मंसिर १३,२०८० गुल्मीः संस्कृति,पर्यटन तथा नागरिक उडययन् राज्यमन्त्री सुशीला सिर्पालीले स्वर्गीय आमा बुबाको सम्झनामा अक्षयकोष स्थापना गर्नुभएको छ ।

गुल्मीको मालिका गाउँपालिका वडा नम्वर २ साउनेपानीमा रहेको सिद्धमालिका आधारभूत बिद्यालयमा स्वर्गीय आमा बुवा रमीदेवी र धनबहादुर सिर्पालीको नाममा एक लाख रुपियाँको अक्षयकोष स्थापना गर्नुभएको हो ।

जन्मभूमीको बिद्यालयमा स्वर्गीय आमा बाबुको सम्झनामा एक लाख रुपियाँको अक्षयकोष स्थापना गरेको राज्यमन्त्रीका प्रेस सल्लाहकार गोपी ज्ञवालीले जानकारी दिनुभयो ।

एक लाख रुपियाँको ब्याजबाट गरिब तथा जेहेन्दार बिद्यार्थीलाई छात्रवृत्ती प्रदान गर्ने र सो रकमलाई वृद्धि गर्दै लाने मन्त्री सिर्पालीले बताउनुभएको छ ।

मंसिर १३,२०८० गुल्मीःकिशोरीलाई जवरजस्ती करणी गरी हत्या गर्ने २३ वर्षीय रहिस खाँ पुर्पक्षकका लागि जेल चलान भएका छन् ।

कात्तिक १७ गते जिल्लाको चन्द्रकोट गाउँपालिका ४ शान्तिपुरकी १५ वर्षीय किशोरीलाई जवरजस्ती करणी गरी हत्या गर्ने बाँकेको खजुरा घर भइ विगत पाँच महिनादेखी शान्तीपुरमा बस्दै आएका खाँ पुर्पक्षका लागि जेल चलान भएका हुन् ।

मङ्सिर ११ गते जिल्ला अदालत गुल्मीको थुनछेक वहस पश्चात अदालतले पुर्पक्षका लागि जिल्ला कागारागार चलान गरेको जिल्ला प्रहरी कार्यालय गुल्मीका प्रहरी नायव उपरीक्षक डिल्लीनारायण पाण्डेले जानकारी दिए ।

कात्तिक १६ गते खेतबाट खेतलालाई सुर्ति लिन भनी हिँडेकी किशोरी १७ गते विहान अर्ध नग्न अवस्थामा हुग्दी खोलामा मृत फेला परेकी थिइन् ।

टोपलाल अर्याल
मंसिर ११,२०८०गुल्मी : दलहरुले पार्टी गतिबिधी संचालनका क्रममा खर्च गरेको क्रृण नतिरेका गुनासा निकै आउने गर्छन् । यो सवै पार्टीमा समस्या छ ।

दलहरुले चुनाव परिचालनका बेला धेरै खर्च गर्ने र परिणापछि कुनै वास्ता नर्गदा गाउँगाउँमा पार्टी सराप्नेहरु धेरै छन् । अझै पार्टीभित्रकै नेता कार्यक्रर्ता खर्च गरेको रकम नपाउँदा समस्यामा छन् । सोहि समस्यालाई मध्येनजर गरेर गुल्मी कांग्रेसले क्रृण चुक्ता गर्ने योजना अगाडी सारेको छ ।

दोस्रो जिल्ला सम्मेलनपछि पत्रकारसंग कुरा गर्दै कांग्रेस गुल्मीका सभापति खिलध्वज पन्थीले आफुहरुले पार्टीमा सुशासन कायम गर्न पुरानो पार्टीको दायित्वमा रहेको क्रृण खोजीखोजी चुक्ता गरेर क्रृणमुक्त कांग्रेस घोषणा गर्ने प्रतिवद्धता व्यक्त गरे । उनले पार्टीका हरेक सहयोगको समेत पारदर्शी कायम गर्ने बताए । गुल्मी कांग्रेसको दोस्रो जिल्ला सम्मेलन आइतबार सम्पन्न भएको छ । गुल्मी कांग्रेसले दोस्रो जिल्ला सम्मेलनबाट संगठन बिस्तार र रक्षाको अठोट बोकेको छ ।

सम्मेलनको बन्दसत्रमा पार्टीको बर्तमान अवस्था र आगामी रणनीतिका बिषयमा विभिन्न प्रतिवेदन माथि छलफल भएको थियो । सोहि क्रममा पहिलो पार्टीकै निरन्तरताका लागि गुल्मी कांग्रेसको अठोट, सवल वडा सक्षम टोल अभियान संचालन गर्ने जनाएको छ । सम्मेलनको पहिलो दिन बृहत आम सभा गरेको कांग्रेसले कार्यकर्ताको उत्साहलाई परिक्षण गरेको थियो । सम्मेलन निकै भव्य र सानदार भएको दाबी गर्दै कार्यकर्तामा देखिएको उत्साहलाई वडास्तरसम्म पुराउन नियमित बैठक, लेवि संकलन, प्रशिक्षण, सवै शाखा बिस्तार र प्रशिक्षण गर्ने नेपाली कांग्रेसका सभापति खिलध्वज पन्थीले बताए ।

