माघ ९,०७९काठमाडौं : जल तथा मौसम विज्ञान विभागले सोमबार साँझदेखि देशको सुदूरपश्चिम हुँदै पश्चिमी न्यूनचापीय प्रणाली नेपाल प्रवेश गर्ने जनाएको छ। यसका कारण लुम्बिनी, गण्डकी, कर्णाली र सुदुरपश्चिम प्रदेशमा वर्षा तथा हिमपात हुने मौसमविद् समीर श्रेष्ठले जानकारी दिए।

बिहान र दिउँसो मौसम सामान्यतया सफा रहे पनि साँझबाट सुदूरपश्चिम र कर्णाली प्रदेशका साथै लुम्बिनी प्रदेशका पहाडी भू–भागका एक–दुई स्थानमा हल्का वर्षा शुरु हुने श्रेष्ठले जानकारी दिए।

सुदूरपश्चिम, कर्णाली र गण्डकी प्रदेशका उच्च पहाडी तथा हिमाली भू–भागका थोरै स्थानहरूमा हिमपात हुनेछ । पश्चिमी न्युनचापिय प्रणाली विस्तारै पूर्वतर्फ सर्ने भए पनि बागमती, मधेश र प्रदेश १ मा पानी पर्ने सम्भवना कम रहेको विभागले जनाएको छ।

सोमबार बिहान काठमाडौं उपत्यकाको न्युनतम तापक्रम४ दशमलब ३ डिग्री सेल्सियस मापन भएको छ ।

दिवाकर पोख्रेल
देउखुरी, माघ ८ गते । पूर्व सूचना तथा सञ्चार मन्त्री पार्वत गूरुङले सहमतिकै आधारमा नेकपा एमालेबाट राष्ट्रपति बन्ने बताउनु भएको छ ।

प्रेस चौतारी नेपालले आइतबार दाङको लमहीमा आयोजना गरेको पत्रकार भेटघाट कार्यक्रममा पूर्व सञ्चार मन्त्री गूरुङले एमाले बाहिरबाट राष्ट्रपति बन्ने भन्ने भ्रम त्याग्न समेत आग्रह गर्नुभयो । उहाँले भन्नुभयो, ‘अहिले राष्ट्रिपतिको गरिमा बढ्दा सबैलाई राष्ट्रपतिको आङक्षा बढ्नु स्वभाविकै होला तर सक्ता गठबन्धन भित्रको पूर्व सहमति अनुसार एमाले बाहेक अन्य पार्टीले राष्ट्रपति दाबी गर्न सुहाउँदैन त्यो त एउटा भ्रम मात्रै हो ।’

नेकपा एमालेका पोलिटव्युरो सदस्य समेत रहनु भएका गूरुङले काँग्रेस, माओवादीको गठबन्धन तोडर पुष्पकमल दाहाल प्रचण्ड प्रधानमन्त्री हुनुलाई आफुहरुले प्रम्ुख सफलताको रुपमा लिएको बताउनुभयो । उहाँले ‘त्यो गठबन्धनबाट देशले निकास पाउदैन भनेका थियौ, नेपाली काँग्रेसका कारण उक्त गठबन्धन पनि तोडियो, देशले निकास पायो नयाँ सरकार बनेसंगै परिवर्तनको शुरुवात विस्तारै देखिदैछ ।’ भन्नुभयो ।

दिवाकर पोख्रेल
देउखुरी, माघ ५ गते : लुम्बिनी प्रदेशका मुख्यमन्त्री लिला गिरीले प्रदेशसभाबाट विश्वासको मत प्राप्त गर्नुभएको छ । प्रदेश सभाको प्रथम अधिवेशनको विहीबार बसेको चौथो बैठकबाट मुख्यमन्त्री कार्कीले विश्वासको मत लिनु भएको हो । नेपालको संविधान २०७२ को धारा १६८ (४) बमोजिम उहाँले विश्वासको मत लिनु भएको छ ।

प्रदेशसभामा कायम रहेका कुल ८७ प्रदेशसभा सदस्य मा उपस्थित सांसदमध्येको बहमुत प्राप्त गरेकाले उहाँले विश्वासको मत प्राप्त गर्नुभएको हो । मुख्यमन्त्री गिरीलाई ५७ जना सांसदले पक्षमा मतदान गरे । विश्वासको मतका लागि मुख्यमन्त्रीले सदनमा पेश गरेको प्रस्तावको विपक्षमा भने मत २८ मत प्राप्त भएको छ । मुख्यमन्त्रीको गिरीले पाएको विश्वासको मत प्रदेश सभाको कुल सदस्य संख्याको बहुमत भएकाले उहाँले राखेको प्रस्ताव बहुमतले पारित भएको छ ।

