दिवाकर पोख्रेल
भदौ १७,२०८० देउखुरी : सन्चार तथा सूचना प्रविधि मन्त्री रेखा शर्माले बर्तमान सरकारले संघीय लोकतान्त्रिक गणतन्त्रात्मक व्यवस्था प्रतिको विश्वास जगाउदै अवस्था परिवर्तन तर्फ केन्द्रित रहेको बताउनुभयो । नेकपा माओवादी केन्द्र दाङ घोराही उप महानगरपालिको प्रशिक्षणलाई शम्बोधन गर्दे मन्त्री शर्माले सरकारले प्राप्त उपलव्धीलाई संस्थागत गर्दे जनताको अवस्था परिवर्तनमा लागि परेको बताउनुभयो । उहाँले भन्नुभयो,‘बर्तमान सरकारले व्यवस्था प्रतिको विश्वास‘जोगाउन सफल भएको छ,यसलाई उपलव्धी मान्दै अब जनताको अवस्था परिवर्तन गरेर देखाउने काममा सरकार लागेको छ ।’

सरकारको प्रवक्त रहनु भएकी शर्माले बर्तमान व्यवस्था प्रति जनतामा भ्रम र निरासा फैलारहेको समयमा सरकारले व्यवस्था प्रर्तिको विश्वास जगाउँदै भिआइपी कल्चर अन्त्य गर्ने काममा लागेको दावी गर्नुभयो । केहि शक्तीकेन्द्र राजनीति अस्थिरता र भष्ट्राचार प्रवृतिलाई देखाएर सबै सरकार गलत व्यवस्था पनि गलत भन्ने भान पारिरहेको समयमा सरकारको साहसी इतिहासिक कामले व्यवस्था प्रति जनतामा केही आसा पलाएको बताउनुभयो । ‘बर्तमान व्यवस्था असफल पार्नको लागि राजनीतिक अस्थिरता कायम राख्ने र शुसासान कायम रहन नदिने खेल पनि भए तर सरकारले साहसका साथ अघी बढेयो । प्रधानमन्त्रीले गलत गरे म जेल जान तयार छु भनिरहनु भएको छ,यस्ले सरकारले कसैलाई छाडददैन भन्ने पनि भएको छ ।’ मन्त्री शर्माले भन्नुभयो ।

नेकपा माओवादी केन्द्रकी स्थायी समिति सदस्य शर्माले अन्य दल जस्तै माओवादीका केहि नेता कार्यकर्ता विग्रदैमा समग्र आन्दोलन र व्यवस्था प्रति आरोप लगाउन नहुने बताउनुभयो । माओवादीका केहि नेता कार्यकर्ता विग्रीएको स्विकार्दै मन्त्री शर्माले अबको तीन महीना शुद्धिकरण अभियानले विग्रीएको क्षेत्रमा सुधार आउने विश्वास व्यक्त गर्नुभयो । उहाँले भन्नुभयो, ‘हामी केहीहद सम्म विगीएकै हो, तर काम नलाग्नेगरी विग्रीएको होइन,।प्रशस्त सुध्रन ठाउँछ,यदी कतै बाटोृ विराएको भएपनि हाम्रो यो अभियान आलोचित हुने र सुध्रने अभियान पनि हो ।’ अब माओवादी पूर्ण रुपमा सुध्रनै पर्ने भन्दै शर्माले अन्य दल भन्दा फरक जनमुखी बन्न जनताको परिमर्कामा सामेल हुन कार्यकर्तालाई निर्देशन दिनुभयो । माओवादी विग्रदा व्यवस्था माथि प्रश्न उठने भएकाले माओवादीलाई गल्ती गर्ने छुट नभएको तर्क उहाँको थियो ।

यस्तै कार्यक्रममा नेकपा माओवादीकी अर्का स्थायी समीति सदस्य जयपुरी घर्तिले तीन महीना अभियानमा जनताको काममा लाग्ने पार्टी कार्यकर्तालाई निर्देशन दिनुभयो । अब कार्यकर्ता स्तरबाट भष्ट्राचार नियन्त्रण अभियान गाउँगाउँबाटै शुरु गर्न र आफ्नो नृतृत्वका सामाजिक संघसंस्थामा उदाहरणीय काम गरेर देखाउनुपर्ने भनाई उहाँको थियो ।