उनले सम्मेलनमा बिगतको समिक्षा, अग्रजहरुको योगदानको स्मरण र आगामी एक बर्षका योजना निर्माण गरिएको जनाउँदै पार्टीका दिवसहरु भव्य रुपमा मनाउने, युवा सम्मेलन गर्ने, युवा उद्यमी सम्मान र प्रोत्साहनको योजना समेत रहेको बताए । साथै सभापति पन्थीले पार्टीको नाममा रहेको दायित्व खोजीखोजी चुक्ता गरेर क्रृणमुक्त कांग्रेस घोषणाको चरणमा रहेको बताए । कांग्रेस गुल्मीका सचिव भगतसिंह खड्काले पुराना दलहरु प्रतिको सद्भाव र माया कार्यकर्ताहरुमा जिवितै रहेको प्रमाण नेपाली कांग्रेसको जिल्ला सम्मेलनले पुष्टी गरेको बताए ।

जनताका प्राथमिकताका मुद्धामा ठुला दल नचुक्दा कार्यकर्ताहरु कत्तिपनि विचलित नहुने देखिएकाले आफुहरु बिकेन्द्रित भएर वडा र बस्तीसम्म पार्टीका योजना संचालनको तयारीमा लागेको बताए ।

जिल्ला सम्मेलन ९ र १० गते तम्घासमा संचालन भएको थियो । सम्मेलनको पहिलोदिन खुल्ला सभामा कांग्रेसका महामन्त्री गगन थापा, केन्द्रिय सदस्य नैनसिंह महर, डाक्टर चन्द्र भण्डारी, चन्द्र केसी, लुम्बिनी प्रदेश सभापति अमरसिंह पुन, उपसभापति भुवनप्रसाद श्रेष्ठ लगायतका नेताहरुले संबोधन गरेका थिए ।

मंसिर ९ ,२०८० गुल्मीः नेपाली कांग्रेसका महामन्त्री गंगनकुमार थापाले राजावादीहरुलाई जुँवाको खालबाट च्याखे नथाप्न चेतावनी दिएका छन् ।

शनिबार नेपाली कांग्रेस गुल्मीको दोस्रो जिल्ला सम्मेलनको उद्घाटन सत्रलाई सम्बोधन गर्दै थापाले राजावादीहरुलाई जुँवाको खालबाट नभएर सिधैं आउन चेतावनी दिएका हुन् । आँट भए निर्वाचनको माध्यमबाट बहुमत ल्याएर आउन र कांग्रेस एक्लै भिड्न तयार रहेको उहाँले राजावादीहरुलाई चेतावनी समेत दिए ।

वर्तमान व्यवस्था उल्ट्याउने कसैले सपना देखेको भए त्यो सम्भावना नरहेको थापाले बताएका छन् । नेपाली कांग्रेसले शान्ती र संबिधानको अगुवाइ गरेको भन्दै कांग्रेसलाई पछाडि हट्ने छुट नभएको बताए । फरक एक प्रसंगमा थापाले गुल्मीका उम्मेदवार गुल्मीबाटै टुंगो लगाउनु पर्नेमा जोड दिए । उम्मेदबार छान्दा केन्द्रबाट नभइ स्थानीय स्तरबाट टुंगो लगाउने गरी व्यवस्था राख्ने थापाको भनाई छ ।

बिदेशमा ६ महिनामा निर्माण हुँने विकासका कामहरु यहाँ ६ वर्षमा पनि विकास निर्माणले गति लिन नसकेको बताए ।
नेपाली कांग्रेस गुल्मीको २ दिनसम्म चल्ने सम्मलेनले गुल्मी घोषणा जारी गर्दै आइतबार सम्मेलन सकिनेछ ।

मंसिर ७,२०८० गुल्मीः हरिबोधनी एकादशीको दिन गुल्मीका २ स्थानीय तहले सार्वजनिक बिदा दिएका छन् । जिल्लाको रेसुंगा नगरपालिका र गुल्मीदरबार गाउँपालिकाले सार्वजनिक बिदा दिएका हुन् ।

गुल्मीको प्रसिद्ध धार्मिक तथा ऐतिहासिक पर्यटकीय स्थल रेसुंगा पोखरीमा धार्मिक मेला लाग्ने भएकाले मंसिर ७ गते बिहीबार सार्वजनिक बिदा दिने निर्णय गरेको नगरपालिकाका प्रमुख प्रशासकीय अधिकृत हरिप्रसाद अर्यालले जानकारी दिए ।

बिहीबार स्थानीय सरकार मातहतका सम्पुर्ण कार्यालयहरु,शैक्षिक संस्थालगायतका कार्यालयहरु बन्द रहने पालिकाले जारी गरेको सूचनामा उल्लेख गरिएको छ । आज रेसुंगा पोखरीमा धार्मिक मेला लाग्ने भएको छ ।

पबित्र स्थल पोखरीमा गई स्थान गर्नाले अन्जानमा गरेका पापहरु नष्ट हुने र पुन्य प्राप्त हुने धार्मिक विश्वास रहदै आएको छ ।