शाख १६,२०८३ पाल्पा : पाल्पाको नुवाकोटबाट बुटवल जाँदै गरेको स्कुटर दुर्घटना हुँदा दुई जनाको मृत्यु भएको छ भने एक जना घाइते भएका छन् । नुवाकोटबाट बुटवलतर्फ जाँदै गरेको लु ३४ प ५७६६ नम्बरको स्कुटर ओरालो सडकमा अनियन्त्रित भई दुर्घटना भएको प्रहरीले जनाएको छ ।
एउटै स्कुटरमा सवार तीन जनामध्ये कपिलवस्तुको वाणगङ्गा नगरपालिका–९ भलवाडकी १९ वर्षीया निशा कुँवर र बुटवल उपमहानगरपालिका–११ कालिका नगरकी १८ वर्षीया पूर्णिमा उचाइ मगरको मृत्यु भएको छ ।
इलाका प्रहरी कार्यालय बुटवलका प्रहरी निरीक्षक थमन जिसीका अनुसार दुर्घटनामा स्कुटर चालक वाणगङ्गा नगरपालिका–७ बनगाईका सुमन श्रेष्ठ गम्भीर घाइते हुनुभएको छ ।
