तिलाचन पाण्डे
जेठ १९,२०८३ गुल्मीः गुल्मीका ११ स्थानीय तहमा राष्ट्रिय स्वतन्त्र पार्टीले नयाँ नेतृत्व चयन गरेको छ ।
पार्टीका जिल्ला सभापति भोजराज पाण्डेका अनुसार कालीगण्डकी गाउँपालिकामा गोबिन्द गौतमको नेतृत्व, चन्द्रकोटमा कमल खत्री, सत्यवतीमा कृष्णप्रसाद भट्टराई, रुरुक्षेत्रमा हुतराज गौतम, छत्रकोटमा रामकृष्ण न्यौपाने, इस्मामा नरेन्द्रप्रसाद रिजाल, धुर्कोटमा राजेन्द्र पोखरेल, मालिकामा टिका जिसी, मदानेमा देवेन्द्र सेन, मुसिकोट नगरपालिकामा सुभास जिसी र रेसुङगामा कृष्ण पराजुलीको नेतृत्वमा नयाँ नेतृत्व चयन भएको हो ।
१२ वटा स्थानीय तह रहेको गुल्मीमा गुल्मीदरबार गाउँपालिकामा मात्र नयाँ नेतृत्व चयन गर्न बाँकी रहेको छ । त्यस गाउँपालिकाका वडा स्तरमा अधिवेशनहरु चलिरहेकाले त्यस पस्चात पालिकाको नेतृत्व चयन हुनेछ । पालिकाको अधिवेशन गर्नका लागि न्यूनतम ३० प्रतिशत वडाको अधिवेसन भएको हनुपर्ने भएकाले त्यस पालिकामा एउटा वडामा मात्रै अधिवेशन सम्पन्न भएकाले पालिकाको अधिवेशन गर्न नसकिएको हो ।
पालिकाहरुको अधिवेसन करिव सकिएकाले २३ गते जिल्लाको अधिवेसन गर्न लागिएको पाण्डेको भनाइ छ ।
