भदौ १२,२०७९ काठमाडौं :आज दिनभर देशैभरिको मौसममा सामान्यदेखि पूर्ण बदली रही देशका धेरै स्थानमा चट्याङसहित हल्कादेखि मध्यम वर्षा भइरहेको मौसम पूर्वानुमान महाशाखाले जनाएको छ ।

आइतबार दिउँसो देशभर सामान्यदेखि पूर्ण बदली रहनेछ। बागमती प्रदेश, गण्डकी प्रदेश र सुदूरपश्चिम प्रदेशका धेरै स्थानमा तथा बाँकी प्रदेशका केही स्थानमा चट्याङसहित हल्कादेखि मध्यम वर्षाको सम्भावना छ। बागमती प्रदेश, गण्डकी प्रदेश, लुम्बिनी प्रदेश र सुदूरपश्चिम प्रदेशका थोरै स्थानमा र बाँकी प्रदेशका एक–दुई स्थानमा भारी वर्षाको सम्भावना रहेको महाशाखाले जनाएको छ ।

आइतबार राती पनि गण्डकी प्रदेश, लुम्बिनी प्रदेश र सुदुर पश्चिम प्रदेशमा चट्याङ्ग सहित भारी वर्षाको सम्भावना छ । यी प्रदेशमा सोमबार समेत भारी वर्षा हुने महाशाखाले जनाएको छ ।

भारी वर्षाले पहिरो तथा गेग्रान बहावको जोखिम रहनुको साथै नदी नाला तथा खहरे खोलाहरूमा पानीको सतह बढ्न सक्ने भएकोले आवश्यक सतर्कता अपनाउन पनि महाशाखाले अनुरोध गरेको छ ।

दिवाकर पोख्रेल
देउखुरी, भदौ १२ गते : पश्चिम तराईका जिल्लालाई आधार क्षेत्रको रुपमा लिदै स्थापना भएको नागरिक उन्मुक्ती पार्टीले सङठन विस्तारको अभियान तिव्र पारेको छ । विशेषगरी दाङ, बाँकी, बद्र्धिया, कैलाली, कञ्चनपुर जिल्लामा आफ्नो पकड बनाउने उदेश्यका साथ सङगठन विस्तारलाई तिव्र पारेको नागरिक उन्मुक्ती पार्टीका नेताहरु बताउँछन ।

टिकापूर घटनामा दोषि करार ठहर भएर जेल संजाय भोगिरहेका थारुनेता रेशम चौधरीको योजना अनुसार स्थापना भएको नागरिक उन्मुक्ती पार्टीले रेशम चौधरीको श्रीमतीको अध्यक्षतामा नयाँ नागरिक उन्मुक्ती नामक पार्टी स्थापना गरेर भरखरै सम्पन्न स्थानीय तहको चुनावमा समेत सहभागि भएको थियो । उक्त पार्टीले मंसिर ४ गतेको निर्वाचनलाई मध्यनजर गर्दै पार्टीको प्रचारप्रसार र सङगठनको विस्तारको कामलाई तिव्र पारेको हो ।

थरुहटको नाममा स्थापना भएका उपल्ला नेता ठूला पार्टीमा प्रवेस गरेपछि नेतृत्व विहिन भएको महशुस गरेका थरुहटका कार्यकर्ताहरु नागरिक उन्मुक्ती पार्टीमा सक्रिय हुन थालेका छन् । आफुलाई थारु नेताहरुले धोका दिएको भन्दै नेतृत्वको अभाव नागरिक उन्मुक्ती पार्टीले पूरा गरेको पूर्व थरुहटका कार्यकर्ताहरु बताउँछन । दाङको गढवा गाउँपालिका निवासी सिता चौधरीले थरुहट आन्दोललाई अलपत्र पारेर केहि नेताहरु अन्य पार्टीमा प्रवेस गर्दा आफुहरु अलपत्र परेको बताउनुभयो । उहाँले भन्नुभयो, ‘हाम्रो पहिचानको मुद्धा लिएर थरुहट पार्टी स्थापना गरेर लागेपनि नेताले धोका दिएका थिए, अहिले नेतृत्वको अभाव पूरा भएको छ ।’

राष्ट्रिय पार्टीको रुपमा चिनाउने अभियानमा आफु रहेको नागरिक उन्मुक्ती पार्टीका बरिष्ठ नेता लक्ष्मण थारुले बताउनुभयो । उहाँले भन्नुभयो, ‘महिला अध्यक्ष रहेको पार्टी सायदै नेपालमा छैनन, भएपनि अस्तीत्वमा छैनन हाम्रो पार्टीले राष्ट्रिय पार्टीको परिकल्पना बोकेर अभियान थालेको छ ।’

पार्टीको संङगठन विस्तार जारी रहेको अर्का बरिष्ठ नेता सुरेन्द्र चौधरी बताउनुहुन्छ । उहाँ भन्नुहुन्छ,‘ नागरिक उन्मुक्ती पार्टीले पहिचान र उत्पीडीत बर्गको लागि संघर्ष गर्छ, म उम्दवार भन्छु सहयोग गर्नुस ।’ दाङको लमहीमा नागरिक उन्मुक्ती पार्टीले आयोजना राजनीतिक जागरणसभाको आयोजना गरेको छ । सभामा प्रमुख अतिथि नागरिक उन्मुक्ती पार्टीकी अध्यक्ष रन्जिता श्रेष्ठ चौधरीले दाङ सहित पश्चिम तराईका जिल्लामा आफ्नो पार्टीले प्रीतनिधि र प्रदेशसभाको निर्वाचनमा दावी गर्नुभयो ।

