![_deadbody](https://khabarmarket.com/wp-content/uploads/2019/10/deadbody-696x464.jpg)
माधब पौडेल
बैशाख २७ ,२०८० अर्घाखाँची : अर्घाखाँचीको भुमिकास्थान नगरपालिकामा लागेको आगो निभाउने क्रममा जलेर घाइते भएका ४ जनाको मृत्यु भएको छ।
![](https://khabarmarket.com/wp-content/uploads/2023/06/Lumbini-Pradesh-bidhut-add.jpg)
![](https://khabarmarket.com/wp-content/uploads/2023/06/Lumbini-Pradesh-krishi.jpg)
मंगलबार दिउँसो भुमिकास्थान नगरपालिका–२ तिरतिरे खोला गाउँका पदम वेल्वासेको घरमा सल्किएको आगो निभाउने क्रममा घाइते भएका चार जनाको मृत्यु भएको भुमिस्थान नगरपालिका–२ का वडाध्यक्ष बुद्धिबहादुर थापाले जानकारी दिए।
![](https://khabarmarket.com/wp-content/uploads/2020/04/khabarmarket-logo.jpg)
घाइते माध्ये २ जनाको पाल्पाको मिसन अस्पतालबाट काठमाडौैं ल्याउँदै गर्दा बाटोमा र २ जनाको कीर्तिपुर अस्पतालमा निधन भएको उनले बताए।
मृत्यु हुनेमा ७२ वर्षीय पिताम्बर बेल्बासे, ५५ वर्षीय पदम बेल्बासेको गएराति १० बजे निधन भएको जिल्ला प्रहरी कार्यालय अर्घाखाँचीले जनाएको छ। ५२ वर्षीय घनश्याम वेल्वासे र ३६ वर्षीय माधव वेल्वासेको कीर्तिपुर अस्पतालमा विहान ७ बजे निधन भएको परिवारिक स्रोतले जनाएको छ।
अस्मिता बेल्बासेको मिसन अस्पतालमा उपचार भइरहको छ ।