालिका–२ का द्वारिका प्रसाद थारु, समिर विक, राकेश चौधरी तथा बैजनाथ गाउँपालिका–५ का ओमकान्त थारुलाई पक्राउ गरिएको छ । उनीहरुलाई लागुऔषध सम्बन्धि कसुरमा जिल्ला अदालतबाट ७ दिनको म्याद थप भई अनुसन्धान भईरहेको प्रहरीले जनाएको छ ।
पछिल्लो समय बाँके जिल्लामा लागुऔषध दुर्व्यसन तथा कारोबारका घटना बढ्दै गएकाले प्रहरीले निगरानी र कारबाहीलाई तीव्र बनाएको छ। विशेषगरी ब्राउन सुगर, गाँजा तथा अन्य लागु पदार्थको ओसारपसार र बिक्री वितरण रोक्न विशेष अभियान चलाइएको प्रहरीले जनाएको छ ।