मुख्यमन्त्री गिरीलाई एमालेका २८, माओवादी केन्द्रका ९, राप्रपा र नागरिक उन्मुक्ति पार्टीका ४–४, जसपा, लोसपा र जनमतका ३–३ र नेकपा एकिकृत समाजवादीका १ र २ स्वतन्त्र सांसदसहित ५७ जना साँसदले पक्षमा मतदान गर्नुभएको हो । नेकपा माओवादीका संसदस्य दलका नेता जोखबहादुर महरा संसदमा उपस्थित हुन सक्नुभएन । उहाँको आमाको निधन भएका कारण उहाँ सदनमा उपस्थित हुन नसकेको नेकपा माओवादी केन्द्र जाएको छ ।

सरकार गठनमा विपक्षीमा रहेका एकिकृत समाजवादी पार्टीका प्रदेशसभा सदस्यले पनि मुख्यमन्त्री गिरीलाई मतदान गर्नुभएको छ । मुख्यमन्त्रीको विश्वासको विपक्षमा नेपाली काँग्रेसका २७ र राष्ट्रिय जनमोर्चाको एक गरी २८ मत परेको हो । प्रदेशसभामा विश्वासको मत माग्दै मुख्यमन्त्री गिरीले लुम्बिनी प्रदेशमा राजधानी कार्यान्वयन र यस क्षेत्रको विकासको लागि आफु सधै तत्पर रहेकाले विश्वासको मत दिन आग्रह गर्नुभयो । । उहाँले भन्नुभयो, ‘सबै पार्टीबाट विश्वासको मतको आश गरेको छु, संघीय सरकारले पनि अधिक मात्रामा मत पाएको छ,मधेश प्रदेश लगायतमा पनि त्यो खालको सहकार्य भएको छ, हाम्रोमा पनि आवश्यक छ ।’

संसदमा प्रमुख प्रतिपक्षी दल नेपाली काँग्रेसका संसदिय दलका नेता डिल्ली वहादुर चौधरीले मुख्यमन्त्रीलाई विश्वासको मत नदिए पनि भविष्यमा सरकारले गर्ने कामको आधारमा समर्थन विरोध रहने बताउनुभयो । उहाँले संघीयता कार्यान्वयन र प्रदेृश सरकारको औचित्य सिद्ध गर्नेगरी काम गर्ने मुख्यमन्त्री तथा लुम्बिनी प्रदेश सरकारलाई आग्रह गर्नुभयो ।

संसदमा बोल्ने धेरै प्रदेश साँसदले राजधानीको पूर्ण कार्यान्वयन र जनजीवीका सवालमा सरकारको ध्यानकर्ण गराएका थिए । नागरिक उन्मुक्ती पार्टीका प्रदेशसभा सदस्यले रेशम चौधरीको रिहाईको माग गर्नुभएको थियो ।विश्वासको मत पाएप्छि मुख्यमन्त्री गिरीले प्रदेशसभामा रहेका सबै दलको साथ लिएर सरकार अघि बढ्ने प्रतिबद्धता व्यक्त गर्दै विश्वासको मत दिने प्रदेशसभा सदस्यलाई धन्यवाद व्यक्त गर्नुभयो ।

हुमाकान्त पोखरेल
माघ ५,२०७९ गुल्मीः
गत मंसिर ४ गते सम्पन्न प्रदेश र प्रतिनिधिसभा निर्वाचनमा सहभागी सबै उम्मेदवारले खर्च विवरण बुझाएका छन् ।
जिल्ला निर्वाचन कार्यालय गुल्मीले दिएको जानकारी अनुसार प्रतिनिधि सभाका २३ र प्रदेश सभाका ३९ गरी ६२ उम्मेदवारले कुल दुई करोड ७६ लाख १६ हजार ७४ रुपैँया ७६ पैसा खर्च गरेको विवरण पेश गरेका हुन् ।

