चैत १,२०७८ पाल्पा : पाल्पामा जिल्लाको तानसेन–५, ढुङ्गाखानीमा मोटरसाइकल दुर्घटना हुँदा एक जनाको मृत्यु भएको छ ।
आइतबार राति १० बजेतिर तानसेन–तम्घास सडकखण्ड अन्तर्गत तानसेनबाट हार्थोक जाँदै गरेको लु १४ प ६८६४ नम्बरको मोटरसाइकल अनियन्त्रित भई दुर्घटना हुँदा एक जनाको मृत्यु भएको हो ।
मृत्यु हुनेमा रिब्दीकोट–४, भैरवस्थानका २० वर्षीय भरत गोदार रहनुभएको छ । सडकदेखि १५ मीटर तल मोटरसाइकलसहित खसेका गोदारको उपचारका लागि मिसन अस्पतालमा पु¥याएकोमा चिकित्सकले मृत घोषणा गरेका थिए ।
