जेठ २०,२०८३ बुटवल : रुपन्देहीको बुटवलबाट असी तोला सुन चोरी भएको छ । अमरपथस्थित तिनाउ सुनचाँदी पसलमा चोरी भएको छ । सुनका गरगहना र काँचो सुनसहित करिब ८० तोला सुन चोरी भएको हो ।
पसल सञ्चालक दीपक सेन्चुरी घुम्नका लागि पोखरा गएका सोमबार बिहान पसलको सटर खुलेको अवस्थामा देखेपछि स्थानीयले सञ्चालकलाई खबर गरेका थिए । त्यसपछि पसलमा पुगेका परिवारका सदस्य र कामदारले चोरी भएको पुष्टि गरेका हुन् ।
पसल सञ्चालक सेन्चुरीले सुनका गरगहना र काँचो सुन गरी ८० तोला चोरी भएको र जसको बजार मूल्य साढे दुई करोड पर्ने दाबी गरेका छन् ।
घटनास्थल निरीक्षणका क्रममा पसलभित्र एउटा ठुलो चाबीको झुप्पा फेला परेको छ तर ती चाबीहरू पसलकै नभएको बताइएको छ ।
