मंसिर१४,

खड्ग भूमि कालिका मन्दिर पुजा ब्यबस्थापन समितिको आयोजनामा गुल्मीको दॉसिकोटमा भेला सम्पन्न भएको छ।भेलाले ताराप्रसाद कंडेलको अध्यक्षतामा २७सदस्यिय समितिको निर्माण गरिएको हो।पुजा ब्यबस्थापन समितिको सह अध्यक्षमा ढालबहादुर पौडेल,हिमबहादुर बि क र नन्दकली खरेल रहनु भएको छ।यसैगरी सचिबमा ताराप्रसाद खरेल,सहसचिबमा लेखनाथ कंडेल,कोषाध्यक्षमा पदम बि क र सह कोषाध्यक्षमा धमला कंडेल रहनु भएको छ। सदस्य हरूमा:बाबुराम परियार,कालीदास खरेल,बुध्दिमणी खरेल,यज्ञ कंडेल,टुंके परियार,बलबहादुर बि क,गोपाल कंडेल,सुमित्रा खरेल,चन्द्रकान्त कंडेल,बिरबहादुर परियार,लक्ष्मण कंडेल,कर्णबहादुर बि क,बलबहादुर बि क (डॉडा),लुकमणी कंडेल,प्रेम बहादुर बि क(२),प्रेमबहादुर बि क,सिता कंडेल(कमेरे)लगायत रहनु भएको छ। भेलाले रामकृस्ण कंडेल लाई आर्थिक बिभाग प्रमुख,देबराज खरेल लाई ईतिहॉस लेखन बिभाग प्रमुख,यज्ञमूर्ती कंडेल लाई बिधान मस्यौदा निर्माण बिभाग प्रमुखमा चयन गरिएको छ। सल्लाहकारमा वार्ड अध्यक्ष नरेश खरेल,पं यमप्रसाद कंडेल र शषे दर्जी रहनु भएको छ। भेलाले मन्दिर निर्माणको लागि देश बिदेशमा रहनु भएका ब्यक्तित्व हरू संग आबस्यक सर सल्लाह लगायतका बिबिध बिषयमा परामर्श गर्ने,आर्थिक समितिको पूर्णता दिने जिम्मा आर्थिक बिभाग प्रमुख रामकृस्ण कंडेल लाई तोकेको छ।

मंसिर १४,२०७६ गुल्मी ः गुल्मीको रुरुक्षेत्र वडा नं ६ रिमुवामा वडा अध्यक्षका लागि भएको निर्वाचनको मतदान शान्तिपुर्ण रुपमा सम्पन्न भएको छ । रुरुक्षेत्र गाउँपालिका वडा नं ६ रिमुवामा वडा अध्यक्षका लागि भएको निर्वाचनमा कुल एक हजार ५४४ मत खसेको मतदान अधिकृत शान्ती शर्माले जानकारी दिए । जसमा महिला ८७६ र पुरुष ६६८ जनाले मतदान गरेको शर्माले जानकारी दिए । जस अनुसार ७५ दशमलब ३९ प्रतिशत मत खसेको शर्माले जानकारी दिए । सो वडामा कुल दूई हजार ४८ मतदाता रहेका थिए ।
जिल्लाको रुरुक्षेत्र गाउँपालिका वडा नं ६ को वडा अध्यक्षको लागि भएको निर्वाचन शान्तिपुर्ण रुपमा रुपमा सम्पन्न भएको गुल्मी जिल्लाका प्रमुख जिल्ला अधिकारी कोशहरी निरौलाले जानकारी दिए । निर्वाचनका लागि जनज्योती माध्यमिक बिधालयमा एक मतदान स्थल र २ मतदान केन्द्रमा मतदाताले मतदान गरेका हुन् ।
वडा अध्यक्षको निर्वाचनमा रिमुवाका ८६ बर्षका जेष्ठ नागरिक राम बहादुर दमैले मतदान गरेका थिए ।

वडा नम्बर ६ का वडाध्यक्ष पुर्ण बहादुर रेगामीको २०७५ साउन १३ गते निधन भएको थियो । उनले ६२८ मत ल्याएका थियो भने उनका प्रतिद्धन्दी नेपाली काग्रेसका वेद बहादुर दर्लामीले ६१९ मत ल्याएका थिए अहिले वडा अध्यक्षका लागि नेकपाबाट गिरी प्रसाद सिंजाली , नेपाली काग्रेसबाट बेद बहादुर दर्लामी र स्वतन्त्रबाट मनबहादुर पचभैया चुनावी मैदानको प्रतिस्पर्धामा रहेका छन् ।

