सुशीला रेग्मी
असार ८,२०८० पाल्पाः आगामी आर्थिक वर्ष २०८०÷०८१ का लागि नीति तथा कार्यक्रमका लागि रामपुर नगरपालिकाले राय सुझाव सङ्कलन कार्यक्रम गरिरहेको छ ।
शुक्रवार नगरपालिकाले नगरमा क्रियाशिल विभिन्न राजनैतिक दल, पत्रकारसंग राय सुझाव सङ्कलन गरेको छ । नगर प्रमुख रमणबहादुर थापाको अध्यक्षतामा कार्यक्रम भएको हो । नगर प्रमुख थापाले आगामी नीति तथा कार्यक्रमबारे जानकारी गराउनुभएको छ ।
उहाँले आगामी आर्थिक वर्षलाई आर्थिक बृद्धिदरको वर्षको रुपमा काम गर्ने बताउनुहुदै अहिले साढे पाँच करोड बराबरको राजश्व उठाउने र आगामी हिउँदे अधिवेशनमा बढाएर १५ लाख पु¥याउने लक्ष्य रहेको बताउनुभएको छ । रामपुर नगरलाई राम्रो बनाउन सरोकारवाला सबैसंग राय सुझाव सङ्कलन कार्य गरिरहेको र सोही अनुसार आगामी नीति तथा कार्यक्रममा समावेश गर्ने नगर प्रमुख थापाले बताउनुभएको छ ।
कार्यक्रममा सहभागीले नगरको विकास, पर्यटन, फोहोरमैला व्यवस्थापन, कृषि, स्वास्थ्य, शिक्षा, रोजगार, वस्ती विकास, शहर व्यवस्थित, नगरको विकासका लागि दिर्घकालिन योजना लगायतका विषयमा आगामी आर्थिक वर्षका नीति तथा कार्यक्रममा समावेश गर्न सुझाव दिनुभएको छ ।
कार्यक्रमको संचालन प्रमुख प्रशासकीय अधिकृत लेखनाथ न्यौपानेले गर्नुभएको हो । नगरपालिकाले आगामी नीति तथा कार्यक्रमका लागि सरोकारवालासंग छलफल तथा अन्तक्र्रिया गरिरहेको छ ।
