असोज १५, २०७६ ः १३औं दक्षिण एशियाली खेलकुदका लागि नेपाल ब्याडमिन्टन संघले २० खेलाडी छनोट गरेको छ। राष्ट्रिय खेलकुद परिषद्को कभर्डहलमा बुधबार भएको छनोट प्रतियोगितामा समान १० पुरुष र १० महिला अन्तिम चरणको प्रतियोगिताका लागि स्थान बनाउन सफल रहे। संघका सचिव नवीनविक्रम शाहले आठौं राष्ट्रिय खेलकुदबाट पहिलो चरणमा छनोट भएका १७ पुरुष र १७ महिला खेलाडीलाई बन्द शिविरमा राखी प्रशिक्षण दिँदै आएको र सोही मध्येबाट अन्तिम चरणका लागि १०(१० जना खेलाडी छनोट गरिएको जानकारी दिए। सोमबारबाट सुरु भएको छनोट प्रतियोगिताबाट पुरुषतर्फ रत्नजित तामाङ, दीपेश धामी, विकास श्रेष्ठ, प्रिन्स दाहाल, नवीन श्रेष्ठ, प्रफुल महर्जन, सुनिल जोशी, विष्णु कटुवाल, जीवन आचार्य र साजन कृष्ण ताम्राकार छनोट भएका छन्। यस्तै, महिला तर्फ नङ्गशल तामाङ, रशिला महर्जन, जेशिका गुरुङ, सिमा राजवंशी, पूजा श्रेष्ठ, अनुमाया राई, अमिता गिरी, सीता राई, नीता लम्साल र शोभा गौचन रहेका छन्। खेलाडीहरूलाई साग प्रतियोगिताको तयारीका क्रममा बाँकी समय पोखरामा बन्द प्रशिक्षण दिइने छ। १३औँ सागमा ब्याडमिन्टनको प्रतिस्पर्धा पोखरा रंशालास्थित बहुउद्घेशीय कभर्डहलमा हुने कार्यक्रम रहेको छ।
थाहाबाट

असोज १५, २०७६ काठमाडौं ः
नेपाली सेना पहिलोपटक ‘विश्व सैन्य खेलकुद’ प्रतियोगितामा सहभागी हुने भएको छ। नेपाली सेनाले बुधबार काठमाडौंमा पत्रकार सम्मेलन गरी चीनको यूहान प्रान्तमा आगामी कार्तिक १ गतेदेखि सुरु हुने सातौं विश्व सैन्य खेलकुद प्रतियोगितामा पहिलो पटक सहगागी हुन लागिएको औंपचारिक जानकारी गराएको हो। अन्तर्राष्ट्रिय सैनिक खेलकुद परिषदको आयोजनामा यो वर्ष सो खेलुकद प्रतियोगिता चीनको यूहान प्रान्तमा आयोजना हुँदैछ। सो प्रतियोगितामा नेपाली सेनाले पनि पहिलो पटक भाग लिन लागेको महासेनानी शशीकिरण रायमाझीले जानकारि दिए। खेलकुदको माध्यामबाट विश्वमा शान्ति स्थापना गर्ने मुख्य उद्देश्यका साथ अन्तर्राष्ट्रिय सैनिक खेलकुद परिषदले यो प्रतियोगिता आयोजना गर्दै आएको छ। यो खेलकुद प्रतियोगितामा २५ वटा खेल र दुई वटा प्रर्दशन खेल गरी २७ वटा खेल प्रदर्शन हुनेछन्। जसमा १०५ राष्ट्रका १० हजार ७१९ जना खेलाडी सहभागी हुने पनि महासेनानी रायमाझीले बताए। प्रतियोगितामा नेपाली सेनाले आर्चरी, ब्याटमिन्टन, बक्सिङ, घोडचढी, जुडो, तेक्वान्दो, कुस्ती, बिच बलिवल, मोर्डन पन्टाथलन, ट्रयाक एण्ड फिल्डलगायतका १३ वटा खेलकुद प्रतियोगितामा भाग लिनेछ। प्रतियोगिताको उद्घाटन सर्तमा विशेष अतिथिको रुपमा उपप्रधानमन्त्री एवं रक्षामन्त्री ईश्वर पोखरेल पनि सहभागी हुने नेपाली सेनाले जनाएको छ।
थाहाबाट

१३ असोज, गुल्मी । दशैं पर्वको मुखैमा गायिक कल्पना कुसुमको मुलको पानी भित्र जवानी पोखिएको छ । यो जवनाी वास्ताबिकता नभइ सर्बजनिक भएको गीतमा हो ।गीत संगीतको क्षेत्रमा अब्बल गायिका कल्पना कुसुमको ‘मुलको पानी’ सार्बजनिक भएको छ । यस्तै एउटा यथार्थ कथा बस्तु हालै सार्बजनिक गरिएको कल्पनाको ‘मुलको पानी’ बोलको गीतमा भेटाउन सकिन्छ । गायिक कल्पना र बालकृष्ण पाण्डेको सुमधुर स्वर रहेको गीत राजकुमार बगरको लय शब्द रहेको छ ।युवा पिढिहरुको मनो भावलाई टपक्कै टिपेर तयार गरिएको गीतमा माया लगाउन मन भएको कथा खोलिएको छ । गीतको सुरुमै भनिएको मुलको पानी बगेर जाने, फूलको वास्ना हावामै हराउने जवानी यसले एउटा समयको गीतमा माया प्रेमका शब्द भाव समेटिएको छ । गीतमा माया प्रेम लगाउन मन भएको कथा बस्तु समेटिएको छ । जुगजाने माया लगाउन मन भएको मनोभाव व्यक्त गरिएको कथा बस्तुमा गीत सर्बजनिक भएको गायिक कल्पना कुसुमले बताइन् ।माया लगाउन मन भएको र मन मराउनेको प्रतिक्षामा रहेको कथा बस्तु गीतमा उल्लेख छ ।

मन भित्रको साथी कहाँ होला कस्तो होला भन्ने कौतुहलता भएको कथा बस्तु पनि गीत रहेको गायिका कुसुमले बताइन् ।माया प्रेममा आधारित कथा बस्तुमा तयार गरिएको गीत धेरै दर्शक श्रोताले मन पराउने कुसुमको भनाई छ । गीत कल्पना कुसुम नामको आफ्नै यूट्युव च्यानबाट सार्बजनिक गीतमा पल शाहा र स्मारिका कुँवर अभियनय रहेको छ । गीत बि स्टार फिलिल्सले बजार व्यवस्थापन गरेको हो ।