कात्तिक १८, २०७६ काठमाडौं .  बलात्कार प्रयास अभियोगमा जेल चलान भएपछि निवर्तमान सभामुख कृष्णबहादुर महराको सांसद पद स्वतः निलम्वित भएको छ। गत असोज १२ गते संसद सचिवालयकै कर्मचारी रोशनी शाहीलाई बलात्कार अभियोग लागेपछि सत्तारुढ नेकपाले सभामुख र सांसद दुवै पदबाट राजीनामा दिनुपर्ने निर्णय लिएको थियो। तर महराले सभामुख पदबाट राजीनामा दिए पनि सांसद पद छाड्न अस्वीकार गरेका थिए। दाङबाट निर्वाचित महरालाई काठमाडौं जिल्ला अदालतका न्यायाधीश सुदर्शनराज पाण्डेको इजलासले पुर्पक्षका लागि थुनामा पठाउन आदेश दिएको हो। यो आदेशसँगै महरालाई सोमबारै चारखालस्थित डिल्ली बजार सदर खोरमा पठाइने भएको छ। यसअघि भ्रष्टाचार अभियोगमा दाङ नै घर भएका नेपाली कांग्रेसका नेता खुमबहादुर खड्कालाई पनि डिल्ली बजार कारागारमै थुनिएको थियो। नेपालको प्रचलित कानुन अनुसार करणीसहितका फौजदारी अभियोगमा पक्राउ परेका सांसदको पद आरोप प्रमाणित नभएको अवस्थासम्मका लागि स्वतः निलम्बन भएको मानिन्छ। सांसद पद रहे पनि त्यसबापतको सेवा सुविधा दिइँदैन। आरोप प्रमाणित भएमा अर्थात् दोषी ठहर भएमा सांसद पद स्वतस् जान्छ, महरा सांसद रहिरहँदैनन्।थाहाबाट

कात्तिक १८, २०७६ काठमाडौं . सत्तारुढ दल नेपाल कम्युनिस्ट पार्टी ९नेकपा० का महासचिव विष्णु पौडेल प्रदेश प्रमुखहरूलाई हटाउने सरकारको निर्णयलाई स्वाभाविकै भएको बताए। प्रमुख प्रतिपक्ष दल नेपाली कांग्रेस लगायतका दलहरूले प्रदेश प्रमुखहरूलाई एकैसाथ हटाउने निर्णयप्रति आपत्ति जनाइरहेका छन् । तर महासचिव पौडेलले भने सरकारको सो निर्णयलाई स्वभाविकै रुपमा लिनुपर्ने प्रतिक्रिया दिए। उनले संवैधानिक प्रक्रिया अनुसार नै प्रदेश प्रमुखहरूको पदमुक्ति र नयाँ नियुक्तिको प्रक्रिया सुरु गर्दा अन्य दलहरूसँगको सहकार्यको बाटो बन्द हुन्छ भन्ने आफूलाई नलागेको पनि बताए। सोमबार प्रधानमन्त्री निवास बालुवाटारमा संचारकर्मीसँगै कुरा गर्दै, ‘संवैधानिक व्यवस्थाअनुरुप नै प्रदेश प्रमुखहरू पदमुक्त भएका छन्। सरकारले मनोनयनको प्रक्रिया पनि अघि बढाएको छ। सरकारले संवैधानिक प्रक्रिया अनुसार सो काम गर्दा खेरी अन्य दलहरूको सरकारसँगको सहकार्यको बाटो बन्द हुन्छ भन्ने मलाई लाग्दैन।’ महासचिव पौडेलले लोकतन्त्रमा सरकारको विरोध गर्न पाइने भएकाले त्यसको आफूले सम्मान गर्ने पनि बताए। महासचिव पौडेलले प्रदेश प्रमुख सरकारको प्रतिनिधिको रुपमा रहने भएकाले अघिल्लो सरकारले नियुक्ति गरेका प्रमुखहरूलाई हटाउने काम स्वाभाविकै भएको तर्क पनि पटक(पटक दोहर्‍याए। सरकारले आफ्नो स्पिरिटमा काम गर्ने गरी प्रदेश प्रमुखहरूको चयन प्रक्रिया अघि बढाएको महासचिव पौडेलको भनाई छ। शेरबहादुर देउवा नेतृत्वको सरकारको सिफारिसमा राष्ट्रपतिले नियुक्त गरेका प्रदेश प्रमुखहरूलाई गत आइतबार पदमुक्त गरिएको थियो।

