बैशाख ७,०७९पाल्पा : पाल्पामा सुख्खा पहिरोमा परी बेपत्ता भएका एक पुरुष मृत फेला परेका छ्न्।
मंगलबार बेलुकादेखि तिनाउ गाउँपालिका– १ कचलस्थित कचल फाँट सिंचाइ आयोजनाको काममा खटिएका अन्दाजी ५५ वर्षीय डिलबहादुर हिस्की आज बिहान मृत भेटिएका हुन्।
हिजोदेखि बेपत्ता हिस्कीको खोजी गर्न दोभान प्रहरी चौकी र स्थानीयको रातिसम्म खटिए पनि पत्ता नलागेपछि आज बिहान खोजी गर्दा शव फेला परेको तिनाउ गाउँपालिकाका प्रवक्ता राजेश श्रेष्ठले जानकारी दिए।
श्रेष्ठका अनुसार हिस्कीलाई कुलो खन्ने क्रममा झरेको सुख्खा पहिरोले पुरेको थियो।