निर्वाचितमध्ये गुल्मी क्षेत्र नम्बर १ का सासंद चन्द्रकान्त भण्डारीले २९ लाख एक हजार पाँच सय र क्षेत्र नम्बर २ का सासंद गोकर्ण विष्टले २३ लाख ३१ हजार खर्च गरेको विवरण पेश गरेका छन् । भण्डारी काँग्रेस र विष्ट एमालेबाट निर्वाचित भएका हुन् । त्यस्तै काँग्रेसबाट निर्वाचित क्षेत्र नम्बर १ ‘ख’ का सासंद धनेन्द्र कार्कीले १६ लाख ५० हजार, एमालेबाट निर्वाचित क्षेत्र नम्बर १ ‘क’ का सासंद चिन्तामणी पाण्डेले ११ लाख ५० हजार ४४०, क्षेत्र नम्बर २ ‘क’ का सासंद डिल्लिराज भुसालले १४ लाख ५० हजार ४१३ र ‘ख’ का सासंद दिनेश पन्थीले छ लाख खर्च गरेको विवरण निर्वाचन कार्यालयमा पेश गरेका छन् । निर्वाचित प्रदेश सासंदमध्ये सबैभन्दा कम पन्थी र सबैभन्दा बढी कार्कीले खर्च गरेका छन् ।

प्रमुख प्रतिद्धन्द्धीमध्ये क्षेत्र नम्बर १ मा एमालेका प्रदिप ज्ञवालीले २२ लाख ३५ हजार र क्षेत्र नम्बर २ मा एकीकृत समाजवादीका रामकुमारी झाँक्रीले २६ लाख खर्च गरेको विवरण पेश गरेको जिल्ला निर्वाचन कार्यालयका कम्युटर अपरेटर अर्जुन पन्थीले जानकारी दिए । प्रदेश सभा निर्वाचनतर्फ प्रमुख प्रतिप्रस्र्धीमध्ये क्षेत्र नम्बर १ ‘क’ मा उम्मेदवार रहेका माओवादी केन्द्रका सुदर्शन बरालले १४ लाख १५ हजार पाँच सय, क्षेत्र नम्बर १ ‘ख’ का एमाले उम्मेदवार फर्सुराम पाण्डेले १४ लाख ३४ हजार ९१९, क्षेत्र नम्बर २ ‘क’ मा नेपाली काँग्रेसका भुवन प्रसाद श्रेष्ठले १४ लाख ५१ हजार र क्षेत्र नम्बर २ ‘ख’ मा माओवादी केन्द्रका बुद्धि जिसीले १३ लाख ९० हजार खर्च गरेको विवरण निर्वाचन कार्यालयमा पेश गरेका छन् । प्रतिनिधिसभातर्फ क्षेत्र नम्बर १ का उम्मेदवार पदम रसायलीले कत्ति पनि रकम खर्च नगरेको विवरण पेश गरेका छन् ।

निर्वाचन आयोगले गुल्मी १ को लागि ३१ लाख र गुल्मी २ को लागि २९ लाखसम्म निर्वाचन खर्च गर्न पाउने गरी नियमावली बनाएको थियो । निर्वाचनको मत परिणाम घोषणा भएको मितिले ३५ दिनभित्र निर्वाचन खर्च विवरण बुझाउनुपर्ने निर्वाचन आयोगले नियमअनुसार सबै उम्मेदवारले खर्च विवरण पेश गरेका छन् । जसले गर्दा यसपटक कुनै पनि उम्मेदवार खर्च विवरण नबुझाएकै कारण आयोगको कारवाहीमा भने परेका छैनन् ।

भएभन्दा कम विवरण पेश

साना दलहरुले निर्वाचनमा कम खर्च गरेपनि एमाले र तत्कालिन सत्ता गठबन्धनको पाँच दलीय गठबन्धनका उम्मेदवारहरुले धेरै रकम खर्च गरे । तर आयोगको नियमअनुसार कागजपत्रमा भने कम खर्च भएको देखाएका छन् । ‘नेताहरुले उल्लेख गरेभन्दा बढी रकम खर्च भएको छ, तर बाध्यताले सिमित रकम मात्रै खर्च गरेको विवरण पेश गरेका छन् ।’

इन्सेक गुल्मीका प्रतिनिधि टोपलाल अर्यालले भने, ‘निर्वाचन धेरै महङ्गो भएको छ, कानुन र व्यवहार मिल्दै मिल्दैन ।’ निर्वाचनको स्थिति यही गतिमा कायम रहे अबको चुनाव झनपछि झन महङ्गो हुँदै जाने अर्यालले बताए ।