असोज २१,२०७९ पाल्पाः चार दिन देखि परेको अविरल वर्षासँगै आएको पहिरोले घर पुरिँदा दुई जना घाइते भएका छन् ।
तिनाउ गाउँपालिका–६ मस्यामस्थित चिदीसका नीरबहादुर सारूको घर शुक्रबार बिहान ३ बजे पहिरोले पुरिएको हो।
घाइते हुनेमा डेढ वर्षीया आरुषी खासु र २१ वर्षीया विष्णुमाया सारु रहेको प्रभास प्रहरी चौकी प्रमुख प्रहरी नायब निरीक्षक भरत थापाले बताए।
घाइते दुवैजनाको तानसेनस्थित लुम्विनी मेडिकल कलेज प्रभासमा उपचार भइरहेको छ। थापाका अनुसार घाइतेको अवस्था सामान्य छ।