भदौ १६,२०८० प्युठान :युग परिवर्तन गर्ने नै नेकपा माओवादी केन्द्र रहेको नेकपा माओवादी केन्द्र लुम्बिनी प्रदेशका अध्यक्ष सुदर्शन बरालले बताउनुभएको छ । शनिबार आज भूमे गाउँपालिका–२ खाबाङबगरमा आयोजित जनतासँग माओवादी केन्द्र भन्ने तीन महिने अभियानलाई सम्बोधन गर्दै अध्यक्ष बरालले यस्तो बताउनुभएको हो ।

अन्य पार्टीहरु परिवर्तन भन्दा पनि यथास्थितिमै रहेर जनतालाई नाटक देखाउँदै राजनीति गरिराखेको अध्यक्ष बरालले बताउनुभयो । तर नेकपा माओवादी केन्द्रले युग परिवर्तनका निम्ति राजनीति गर्दै सधैँ देश र जनताको भलाईको लागि काम गर्दै आएको उहाँले बताउनुभयो । जनयुद्धले हालको परिवर्तन नयाँ संविधान र जनताका मौलिक हक र अधिकार सुनिश्चित भएको बताउँदै बरालले भन्नुभयो “सरकारमा माओवादीले नेतृत्व गरेको समयमा केही न केही जनताको हितको लागि परिवर्तन गर्दै आएको छ ।”

अन्य पार्टीले नेतृत्व गर्दाको सरकारले केही पनि नयाँ काम नगरेको दाबी गर्दै अध्यक्ष बरालले थप्नुभयो, “हाल भ्रष्टचार विरुद्धको अभियान थलनी गर्दै अब देशमा सुशासन कायमका लागि अध्यक्ष प्रचण्ड नेतृत्वको सरकारले काम गर्दै आएको छ । त्यसमा स्थानीय र प्रदेश सरकार र आम माओवादी पार्टीका नेताकार्यकर्ताले सहयोग गर्दै जानुपर्छ ।” माओवादीले युग परिवर्तन गर्दै आएको स्मरण गर्दै अध्यक्ष बरालले अब माओवादीको काँधमा अब नयाँ युग परिवर्तन गर्नका लागि जनतासँग माओवादी पार्टीको तीन महिने अभियानबाट अघि बढ्नुपर्ने बताउनुभयो ।

यस्तै नेकपा माओवादी केन्द्रका केन्द्रीय सदस्य रामसुर बुढामगरले जनताको भावना अनुसार नेता जनतामै फर्किएर पार्टीका काम गर्नु पर्ने बताउनुभयो । जनता धेरै सचेत भइसकेको बताउँदै बुढामगरले भन्नुभयो, “उक्त जनताको चेतना अनुसार पार्टीले काम गर्दै जानुका साथै माओवादीबाट जननिर्वाचित प्रतिनिधिले जनताकै माग र आवश्यक्तालाई बुझ्दै काम गर्नु बाहेक अरु विकल्प हामी सामु छैन ।”

पार्टीको नेता भएर अब जनताले पत्याउने छैन त्यस कारण आम माओवादीका कार्यकर्ता जनताका नेता हुनु पर्ने बुढामगरले बताउनुभयो । जनता र पार्टीका कार्यकर्ताको भावना विपरित आफ्नो स्वार्थ लागेमा नेता मात्र नभइ पार्टी नै कमजोर भइरहेको उहाँको भनाइ रहेको छ । पार्टीलाई बलियो बनाउनका लागि नेतृत्व इमान्दार भई जनता र कार्यकर्ताको भावना अनुसार नेताहरु कममा लाग्नु पर्ने केन्द्रीय सदस्य बुढामगरले बताउनुभयो ।

भूमे गाउँ समितिका अध्यक्ष रुपधन कामीको अध्यक्षतामा भएको कार्यक्रम प्रमुख अतिथि लुम्बिनी प्रदेशका अध्यक्ष सुदर्शन बराल, विशेष अतिथिमा केन्द्रीय सदस्य रामसुर बुढामगरको रहेको थियो भने अन्य अतिथिमा लुम्बिनी प्रदेश सचिवालय सदस्य होमप्रकाश श्रेष्ठ, प्रदेश सदस्य जिताराम कामी र भूमे गाउँ समिति इञ्चार्ज धुव्रविक्रम ओलीको रहेकोमा कार्यक्रम सञ्चालन गाउँ समिति सचिव नारायण पुनमगरले गर्नु भएको थियो ।