असोज १३, २०७६ बाँके ः
जंगली जनावरको सुरक्षाका लागि बाँके राष्ट्रिय निकुञ्जले पूर्व(पश्चिम राजमार्ग र रत्न राजमार्गमा क्यानोपी व्रीज ९पुल० संचालनमा ल्याएको छ। जंगली जनावरलाई सडकमा ओहरदोहर गर्न सजिलो बनाउने हेतुले क्यानोपी व्रिज निर्माण गरि संचालनमा ल्याएको निकुञ्ज प्रशासनले जनाएको छ। सडकको दाया(बाया रुखमा डोरी टाँगेर बनाएको पुललाई क्यानोपी व्रीज भनिन्छ। जंगली जनावरलाई सडक दुर्घटनाबाट जोगाउन निकुञ्ज क्षेत्रभित्र पर्ने राजमार्गमा ६ वटा क्यानोपी ब्रीज निर्माण गरी संचालनमा ल्याएको सहायक संरक्षण अधिकृत तथा सूचना अधिकारी विष्णुप्रसाद थपलियाले जानकारी दिए। उनले पूर्व(पश्चिम राजमार्गको ओभरी(अगैयाकोबीचमा तीन वटा र रत्न राजमार्गको चिसापानी क्षेत्रमा दुई वटा व्रीज निर्माण भई संचालनमा ल्याइएको बताए। रुखमा चढ्ने जंगली जनावर बाँदर, लोखर्के, मुसा लगायत रुखको हाँगामा बस्ने प्रजातीहरु ओहोर दोहोर गर्न पुल निर्माण गरिएको बताए। रुखमा चढ्ने र रुखकोे हाँगामा बस्ने प्रजातीहरु पुलबाट ओहोरदोहोर गर्दा सडक दुर्घटनामा न्यूनिकरण हुने र जंगली जनावर सुरक्षित हुुने आशा गरिएको बताए। उक्त पुलमा क्यामरा जडान गरिएको छ। यसरी निर्माण भएको ब्रिजमा कुन वन्यजन्तुले कति प्रयोग गर्छ भन्ने सूचना प्राप्त गर्न कुडे ब्याक कम्पनीले उत्पादन गरेका ९ थान क्यामरा ट्रयाप राखिएको छ। क्यामरा ट्रयाप ६ महिनासम्म राखेर नियमित रुपमा अनुगमन गरिने थपलियाले बताए। जुट र रेशमको डोरी तथा स–साना काठ प्रयोग गरेर व्रिज निर्माण गरिएको छ।
थाहाबाट
