पुस १०, २०७६ काठमाडौं ः बिहानदेखि लागेको खण्डग्रास सूर्यग्रहण समाप्त भएको छ। काठमाडौंमा बिहान ८ बजेर ४३ मिनेटमा, महेन्द्रनगरमा ८ बजेर ३८ मिनेट र भद्रपुर झापामा बिहान ८ बजेर ४८ मिनेटदेखि सूर्यग्रहण देखा परेको नेपाल पञ्चाङ्ग निर्णायक समितिका अध्यक्ष प्राध्यापक डाक्टर रामचन्द्र गौतमले जानकारी दिए। बिहान १० बजेर १ मिनेटमा मध्य भएको ग्रहण ११ बजेर ३१ मिनेटमा समाप्त भएको छ। यो ग्रहणमा करिब ६ वटा ग्रहहरु एकैस्थानमा रहेको र यो एकदमै दुर्लभ खगोलीय घटना भएको खगोलविदहरुले बताएका छन्। आजको खण्डग्रास सूर्य ग्रहण नेपाल, भारत, श्रीलंका, मलेशियालगायत एसियाका अधिकांश देश, हिन्द महासागर, पूर्वी युरोप, उत्तरपश्चिम अष्ट्रेलिया, पूर्वी अफ्रिका सहित विश्वका धेरै ठाउँबाट देखिएको छ। कीर्तिपुरस्थित बीपी कोइराला मेमोरियल प्लानेटेरियम तथा अब्जरभेटरी र विज्ञान संग्रहालय विकास समितिले सूर्यग्रहणको प्रत्यक्ष अवलोकनको व्यवस्था मिलाएको थियो। सुर्यमा ग्रहण लागेपछि त्यसले प्रभावित क्षेत्रको तापक्रममा असर गरेको जानकारहरुले बताएका छन्।

पुस १०, २०७६ पर्सा ः चेलीबेटी बेचबिखनविरुद्ध सक्रिय भनिएको माइती नेपाल नामक संस्थाले एक बर्षको अवधिमा वीरगञ्ज नाकाबाट ३१ महिलालाई उद्धार गरेको छ। २०१९ को जनवरीदेखि डिसेम्बरसम्ममा माइती नेपाल वीरगन्जले दलालहरुको चंगुलमा परि भारतमा बेचिएका ३१ जना महिलालाई नेपाल फर्काएको हो। ती महिलाहरुलाई दिल्ली, कोलकत्ता, मोतिहारी, सुगौली, रामगढवा र रक्सौललगायतका ठाउँबाट उद्दार गरिएको माइती नेपाल वीरगन्ज शाखाकी प्रमुख संगीता पुरीले जानकारी दिइन्।सोही अवधिमा वीरगन्ज नाका हुँदै मानवतस्करहरुले भारत लैजान लागेका १७३ जनालाई बेचिनबाट जोगाएको माइती नेपालले दाबी गरेको छ। पछिल्लो पटक मानवतस्करीको शैली समेत बदलिएको र बालबालिकाभन्दा विवाहित महिलाहरु तारोमा परेको सो संस्थाले जनाएको छ। सामाजिक सञ्जाल फेसबुक, चिनजानका मानिस, आफन्त र भारतबाट काम गर्न नेपाल आएका मानिसको मायाजालमा परि बढि पैसा कमाउने लालसाले अधिकांश विवाहित महिला बेचिने गरेको पाइएको छ। भारतमा लगेर तालिम दिने भन्ने, तालिमका बहानामा पीडितबाटै रकम असुल्ने र केही दिनका लागि नेपाल फर्काइदिने, फेरि भारत बोलाएर बेचिदिने गरेको पुरीले जानकारी दिइन्। बेचिनेमध्ये अधिकांश पहाडी जिल्लाका रहेका र यसमा पुरुषहरुसमेत फस्ने गरेका छन्।

काठमाडौंबाट भगाएर वीरगन्ज ल्याइएकी बालिकाको उद्दार

सामाजिक संजालबाट मायाजालमा पारी काठमाडौंबाट भगाएर वीरगन्ज ल्याइएकी १४ बर्षीय बालिकाको उद्दार गरिएको छ। यी बालिकालाई एक युवतीले नै चंगुलमा मायाजालमा पारेर पुस तीन गते काठमाडौंबाट भगाएर वीरगञ्ज ल्याइएका थियो। ती बालिकासँग २२ बर्षीय सुरज राउतले वीरगञ्जमै बालविवाह गरेको समेत खुलेको छ। विवाहपछि भारत घुम्न जाने भनी फकाउँदै गरेको अवस्थामा ती बालिकाको उद्दार गरिएको माइती नेपालले जानकारी दिएको छ। प्रहरीले घटनाबारे थप अनुसन्धान गरिरहेको छ।
थाहाबाट

पुस १०, २०७६ काठमाडौं ः नेपाललगायत भारत, पाकिस्तान, श्रीलंका, बंगलादेश, भुटान, चीन र अष्ट्रेलियाबाट एकै साथ सूर्य ग्रहण देखिएको छ। सन् २०१९ को अन्तिम सूर्यग्रहण अहिले लागिरहेको छ। आज विहान ८ बजेर ४२ मिनेटमा देखिने ग्रहण ११ बजेर ३१ मिनेटमा समापन हुनेछ। सन् २०१९ मा सूर्य ग्रहण तेस्रो पटक लागेको हो। यसअघि ६ जनवरीमा पहिलो र २ जुलाईमा दोस्रो सूर्यग्रहण लागेको थियो। ती दुवै खण्डग्रास सूर्यग्रहण थिए। अर्को सूर्यग्रहण २१ जुन २०२० मा लाग्ने जनाइएको छ। ग्रहण खुल्ला वा चस्मा लगाएर पनि हेर्न हुँदैन। ग्रहणको बेला सूर्यको प्रकाश सिधै आँखामा परेमा सधैँका लागि आँखाको ज्योति गुम्ने खतरा हुने छ।