कात्तिक १८, २०७६ सिन्धुपाल्चोक . चौतारा साँगचोकगढी नगरपालिका ९ सुनकोशीमा बस दुर्घटना हुदा मृत्यु भएका सबैको सनाखत भएको छ। दुर्घटनामा परि १७ जनाको मृत्यु भएको थियो। मृत्यु हुनेमा सिन्धुपाल्चोक त्रिपुरासुन्दरी गाउपालिका–२७ वर्षीया चमेली श्रेष्ठ र उनकी ६ वर्षीया छोरी साइरानी श्रेष्ठ, दोलखा शैलुङ गाउँपालिका ४ की सलिना तामाङ, ३ का तीन महिने शिशु सिसन तामाङ, ५ की ५२ वर्षीया चेतकुमारी बस्नेत, ३ की ५१ वर्षीया रत्नकुमारी राउत, ५ का वर्ष १४ का निखिल खड्का, ४ का वर्ष १४ का दिल लामा, वर्ष २९ का किरण राउत, वर्ष २० की कविता राउत छन्। यस्तै, शैलुङ गाउपालिका ३ की वर्षीया ३२ की निर्मला खड्का, ६ की ७० वर्षीया उरमाया मोक्तान र भीमेश्वर नगरपालिकाकी २४ वर्षीया रञ्जिीता केसी बस्नेत, काभ्रे रोशी गाउँपालिका ४ की सजिना तामाङ छन्। दोलखा शैलुङ्गेश्वरी ५ कि ३८ बर्षिय सानू राउत आले, ३ का बर्षिय निकेश खड्का र चितवन पटीहानीकी ५६ बर्षी पुजा बस्नेतको मृत्यु भएको जिल्ला प्रहरी कार्यालयका डिएसपी माधव काफ्लेले जानकारी दिए। दुर्घटनामा घाइते भएकाहरूको उपचार जारी रहेको उनले बताए। केही बिरामी अस्पतालबाट डिस्चार्ज भैसकेको समेत जनाए। खोलाले शव बगाएको अनुमानले अझै खोजिकार्य जारी राखेको उनको भनाइ छ। दोलखाको मागा देउरालीबाट काठमाडौँ आउदै गरेको बा २ खा ७२४५ को बस आइतबार सुनकोशी नदिमा खसेको थियो। अत्याधिक भार र तिव्र गतिको कारणले दुर्घटना भएको प्रहरीले अनुमान छ।

कात्तिक १७, २०७६ काठमाडौं . सरकारले सातवटै प्रदेशका प्रमुखहरूलाई पदमुक्त गरेको छ। मन्त्रिपरिषदको आइतबार दिउँसो बसेको बैठकले सातवटै प्रदेशका प्रमुखलाई पदमुक्त गरेको हो। सरकारको सिफारिसमा सातवटै प्रदेशका प्रमुख पदमुक्त गरिएको सूचना राष्ट्रपति कार्यालयले जारी गरेको छ। सातवटै प्रदेश प्रमुखलाई नेपाली कांग्रेसका सभापति शेरबहादुर देउवा नेतृत्वको सरकारले नियुक्त गरेको थियो। जसप्रति वर्तमान नेकपा अध्यक्ष केपी शर्मा ओलीको सरकार सुरुदेखि नै रुष्ट थियो। कांग्रेसले निर्वाचनमा पराजय बेहोरेपछि नियुक्त गरेका प्रदेश प्रमुखलाई हटाउने नेकपाले त्यतिबेला अभिव्यक्ति दिएको थियो। देउवा नेतृत्वको सरकारले ०७४ माघ ३ गते प्रदेश १ मा डा। गोविन्दबहादुर तुम्बाहाङ, प्रदेश २ मा रत्नेश्वरलाल कायस्थ, प्रदेश ३ मा अनुराधा कोइराला, गण्डकी प्रदेशमा बाबुराम कुँवर, प्रदेश ५ मा उमाकान्त झा, कर्णाली प्रदेशमा दुर्गाकेशर खनाल र सुदूरपश्चिम प्रदेशमा मोहनराज मल्ललाई प्रदेश प्रमुखमा नियुक्त गरेको थियो।थाहाबाट

