फागुन ७,०७९ रुपन्देहीः नेपाल कम्युनिष्ट पार्टी माओवादी केन्द्रले जनताको जनजिविकाको पक्षमा संघर्ष गर्ने भएको छ । केन्द्रीय प्रदेश समन्वय समिति लुम्विनीको वैठकले यस्तो निर्णय गरेको पार्टीका प्रदेश अध्यक्ष सुदर्शन वरालले बताएका छन् ।
दाङ जिल्लाको भालुवाङमा पार्टीका केन्द्रीय सचिव एवं लुम्विनी प्रदेश इन्चार्ज चक्रपाणी खनाल बलदेवको अध्यक्षता, पार्टीका उपाध्यक्ष कृष्णबहादुर महराको प्रमुख आतिथ्यता, महासचिव देब प्रसाद गुरुङको विशेष आतिथ्यता, स्थायी समिति सदस्यहरु, केन्दीय सदस्य कमरेडहरु, प्रदेश समितिका पदाधीकारीको उपस्थितीमा बसेको बैठकले उक्त निर्णय गरेको हो ।

यस्तै माओवादी केन्द्रले संघर्षको कार्यक्रमहरु पनि गर्ने निर्णय गरेको छ । विभिन्न सरकारी निकाय तथा अन्य स्थानमा भएका भ्रष्टाचार, ढिला सुस्ती, विकृती विसंगती विरुद्ध वाई सिएल तथा विधार्थी, पत्रकार संगठनद्धारा जनसमुदायसंग सहकार्य गर्दै वैधानिक रुपमा प्रतिवाद गर्ने जनाएको छ ।

विभिन्न पेशागत संगठनहरुद्धारा आफ्नो वर्ग, पेशा वा समुदायको पक्षमा न्यायोचित मागहरुका साथ समुदायलाई संगठित गर्ने र ति मागहरुको कार्यान्वयनका लागि आवश्यक पहल गर्ने÷ जनताको जनजिविकाका सवालमा संवेदनशिल भई आवाजहरु उठाउने र समाधानको लागि पहल गर्ने भएको छ ।

हालैका दिनहरुमा प्रदेशभर लघु वित्तिय संस्थाहरुबाट हजारौ जनसमुदाय पीडित भएको गुनासो आएको र जनसमुदायले त्यस विरुद्धमा संघर्ष गर्दै आएकाले पीडितहरुप्रति ऐक्यवद्धता जाहेर गर्दै त्यसको तत्काल उचित समाधानको लागि सरकारसंग पहल गर्ने र आवश्यक समन्वयका लागि किसान संगठनले पहल गर्ने जनाएको छ।

त्यसैगरी कपिलवस्तु, नवलपरासी लगायतका जिल्लाका उखु किसानहरुले प्राप्त गर्नु पर्ने रकम लामो समयदेखि प्राप्त गर्न नसकेको भन्ने गुनासो आएकाले भूक्तानीका बारेमा किसान संगठनले संयोजन गर्दे आवश्यक पहल गर्ने ।

महंगी नियन्त्रण गर्न, मल, विउ लगायतको यथासमयमा उपलव्धता आदिका लागि सरकारसंग पहल गर्ने । प्रदेशका कतिपय जिल्लामा सहकारी संस्थाहरुबाट जनता पीडित भएको, संस्थामा अनियमितता भएका कारण सर्वसाधारण जनताको निक्षेप जोखिममा रहेको भन्ने रिपोर्टहरु प्राप्त भएकाले सम्वन्धीत निकायलाई आवश्यक नियमन र व्यवस्थापनको लागि पहल गर्ने, सर्वसाधारण जनसमुदायको संघर्षमा आवश्यक सहयोग गर्ने । जनसमुदायको लगानी डुब्न नदिन आवश्यक पहलकदमी लिने निर्णय गरेको बरालले जानकारी दिए ।

