सुशीला रेग्मी
रामपुर (पाल्पा), २१ कात्तिक :पाल्पाको रामपुर नगरपालिका ६ विजयपुरमा संचालन भएको सिर्जनशिल कप–२०७९ को उपाधी आयोजक रामपुर सिर्जनशिल युवाक्लवले हात पारेको छ ।
फाईनल खेलमा सराई युवाक्लवलाई १÷० ले पराजित गर्दै क्लवले उपाधी जितेको हो । क्लवले खेलकुदको विकास गर्न गएको कात्तिक १३ गते देखि सिर्जनशिल कप २०७९ संचालन गरेको हो । विजेता समुहले नगद एक लाख ११ हजार १११ र उपविजेताले नगद ५५ हजार ५५५ सहित शिल्ड, मेडल र प्रमाण पत्र हात पारेको छ ।
विजेताहरुलाई रामपुर नगरपालिकाका प्रमुख रमणबहादुर थापाले खेलकुदको विकास र युवाहरुलाई प्रोत्साहन गर्न क्लवले विगतका वर्षहरु देखि नै महत्वपूर्ण योगदान दिएको बताउनुभयो ।
कार्यक्रममा रामपुर नगरपालिका ६ का वडाध्यक्ष दिवाकर देवकोटा, नेपाली कांग्रेस रामपुर नगर सभापति नेत्रप्रसाद भट्टराई, नेकपा एमाले रामपुर नगर कमिटी अध्यक्ष विष्णुप्रसाद रेग्मी, नेकपा एकिकृत समाजवादी पाल्पाका सहसचिव कमल सेन, रामपुर पर्यटन विकास समितिका अध्यक्ष एवं गठबन्धका प्रदेश सभा उम्मेदवार श्यामकान्त खनाल र विजयपुर बजार व्यवस्थापन समितिका अध्यक्ष हेमबहादुर थापा लगायतले आफ्ना धारणा राख्नु भएको छ ।
क्लवका अध्यक्ष तालबहादुर थापा (गुप्त)को अध्यक्षतामा भएको कार्यक्रममा स्वागत सुदिप गैरे र संचालन क्लवका निवर्तमान अध्यक्ष ओमप्रकाश रेग्मीले गर्नुभएको हो ।