कात्तिक १६, २०७६ भद्रपुर .जङ्गली हात्ती धपाउन जडान गरिएको विद्युतीय धरापमा परी मामा भान्जाको मृत्यु भएको छ। मृत्यु हुनेमा बुद्धशान्ति गाउँपालिका–४ का १८ वर्षीय अभिनाश राई र भोजपुर जिल्ला साल्पाचुली गाउँपालिका–५ का करिब ३५ वर्षीय मणिराम राई रहेको जिल्ला प्रहरी कार्यालय झापाका प्रहरी नायब उपरीक्षक महेन्द्रकुमार श्रेष्ठले जानकारी दिए। मणिराम र अभिनाश मामा भान्जा हुन्। बुद्धशान्ति–४ का परेसीकुमार राईको घरमा पाहुना आएका मणिराम र अभिनाश शनिवार बिहान माछा मार्न गएका थिए। सोही गाउँपालिका ४ स्थित नवज्योति सामुदायिक वन समूहको कार्यालय नजिकै राखिएको जङ्गली हात्ती धपाउन विद्युतीय धराप लगाइएको थियो। कार्यालय नजिकैको खोलामा माछा मार्ने क्रममा धरापमा राखिएको बिजुली तारले पानीलाई छोएकाले मामा–भान्जाको मृत्यु भएको प्रहरी नायव उपरीक्षक श्रेष्ठले बताए। घटनाको विषयमा अनुसन्धान भइरहेको र शवलाई पोस्टमार्टमका लागि मेची अञ्चल अस्पताल भद्रपुर पठाइएको प्रहरीले जनाएको छ। थाहाबाट

कात्तिक १६, २०७६ डडेल्धुरा . डोटीमा शनिबार बिहान भएको बस दुर्घटनामा एक जनाको मृत्यु भएको छ। दुर्घटनामा ३३ जना घाइते भएको जिल्ला प्रहरी कार्यालय डोटीका प्रहरी प्रहरी उपरीक्षक दिलिपसिंह देउवाले जानकारी दिए। दुर्घटनामा गम्भीर घाइते भएका बाह्रबिस–६ बाजुराका ५१ वर्षीय नयाँ सेरेलाको अस्पताल लैजाँदै गर्दा बाटोमै मृत्यु भएको प्रहरीले जनाएको छ। महेन्द्रनगरबाट बाजुरातर्फ गइरहेको ना ७ ख ६१८१ नम्बरको बस डोटीको शिखर नगरपालिका–१ गेरुपानीमा बिहान ५ बजे दुर्घटना भएको थियो। दुर्घटनामा घाइते हुनेमा महोत्तरी, बर्दिवासका २८ वर्षीय महेश कोइराला, दाङका ४५ वर्षीय राजकुमार केसी, डोटी सलेनाका ३० वर्षीय रेश्मा लुहार, २७ वर्षीय रामबहादुर बिक, सलेनाकै २२ वर्षीया कल्पना बिक, बोगटानका २८ वर्षीय दुर्गासिंह बिडारी, बोगटानकी बाटु नेपाली, जोरायलका २८ वर्षीय कृष्ण बोहोरा रहेका छन्। यस्तै, डोटीकै ३७ वर्षीया मैना तिरुवा, कैलालीको अत्तरियाका ३१ वर्षीय छत्र बोहोरा, सडकपुर बौनियाका २० वर्षीय सज्जन चौधरी, मसुरियाका २० वर्षीय टेकबहादुर बिक, मसुरियाकै राजन बोहोरा, २३ वर्षीया पार्वती चौधरी, घाइते भएका छन्। अछामका ३६ वर्षीय भीम बुढा, ३१ वर्षीय यज्ञ स्वाँर, आकाश कुँवर, २७ वर्षीया ईश्वरी सिंह, बाजुराकी ३३ वर्षीया गंगादेवी थापा, २४ वर्षीया धानादेवी बिक, २६ वर्षीया कल्पना कुँवर, दार्चुलाका १९ वर्षीय सागर पार्की, २१ वर्षीय कृष्णबहादुर बम, प्रेमबहादुर कुँवर, कञ्चनपुरका २८ वर्षीय अलेक्स लिम्बु, बर्दियाका २३ वर्षीय उज्ज्वल देवकोटा, २३ वर्षीय दिलबहादुर सिंह, खोटाङका त्रिविक्रम भट्टराई दुर्घटनामा घाइते भएको प्रहरीले जनाएको छ। घाइतेमध्ये २८ वर्षीय लाल टमटा, ३८ वर्षीय मदनबहादुर जेठारा, ५८ वर्षीय चित्रबहादुर न्यौपाने, सावित्री खड्का, २८ वर्षीय लालबहादुर साउँदको ठेगाना खुल्न नसकेको प्रहरीले बताएको छ। घाइतेको डोटीको सुजङ अस्पताल, शैलेश्वरी अस्पताल, जिल्ला अस्पताल र प्रहरी अस्पतालमा उपचार भइरहेको छ। घाइतेमध्ये चारजनाको अवस्था गम्भीर रहेकाले अन्यत्र रेफर गर्ने तयारी भइरहेको प्रहरीले जनाएको छ। दुर्घटनापछि बस चालक लोकेन्द्र बडेलाक फरार रहेका छन्। बस सडकबाट ३० मिटर तल खसेको थियो। दुर्घटनाको कारण खुलेको छैन।
थाहाबाट