फागुन २,२०७९काठमाडौं : आज फेब्रुअरी १४ तारिख भ्यालेन्टाइन डे अर्थात् प्रेम दिवस मनाइँदैछ। नेपालमा पनि केही वर्षयता प्रेम दिवसलाई युवा युवतीले विशेष चाडकै रूपमा मनाउन थालेका छन्।

यो दिन प्रेमिप्रेमिकाले एक अर्कालाई उपहार दिएर माया दर्साउने र प्रेम प्रस्ताव राख्ने गर्छन् । “विल यु बी माई भ्यालेन्टाइन’ आज अर्थात् १४ फेब्रुअरी सबै आफ्नो प्रेमी प्रेमिकालाई यही बाक्यबाट सम्बोधन गर्दछन्। प्रेमको प्रतीक मानिने रातो गुलाब दिएर यो वाक्य भनिरहेका हुन्छन्।

मन परेको व्यक्तिलाई ‘ह्याप्पी भ्यालेन्टाइन डे’ ‘आई लभ यू’ भन्न यही गुलाव चाहिन्छ। जुनभावना व्यक्त गर्न वर्षौंसम्म सकिँदैन तर गुलावको फूल त्यो भावनालाई प्रतिविम्बित गर्न काफी मानिन्छ।

युवापुस्ताले १४ फेब्रुअरीको दिन भ्यालेन्टाइन डे लाई प्रेमसम्बन्ध प्रगाढ बनाउने अवसरका रूपमा लिएका छन्। भ्यालेन्टाइन डेको रौनक बढेपछि नजिकै भए भेटेर रातो गुलाव तथा मनपर्ने उपहार दिएर प्रेमलाई थप गाढा बनाउने प्रयास गरिन्छ भने टाढा भए नयाँ प्रविधिको सहारा लिएर भ्यालेन्टाइन डे मनाउने चलन छ।

प्रेम व्यक्त गर्ने सामान किन्न यतिबेला साना ठूला गिफ्ट पसलमा प्रेमीहरू भरिभराउ देखिन्छन् । राजधानीको खिचापोखरीस्थित हलमार्कका बिक्रेता रुपेश कार्की वर्ष दिनमा सबैभन्दा बढी व्यापार यसै बेला हुने बताउनुहुन्छ । यस्ता पलसमा रातो गुलाब तथा ‘आई लभ यु’ लेखिएको विभिन्न उपहार पोस्टकार्ड, पुतली, प्रेम अङ्कित कप, खेलौना, गिफ्ट बास्केट, पफ्र्युम, चकलेट जस्ता सामान बढी बिक्री हुने पाइएको छ।

भ्यालेन्टाइन डेको सुरुवात इस्वी संवत् २६९ मा रोमनबाट सुरु भएको हो । सैनिकले नारीसँगको सम्बन्धका कारण कमजोर हुने आभास गरेपछि सम्राटले प्रेम र विवाहमा रोक लगाएका थिए। तर रोममा भ्यालेन्टाइन नाम गरेका पादरीले सम्राटको त्यो अभियानलाई सार्वजनिक रूपमै उल्लङ्घन गर्ने घोषणा गरे।

आफ्नै अभियानविरुद्ध गतिविधि सह्य नभएपछि सम्राटले पादरीलाई पक्राउ गरी मृत्युदण्डको सजाय दिए। झुण्ड्नुभन्दा केही दिनअघि ‘लब फ्रम योर भ्यालेन्टाइन’ भनी हस्ताक्षरसहितको प्रेमपत्र पादरीले आफ्नी प्रेमिका दिएका थिए।

भ्यालेन्टाइनलाई सन् २६९ को फेब्रुअरी १४ तारिखका दिन मृत्युदण्ड दिइएको थियो। प्रेमका लागि भ्यालेन्टाइनको यही बलिदानको सम्मानमा सोही दिनलाई भ्यालेन्टाइन डेका रूपमा मनाउन थालिएको हो।

माघ २९,२०७९काठमाडौँ : सरकारले फागुन १ गते जनयुद्ध दिवसका रूपमा सार्वजनिक बिदा दिने निर्णय गरेको छ। प्रधानमन्त्री तथा मन्त्रिपरिषद्को कार्यालय सिंहदरबारमा आज बसेको मन्त्रिपरिषद्को बैठकले उक्त निर्णय गरेको हो।