पुस १०, २०७६ काठमाडौं ः आज बिहान खण्डग्रास सूर्यग्रहण लाग्दै छ। काठमाडौंमा बिहीबार बिहान ८ बजेर ४३ मिनेटमा, महेन्द्रनगरमा ८ बजेर ३८ मिनेट र भद्रपुर झापामा बिहान ८ बजेर ४८ मिनेटदेखि सूर्यग्रहण देख्न सकिने नेपाल पञ्चाङ्ग निर्णायक समितिका अध्यक्ष प्राध्यापक डाक्टर रामचन्द्र गौतमले जानकारी दिए। बिहान १० बजेर १ मिनेटमा मध्य हुने ग्रहण ११ बजेर ३१ मिनेट जाँदा समाप्त हुनेछ। आजको खण्डग्रास सूर्यग्रहण नेपाल, भारत, श्रीलंका, मलेशियालगायत एसियाका अधिकांश देश, हिन्द महासागर, पूर्वी युरोप, उत्तररपश्चिम अष्ट्रेलिया, पूर्वी अफ्रिका सहित विश्वका अधिकांश ठाउँबाट देख्न सकिन्छ। ग्रहण खुल्ला वा चस्मा लगाएर पनि हेर्न हुँदैन। ग्रहणको बेला सूर्यको प्रकाश सिधै आँखामा परेमा सधैँका लागि आँखाको ज्योति गुम्ने खतरा हुने छ।

पुस ९, २०७६ काठमाडौं ः २०७२ सालको भूकम्पपछिको पुनर्निर्माण करिब साढे चार खर्ब रुपैयाँ खर्च भइसकेको छ। राष्ट्रिय पुनर्निर्माण प्राधिकरण र नेपाल आर्थिक पत्रकार समाज ९सेजन० ले काठमाडौंमा गरेको छलफलका योजना आयोगका पूर्व सदस्य डा। गोविन्द नेपालले चालु आर्थिक वर्षमा समेत गरी पुनर्निमार्णमा साढे चार खर्ब खर्च भइसकेको जानकारी गराएका हुन्।

भूकम्पपछिको पुनर्निर्माणले अर्थतन्त्रलाई चलायमान बनाउन सहयोग गरेको विज्ञहरूको भनाई छ। पुनर्निर्माणले आर्थिक बृद्धि एवं रोजगारी सिर्जनामा पनि सहयोग पुर्‍याएको प्राधिकरणका प्रमुख कार्यकारी अधिकृत ९सिइओ० सुशील ज्ञवालीले बताए। उनले पुनर्निर्माणको क्रममा स्वदेशी कच्चा पदार्थको प्रयोग गरिएकाले पैसा बाहिर जान नपाएको र जनताको हात हातमा पैसा पुगेको बताए। उनले सेजनसँगको सहकार्यमा गरिएको भूकम्पपछिको पुनर्निर्माणको नेपाली अर्थतन्त्रमा प्रभाव अध्ययन निष्कर्ष पुर्‍याउने पनि बताए।

द्वितीय तथ्यांकका आधारमा तयार पारिएको प्रारम्भिक प्रतिवेदनले रोजगारी र आर्थिक बृद्धिमा पुनर्निर्माणको योगदान देखाएको छ। आर्थिक वर्ष २०७४र०७५ मा कुल रोजगारीको करिब ७ प्रतिशत भूकम्पले क्षतिग्रस्त पूर्वाधारहरूको पुनर्निर्माण रोजगारी दिएको जनाइएको छ। यस्तै निर्माण क्षेत्रलाई मात्रै आधार मान्दा ५१ प्रतिशत रोजगारीमा योगदान दिएको डा। निर्मलकुमार राउतले बताए। प्राधिकरणका पूर्व प्रमुख कार्यकारी अधिकृत एवं राष्ट्रिय योजना आयोगका पूर्व उपाध्यक्ष डा।गोविन्दराज पोखरेलले आर्थिक बृद्धिमा पुनर्निर्माणको योगदानको अध्ययन गर्दा निजी क्षेत्रको लगानीको पनि अध्ययन गर्न सुझाव दिए। उनले पुनर्निर्माणमा सरकारी मात्र नभई निजी क्षेत्रको पनि ठूलो लगानी रहेकाले यसलाई पनि समेट्नु पर्ने बताए।
थाहाखबरबाट

पुस ९, २०७६ काठमाडौं ः काठमाडौं उपत्यकासहित देशभर अत्यधिक चिसो बढेको छ। आज काठमाडौं उपत्यकामा यस वर्षकै सबैभन्दा कम तापक्रम मापन भएको छ। आज विहान उपत्यकाको तापक्रम ३ डिग्री सेल्सियस मापन भएको जल तथा मौसम विज्ञान विभागको मौसम पुर्वानुमान महाशाखाले जनाएको छ। महाशाखाकी मौसमविद् मन्जु बासीले देशका अधिकासं स्थानमा आज कम तापक्रम मापन भएको बताइन्। उनका अनुसार मौसमी प्रणालीका कारण चिसो बढेको हो। महाशाखाका अनुसार अहिले देशका अधिकांश तराई क्षेत्रमा बाक्लो हुस्सु र कुहिरो लागेको छ। मध्य, पुर्व र पश्चिमका धेरैजसो पहाडी भू–भागको मौसम आंशिक देखि सामान्य बदली भएको छ। बेलुकीपख पश्चिमी भेगका हिमाली तथा उच्च पहाडी एक दुई स्थानमा हल्का हिमपात हुने छ।