सुशीला रेग्मी
चैत१,२०७८ रामपुर (पाल्पा), : रामपुर नगरपालिका ६ विजयपुर बस्ने सुब्बा लोकनाथ उपाध्याय रेग्मीको एक सय एक वर्षको उमेरमा निधन भएको छ । मंगलवार बिहान ६ ः ३० वजे आफ्नै निवासमा निधन भएको हो । आजै कालीगण्डकीको परेवाघाटमा वैदिक परम्परा अनुुसार रेग्मीको दाह संस्कार गरिएको छ ।
ज्येष्ठ नागरिक रेग्मी सामुदायिक रेडियो रामपुरका बिशिष्ठ आजिवन सदस्य, कालीगण्डकी आँखा तथा कान उपचार केन्द्रका आजिवन सदस्य, दरैठाँटी मावि, रामतुलसी मावि, नवदुर्गा माविमा स्थापना भएको डण्डपानी टिकाकुमारी दिव्यरुपा अक्षयकोषका प्रधान संरक्षक, शहीद बहुमुखी क्याम्पसका प्रधान संरक्षक हुनुहुन्छ ।
कालीगण्डकी वेशीका विभिन्न संघ संस्थामा आबद्ध रहनुभएका रेग्मीका श्रीमती, तीन छोरा, तीन बुहारी, सात छोरी, नाती नातीना, पनाती पनातीनी गरी एक सय २५ सदस्य परिवारको अभिभावक हुनुहुन्छ ।
रेग्मीले कालीगण्डकीवेशीका शिक्षा, स्वास्थ्य, सञ्चार, सामाजिक संघ संस्था लगायत विभिन्न संस्थामा रु दुई करोड भन्दा बढीको सहयोग गर्नुभएको छ ।
