रामपुर ४ मा वडा सभा तथा भेला सम्पन्न

0
64

सुशीला रेग्मी
असार८,२०८० पाल्पाःरामपुर नगरपालिका वडा नं ४ मा आर्थिक वर्ष २०८०÷०८१ का लागी नीति, कार्यक्रम तथा योजना तर्जुमा सम्बन्धी वडा सभा तथा भेला सम्पन्न भएको छ ।

वडाध्यक्ष रामबहादुर रानाको अध्यक्षतामा कार्यक्रम भएको हो । वडाध्यक्ष रानमले कृषिमा परम्परागत प्रणालीलाई आधुनिक प्रविधी सहित व्यावसायिकरण गरिने, शिक्षालाई व्यावहारिक, प्रविधि मय र बालमैत्री विद्यालय बनाउन प्रोत्साहन गर्ने, वडामा रहेका स्वास्थ्य संस्थाहरूलाई वडावासीहरुको पहँुचमा पु¥याइने, वडावासीहरुको आवश्यकतालाई मध्यनजर गर्दै शुद्ध खानेपानी वडावासीहरुको पहुँचमा पु¥याउने, वडामा रहेको सडकहरु नगरपालिकाले मापदण्ड अनुसार नामाकरण सहित स्तरोन्नती गर्ने कार्यक्रम वडाले प्राथमिकता दिएको बताउनुभएको छ ।

वडामा रहेका धार्मिक तथा पर्यटकिय क्षेत्रहरुलाई संरक्षण, संवद्र्धन र प्रचार प्रसार, कालीगण्डकीको किनारमा अवस्थित वडभानघाट क्षेत्रलाई डाइनसर पार्क र वडाको अन्य क्षेत्रमा रहेको उपयुुक्त क्षेत्रलाई पार्कको रूपमा लिने, टोल विकास संस्थाहरुलाई क्रियाशिल बनाई पहिचान सहित दर्ता प्रक्रियामा लगिने, वडामा रहेका प्रतिभावान् खेलाडीलाई नगर, क्षेत्र, जिल्ला, प्रदेश हुदै राष्ट्रियस्तरमा पु¥याउनका लागि प्रोत्साहन गरिने, लक्षित वर्गलाई सीपमुलक तालिम, गोष्ठी संचालन गरी व्यावसायिक बनाउने, वडामा रहेका विद्युत् समस्यालाइ समाधान गर्ने, उपयुक्त स्थानमा व्यायामशाला निर्माण, वडाभित्रका कृषिका लागि उपयुुक्त स्थान र वातावरणको पहिचान गरी कृषि पकेट क्षेत्र घोषणा गर्ने, वडामा रहेको विभिन्न जातजाति, धर्म, संस्कृति अनुसारको अन्येष्टिस्थलहरुको संरक्षण व्यवस्थापन गरिने योजना अघि सारेको वडाध्यक्ष रानाले जानकारी दिनुभएको छ ।

कार्यक्रममा नेपाली कांग्रेस रामपुर नगरपालिका वडा नं ४ का वडा सभापति थर्कबहादुर राना, नेकपा एमाले वडा कमिटी अध्यक्ष डिलबहादुर कौशी, राष्ट्रिय स्वतन्त्र पार्टीका नगर सदस्य टेकबहादुर क्षेत्री, समाजसेवी हमिदअली मियाँ, हातेमालो वचत तथा ऋण सहकारी संस्थाका अध्यक्ष विष्णुबहादुर सारु, खोप्टार खानेपानी उपभोक्ता समिति अध्यक्ष विष्णुप्रसाद आचार्य, नेपाल प्रेस युनियनका केन्द्रिय सदस्य सुशीला रेग्मी, कालिका माध्यमिक विद्यालयका प्रधानाध्यापक मनिराज अधिकारी, लक्ष्मि आधारभुत विद्यालयका प्रधानाध्यापक नरबहादुर राना, सीताराम माध्यमिक विद्यालयका शिक्षक सरस्वती श्रेष्ठ, लक्ष्मी लघुवित्त वित्तीय संस्थाका शाखा प्रवन्धक अमरराज जोशी, युथ युनियन क्लव मटेरीका अध्यक्ष कमल राना, रानिवन तथा वडभान सामुदायिक वन समुहका अध्यक्ष प्रेमबहादुर पोखरेल, बडडाँडा देविस्थान आमा समुहका अध्यक्ष अनिता थापा, हाम्रो आधुनिक कृषि फार्मका संचालक दिलबहादुर थापा, रेवतीपोखरा टोल विकास समिति अध्यक्ष विमल श्रेष्ठ लगायतले आफ्ना भनाई राख्नुभएको छ ।

कार्यपालिका सदस्य सिमादेवी रानाले स्वागत गर्नुभएको कार्यक्रमको संचालन वडा सदस्य मोन सिं थापाले गर्नुभएको हो । धन्यवाद वडा सदस्य कमला नेपालीले दिनुभएको छ ।

SHARE