मंसिर २४,२०७९ अर्घाखाँचीः अर्घाखाँचीको शीतगंगा नगरपालिका–२ सीतापुरमा कार दुर्घटना हुँदा पाँचजना घाइते भएका छन्।
घाइतेमध्ये दुईजनाको अवस्था गम्भीर रहेको जिल्ला प्रहरी कार्यालय अर्घाखाँचीले जनाएको छ।
शनिबार बिहान साढे ७ बजे तनहुँको आबुखैरेनीबाट सुपा देउराली दर्शन गरेर फर्किने क्रममा ग ३ च १५७९ नम्बरको कार दुर्घटनामा परेको हो।
दुर्घटनामा गम्भीर घाइते भएका दुईसहित तीनजनालाई प्राथमिक स्वास्थ्य केन्द्र ठाडामा सामान्य उपचारपछि थप उपचारका लागि बुटवल रेफर गरिएको छ। दुईजनाको उपचार ठाडामै भइरहेको छ।