मंसिर १३ ,२०७६ गुल्मी ः
गुल्मीमा ट्याक्टरको ठक्करबाट एक पैदल यात्रुको मृत्यु भएको छ ।
जिल्लाको छत्रकोट गाउँपालिका वडा नं ६ दौघामा लु ३ च ८२८० नंको टयाक्टरको ठक्करबाट पैदलयात्री १६ बर्षका सुमन नेपाली घाइते भएको र उपचारका लागि पाल्पा लैजाँदै गर्दा बाटोमा नै मृत्यु भएको जिल्ला प्रहरी कार्यलय गुल्मीका प्रहरी नायब उपरीक्षक मिन बहादुर घलेले जानकारी दिए । ट्याक्टर चालकलाई नियन्त्रणमा लिइएको प्रहरीले जनाएको छ । घटनाको बारेमा थप अनुसन्धान भइरहेको जिल्ला प्रहरी कार्यलय गुल्मीले जनाएको छ ।

गुल्मीमा जिप दुर्घटना ६ जना घाइते २ को अबस्था गम्भिर
गुल्मीमा शुत्रबार जिप दुर्घटना हुँदा ६ जना घाइते भएका छन् । जिल्लाको चन्द्रकोट गाउँपालिका वडा नं ७ रैतरामा लु १ च ७२४१ नं को जिप दुर्घटना हँुदा ६ जना घाइते भएको जिल्ला प्रहरी कार्यलय गुल्मीले जनाएको छ । घाइतेहरुमा चन्द्कोट गाउँपालिका वडा नं ७ रैतराका २५ बर्षिय चालक लाल बहादुर नेपाली , ७५ की चन्द्रकला घिमिरे , ५६ की मैँया थापा , २३ की गोमा केशी , ३६ की हिमा भट्टराई र १६ की मनिषा खत्री रहेको जिल्ला प्रहरी कार्यलय गुल्मीका प्रहरी नायब उपरीक्षक मिन बहादुर घलेले जानकारी दिए । घाइतेहरु मध्ये चालक लाल बहादुर नेपाली र चन्द्रकला घिमिरेको अबस्था गम्भिर रहेकाले उपचारका लागि पाल्पा पठाइएको छ भने अन्यको स्थानीय जोहाङ स्वास्थ्य केन्द्रमा उपचार भइरहेको जिल्ला प्रहरी कार्यलग गुल्मीले जनाएको छ । घटनाको बारेमा थप अनुसन्धान भइरहेको प्रहरीले जनाएको छ ।

मंसिर१३,रामकृस्ण कंडेल गुल्मी

जिल्लाको चन्द्रकोट-७ रुपाकोटमा जीप दुर्घटना भएको छ।रुपाकोटको एक्लेपिपल देखी रैकर जाने क्रममा महेन्द्र प्रा वि नजिकै जीप दुर्घटना हुदा ६ जना घाइते भएका छन।जिप चालक सहित २जनाको थप ऊपचारको लागी तानसेन पाल्पा पठाईएको छ।घाईते ४ जनाको गुल्मीको खैरेनीमा ऊपचार भईरहेको बताईएको छ।

मङ्सिर १३ गुल्मी । जिल्लाको मालिका गाउँपालिकाले लैङ्गिक हिंसा विरुद्धको १६ दिने अभियान सञ्चालन गरेको छ । गाउँ पालिकाले पालिकामा रहेका ८ वटै वडामा अभियान सञ्चालन गरिने मालिका गाउँ पालिकाका उपाध्यक्ष देवा अर्यालले जानकारी गराईन् । अर्यालका अनुसार पहिलो दिन मालिका गाउँपालिका १ नेटामा लैङ्गिक हिंसा विरुद्धको अभियान अन्तर्गत छलफल कार्यक्रम सम्पन्न भएको छ । छलफलमा सहभागी महिलाहरूले मदिरा सेवनले हिंसा बढाएको बताए । उनीहरूले मदिरामुक्त वडाका लागि गाउँपालिकालाई पहल गर्न आग्रह समेत गरेका छन् । सोही वडामा महिलाहरू घरभित्रै दविएर बस्नुपर्ने ,छोरा र छोरीमा समान व्यवहार नगर्ने लगायतका विषयमा छलफल भएको थियो । मालिका गाउँपालिकाका अध्यक्ष रित बहादुर थापाले हिंसा न्यूनीकरण गर्न स्थानीय महिला जागरुप हुनुपर्ने उल्लेख गरे । थापाले बालविवाह पहिलो समस्या रहेको बताउँदै बाल विवाह रोक्न सबै लाग्नुपर्ने थापाको भनाई छ । यस्तै मालिका गाउँपालिका उपाध्यक्ष एवं कार्यक्रमका संयोजक देवा अर्यालले लैगिंक हिंसा कसैले नगर्ने र नसहने हो भने हिंसा न्यूनीकरण भएर जाने बताइन् । न्यायिक समितिको संयोजक समेत रहेकी उनले गाउँमा हिंसा भए न्यायका लागि गाउँपालिका आउन कार्यक्रमका सहभागीलाई आग्रह गरेकी छन् । अभियान प्रत्येक वडामा ८ दिन सम्म चल्ने पालिकाले जनाएको छ ।