प्रधानमन्त्री पुष्पकमल दाहाल ‘प्रचण्ड’ को अध्यक्षतामा बसेको मन्त्रिपरिषद् बैठकले नेपालको राजनीतिक परिवर्तनमा जनयुद्धले पुर्‍याएको योगदानको कदर गर्दै सार्वजनिक बिदा दिने घोषणा गरेको प्रधानमन्त्रीका प्रेस विज्ञ मनहरि तिमिल्सिनाले जानकारी दिए।

२०५२ साल फागुन १ गतेदेखि तत्कालीन नेकपा -माओवादीले जनयुद्ध शुरु गरेको थियो। जनयुद्ध दिवसको दिन पारेर कर्णाली र बागमती प्रदेश सरकारले यसअघि नै सार्वजनिक बिदा दिने निर्णय गरेका थिए।

जनयुद्धको नेतृत्वकर्ता पार्टी माओवादी केन्द्रले प्रत्येक वर्ष फागुन १ गतेलाई जनयुद्ध दिवसको रूपमा मनाउँदै आएको छ। परिवर्तनका पक्षमा भएका सबै आन्दोलन र क्रान्तिको सम्मानमा सरकारले सार्वजनिक बिदा दिने निर्णय लिएको हो।

दिवाकर पोख्रेल
देउखुरी, माघ २८गते । सूचना तथा संचार मन्त्री रेखा शर्माले राष्ट्रिय सहमतिकै आधारमा राष्ट्रपति बन्ने बताउनु भएको छ ।

नेपाल पत्रकार महासंघ लुम्बिनीप्रदेशले दाङको भालुवाङमा आयोजना गरेको स्वागत तथा सम्मान कार्यक्रममा मन्त्रीशर्माले बर्तमान सरकार बढीभन्दाबढी सहमतिकै आधारमा कामगर्न खोजेको स्मरणगर्दै उहाँले प्रधानमन्त्रीलाई विश्वासको मतमिलेको हिसावले पनि रािष्ट्रय सहमति खोज्नुपरेको बताउनुभयो ।

उहाँले भन्नुभयो,“जूनहिसावले प्रधानमन्त्रीलाई विश्वासको मतमिल्यो, त्यसमा सबैको सहमति गररेर जानुपर्छ भन्ने भन्ने लागेको छ,त्यसैले प्रधानमन्त्रीले राष्ट्रिय सहमति गरौ भन्नु भएको हो, अहलिे सरकारको धारणापनियहीहो ।”
नेपाल सरकारकाप्रवत्ताशर्माले राष्ट्रिय स्वतन्त्रपार्टीलाई सरकारमा ल्याउन पहल भइरहेको बताउनुभयो ।

सरकार राष्टिय सहमतिकै अवस्थामा रहेकाले कसैलाई पनि सरकारबाट वाहीर राख्ननचाहेको अवस्थामा राष्टिय स्वतन्त्रपार्टीले सरकार छाड्नु सकरात्मकअवस्था नरहेको उहाँको भनाइथियो । उहाँले भन्नुभयो,“रविजीको वारेमा अदालतले निर्णय गरेकाले भन्ने अवथा रहेन तर अन्य साथिहरुलाई मिलाएर जाने अवस्था छ, गृह मन्त्रालय नै भनेर अडानलिन भएन ।”

मन्त्री शर्माले मिडियासंग सम्बन्धित विभिन्न ऐनहरु बन्ने क्रममा रहेकाले सम्बन्धित सरोकारवालाले उचित सल्लाह सुझावदिन पनि आग्रह गर्नुभयो । उहाँले सूचनाप्रविधि ऐन,प्रेस काउन्सिल ऐन,लगायतका ऐनहरु छलफलकै क्रममा रहेकाले सम्बन्धित पक्षको उचित सर सल्लाहको आवश्यक रहेको बताउनुभयो ।