दिवाकर पोख्रेल
देउखुरी, भदौ १० गते : लुम्बिनी प्रदेश सरकारले दाङमा बनाउन थालेको प्रदेश सभा भवन निर्माणको काम सम्पन्न भएको छ । भवन निर्माणको काम सकिएपनि रङरोगन लगायतको बाँकी रहेको हो । दुई वर्षअघि वाईबी ईन्फ्रास्टक्चर एण्ड सप्लायर्सले निर्माण ठेक्का लिएको यो काम प्रदेश पूर्वाधार विकास प्राधिकरणका प्रमुख कार्यकारी अधिकृत फेरबदलमा विवाद हुँदा केही समय ढिला भएको हो । अहिलेसम्म भवनको काम सकिएपनि भित्री काम बाँकी छ ।

प्रदेश पूर्वाधार विकास प्राधिकरणका प्रमुख कार्यकारी अधिकृत छविराज पोख्रेलका अनुसार प्रदेश सभा भवन निर्माणको ९५ प्रतिशत काम सकिएको छ । उहाँले भन्नुभयो,‘अब लाइट र साउण्ड सिस्टम जडान गर्न बाँकी छ’,भवनको काम सकिएको छ ।’

प्रदेशसभा भवन आगामी असौजसम्म निर्माण सम्पन्न गरिसक्नु पर्ने सम्झौतामा उल्लेख छ । त्यतिबेलासम्म काम सकेर प्रदेश सरकारलाई हस्तान्तरण गर्ने कार्यकारी अधिकृत पोख्रेलले जानकारी दिनुभयो । प्रदेश सरकारले पाँच करोड २१ लाखको लागतमा भवन निर्माण गरेको हो । प्रदेश सभा भवन दाङको राप्ती गाउँपालिकाको राप्ती प्राविधिक शिक्षालय परिसरभित्र बनिरहेको छ । प्रदेश सभा भवन निर्माणको काम सुरु भएको एक वर्ष नाघिसकेको छ ।

तीन महिनाभित्र प्रिफ्याव मोडेलमा भवन निर्माण सम्पन्न गर्ने सम्झौता भएको थियो । बीचमा डिजाइन फेरेर बनाउन थालिएपछि अर्थ मन्त्रालयले बजेट रोकेको थियो । बजेट रोकिएपछि पुरानै डिजाइनमा बनाउने सम्झौता अनुसारको काम अघि बढेको बताइएको छ । यसअघि प्रदेश सरकारको बैठक स्थायी राजधानीमा राख्ने तयारी गरिएको थियो । तर, प्रदेश सभा भवन निर्माण कार्य सम्पन्न नहुँदा राख्न सकिएको थिएन । अब भदौ महिनापछि प्रदेश सभा भवनमा बैठक राख्न सकिने प्रदेश पूर्वाधार विकास प्राधिकरणका प्रमुख कार्यकारी अधिकृत छविराज पोख्रेलले बताउनुभयो ।

प्राविधिक शिक्षालयमा प्रदेशका संरचना बनाउन थालेपछि सरकारले प्रदेश राजधानी व्यवस्थापनका लागि दाङको देउखुरीमा रहेको राप्ती प्राविधिक शिक्षालयलाई गढवा गाउँपालिकाको सरस्वती माध्यमिक विद्यालयमा स्थानान्तरण काम थालेको छ । उक्त स्थानमा नमुना शिक्षालयको रूपमा विकास र व्यवस्थापन तथा सरस्वती माध्यमिक विद्यालयको भौतिक संरचना निर्माणका लागि सात करोड ५० लाख विनियोजन गरिएको छ ।

हाल शिक्षालय सञ्चालनमा रहेको राप्ती प्राविधिक शिक्षालयको संरचनालाई राजधानीको व्यवस्थापनको रूपमा प्रयोगमा ल्याउने गरी बजेट विनियोजन गरिएको हो । सरकारसँगको सम्झौताअनुसार प्रदेश सभा भवनका लागि आवश्यक पर्ने सबै संरचना १२ हजार स्क्वायर फुट क्षेत्रफलमा तयार हुनेछ । सात हजार स्क्वायर फुटमा प्रदेश सभाको सभाहल बन्नेछ । भवनको भुइँतलामा प्रदेश सभा बैठक कक्ष, सभामुखको रोस्टम, मुख्यमन्त्री, विपक्षी दलका नेताको कार्यकक्ष, कर्मचारीका लागि आवश्यक कक्ष, मर्यादापालक कक्ष, आवश्यक अन्य संरचना बनेका छन ।

भदौ १०,२०७९बागलुङ : जैमिनी नगरपालिका( १ कुश्मीशेराको भण्डारमा ८४ वर्षीया खिपकला पाध्या कमेरे पाखाको भीरमा अड्किएको अवस्थामा फेला परेकी छिन्।

बुधबार साँझ परिवारसँगै खाना खाएर बिस्तरामा गएकी पाध्यालाई बिहिबार बिहान बिस्तरामा नदेखेपछि परिवारले खोजी गरेको थियो।

स्थानीयको सकृयतामा खोजी गर्ने क्रममा उनको शव भिरमा अड्किएको अवस्थामा फेला परेको प्रहरी चौकी कुश्मीशेराका हवल्दार गोविन्द थापाले जानकारी दिए।

उनी भिरमा कसरी पुगिन् भन्ने विषयमा खोजी भैरहेको थापाले बताए। कुश्मीशेरा प्रहरी चौकीबाट घटनास्थल पुगेको प्रहरी टोलीले घटनास्थल सुरक्षित गरेर अनुसन्धानको टोलीलाई खवर गरेको छ।