सोही अवसरमा व्यापार गर्ने उद्देश्यले पनि टाढा–टाढाबाट स्थानीय उत्पादन विक्रीका लागि ल्याइएको थियो । जसकारण संस्कृतिको संरक्षणसँगै स्थानीय वस्तुहरुको प्रवद्र्धनमा समेत टेवा पुगेको देखिन्छ । भैलो नाँच प्रतियोगितामा गाउँपालिकाभित्र रहेका ७ वटै वडाहरुको सहभागिता रहेको थियो । प्रतियोगितामा प्रथम स्थान हासिल गर्ने मदाने १ अग्लु·ले २५ हजार हात पारेको छ । मदाने गाउँपालिका–६ पुर्कोटदहले द्वितीय स्थान हासिल गर्दै १५ हजार हात पारेको छ । भने अन्य सहभागी समूहले पाँच हजारका दरले भत्ता स्वरुप पाएका थिए । यसरी स्थानीय सरकार गठन भएपश्चात गाउँपालिकाले स्थानीय कला र संस्कृतिको संरक्षणमा विशेष जोड दिर्दै आएको सूचना अधिकारी ऋषिराम पोख्रेलले जानकारी दिए । विभिन्न ऐतिहासिक चाडपर्वहरुमा गाइने मौलिक गीत तथा नाँचको संरक्षणका लागि गाउँपालिकाले विशेष भूमिका खेलेको छ ।

पुराना लोकसंस्कृति तथा परम्परा लोप हुन लागेकाले तिनको संरक्षण, प्रवद्र्धन र विकास गर्नको लागि गाउँपालिकाले संस्कृति सम्बन्धी विभिन्न परम्परागत ऐतिहासिक साँस्कृतिक कार्यक्रमहरु गर्दै आएको प्रमुख प्रशासकीय अधिकृत सुरेश भण्डारी बताए । उनका अनुसार गाउँपालिका संस्कृतिको संरक्षणका लागि विशेष योजना सहित अगाडि बढेको हो । वार्षिक बजेटमा नै संस्कृति संरक्षणको लागि भनेर छुट्टै शिर्षक राखिएको प्रमुख प्रशासकिय अधिकृत भण्डारीले जानकारी दिए । संस्कृति संरक्षणका लागि वार्षिक बजेटमा नै पाँच लाख छुट्याईएको छ । आधुनिकताको नाममा परम्परागत कला र संस्कृति विस्तारै हराउन थालेकाले तिनीहरुको संरक्षणका लागि नयाँ पुस्तालाई जानकारी दिने उद्देश्यले भैलो, तिजगीत, पञ्चेबाजा जस्ता प्रतियोगिता आयोजना गरिदै आएको गाउँपालिका अध्यक्ष दानबहादुर केसीले बताए । उनले यो वर्षबाट भजन कृर्तन प्रतियोगिता पनि सञ्चालन गर्ने जानकारी दिए । उनले भने ‘संस्कृतिको संरक्षण हामी सबैले गर्नुपर्छ भन्ने गाउँपालिकाको मान्यता रहेको छ ।’ गाउँपालिकामा सबैको साझा संस्कृति भएकाले यस्ता संस्कृति संरक्षणमा सबैले चासो दिन अध्यक्ष केसीले आग्रह गरे । उनले भने ‘हाम्रो गाउँपालिकामा कुनै पनि जाती विशेषका पर्वहरु छैनन् । हामी सबैका एउटै र साझा पर्वहरु तिज, दशैं र तिहार हुन् । आगामी दिनहरुमा यस्ता प्रतियोगितात्मक कार्यक्रमहरु गर्नको लागि पहिले नै मिति तोक्ने अध्यक्ष केसीले जानकारी गराए ।
कार्यक्रम स्थलमा स्थानीयस्तरमा उत्पादन गरिएका कृषि सामग्री र खाद्यन्नहरु त्यस ठाउँमा राख्दा स्थानीय कृषि सामग्रीको व्यापार हुने केसीले बताए । गाउँपालिका भित्र लुकेर रहेका प्रतिभाहरुको उजागर गर्दै संस्कृतिको जर्गेनाका लागि आफूहरुले विशेष ध्यान पुर्याएको गाउँपालिका उपाध्यक्ष सरिता खड्काले बताईन् । उनले भनिन् ‘गाउँपालिकाले संस्कृतिको जर्गेनामा पनि विशेष ध्याँन पु¥याएको छ, छिट्टै पञ्चेबाजा, भजनकृर्तन प्रतियोगिता पनि गर्दैछौँ ।’ नयाँ पुस्ताका लागि यस्ता प्रतियोगिताले महत्वपूर्ण भूमिका खेल्ने उनको
भनाई छ ।