असोज ११, २०७६ दाङ दाङमा बसले मोटरसाइकललाई ठक्कर दिँदा एक जनाको मृत्यु भएको छ। शनिबार बेलुका घोराहीको बालमन्दिरमा बसले मोटरसाइकललाई ठक्कर दिएर एक जनाको मृत्यु भएको छ भने एक जना घाइते भएका छन्। घोराही उपमहानगरपालिका १४ बालमन्दिर नजिकै घोराही बसपार्कबाट तुलसीपुरतर्फ जाँदै गरेको रा १ ख २१०६ नम्बरको बसले रा १ प ४१७९ नम्बरको मोटरसाइकललाई ठक्कर दिँदा मोटरसाइकल चालक घोराही उपमहानगरपालिका १५ बस्ने १७ वर्षीय प्रदिप जि।सीको मृत्यु भएको प्रहरीले जानकारी दिएको छ। घटनामा परि घाइते भएका जिसीलाई उपचारका लागि राप्ती स्वास्थ्य विज्ञान प्रतिष्ठानमा लैजाँदै गर्दा बाटोमा नै मृत्यु भएको जिल्ला प्रहरी कार्यालय दाङका प्रवक्ता डिएसपी विनोदविक्रम शाहले बताए। घटनामा परी मोटरसाईकलमा सवार जिल्ला दाङ घोराही उपमहानगरपालिका १५ बस्ने १६ वर्षका सन्तोष चौधरी गम्भीर घाइते भएको प्रहरीले बताएको छ।
