फागुन ३,२०७९ : पाँचथरमा भीरबाट लड्दा बृद्धको ज्यान गएको छ । जिल्लाको मिक्लाजुङ गाउँपालिका ७ स्थित भीरबाट लड्दा ७३ वर्षीय हस्तबहादुर लिम्बूको ज्यान गएको हो ।
मोरङको लेटाङ नगरपालिका ८ खैरेनी निवासी लिम्बू ३५ बर्षीय श्रीमती सरिता लिम्बू र २ जना छोराछोरी सहित पाँचथर ससुराली घर आउने क्रममा माघ २९ गते भीरबाट लडेका हुन्। भीरबाट लडेका हस्तबहादुरको मंगलबार विहान शव भेटिएको जिल्ला प्रहरी कार्यालय पाँचथरका सूचना अधिकारी सन्तोष राईले जानकारी दिए ।
घट्नाका विषयमा श्रीमतीले २ दिन ढिला गरी मंगलबार बिहान मात्रै प्रहरीमा निवेदन दिएको पनि राईले बताएका छन् ।
प्रहरी चौकी खान्द्रोङबाट खटेका प्रहरी र स्थानीयले खोजी गर्दा हस्तबहादुरलाई भीरबाट लडेर मरेको अवस्थामा फेला पारिएको प्रहरीले जनाएको छ ।
