सुशीला रेग्मी
असोज ११,२०७९ पाल्पाः पाल्पाको रामपुर नगरपालिका वडा नं ४ देविस्थानमा समुदाय प्रहरी साझेदारी कार्यक्रम तथा विजयादशमी शुभदिपावली एवम् छठपर्व २०७९ को आयोजनामा शुभकामना आदानप्रदान कार्यक्रम भएको छ ।
वडाध्यक्ष रामबहादुर रानाको अध्यक्षतामा कार्यक्रम भएको हो । इलाका प्रहरी कार्यालय रामपुरका प्रहरी निरिक्षक लक्ष्मण देवकोटाले कार्यक्रमको सहजिकरण गर्नुभएको हो । उहाँले प्रहरीको काम कर्तव्य र अधिकार सम्बन्धमा जानकारी दिनुभएको छ ।
लागू औषध, आत्महत्या, साइबर अपराध लगायतका विषयमा प्रहरी निरिक्षक देवकोटाले सहजिकरण गर्नुभएको हो । वडाध्यक्ष रानाले वडाको प्रथम चौमासिक प्रतिवेदन पढेर सुनाउनुभएको छ ।
कार्यक्रममा नगर प्रमुख रमणबहादुर थापा, उपप्रमुख बालकुमारी थापा, प्रमुख प्रशासकिय अधिकृत लेखनाथ न्यौपाने, नेपाली कांग्रेस रामपुर नगरपालिका वडा नं ४ वडा कार्यसमितिका सभापति थर्कबहादुर राना, नेकपा एमाले वडा कमिटि अध्यक्ष डिलबहादुर कौशी, सीताराम माविका विद्यालय व्यवस्थापन समितिका अध्यक्ष बुद्धिप्रकाश रेग्मी, मरदसा नुरुल हुदा अहले सुन्नत प्राथमिक विद्यालयका प्रधानाध्यापक नागेन्द्रप्रसाद काफ्ले, निवर्तमान वडा सदस्य मकबुल मिया, साविक दर्छा गाविस उपाध्यक्ष लुकबहादुर बिरकट्टा, रानिवन तथा बडभान सामुदायिक वन समुहका अध्यक्ष प्रेमबहादुर पोखरेल, नगर शिक्षा समिति सदस्य सावित्रा गौतम र प्रेस सल्लाहकार दानु हिस्की मगरले बोल्दै शुभकामना दिनुभएको छ ।
वडा सदस्य महम्मद अजिम शेखले धन्यवाद दिनुभएको कार्यक्रममा वडा सदस्य मोहन रानाले स्वागत र संचालन वडा सचिव सविता रानाले गर्नुभएको हो ।
