हुमाकान्त पोखरेल, गुल्मी भदौ २९।
जिल्लाको रेसुङ्गा नगरपालिका २ स्थित रेसुङ्गा माध्यमिक विद्यालय शैक्षिक सत्र २०७५ मा संचालित एसईई परिक्षामा देशभरबाट दोस्रो स्थानमा आएको छ । परिक्षा दिएका कुल विद्यार्थी सङ्ख्याको उत्तिर्ण दर र ग्रेडको आधारमा विद्यालय दोस्रो स्थानमा छनोट भएको हो ।
यसरी विद्यालय देशभरमै दोस्रो स्थानमा आएपछि विद्यालयसँग सम्बन्धित सबैमा हर्ष छाएको छ । विद्यालयको यो सफलतालाई आइतबार बजारमा ¥यार्ली गर्दै अभिभावक, विद्यार्थी, शिक्षक तथा सरोकारवालाहरुले खुसि साटासाट गरेका छन् ।
०७५ सालमा विद्यालयबाट एस्.ई.ई. दिएका कुल ३४ जना विद्यार्थीमध्ये एक जनाले ४ जि.पि.ए. ल्याएका छन् भने बाँकि ३३ जनाले ३.६ जि.पि.ए. भन्दा बढी अङ्क हाँसिल गरेका शिक्षक किसन पाण्डेले जानकारी दिए ।
यो नजिता आएपछि विद्यालय राष्ट्रिय शिल्ड, राष्ट्रिय ध्वजा र नगद दुई लाख सहित सम्मानित भएको छ । यहि भदौ २२ गते काठमाडौमा भएको औपचारिक कार्यक्रममा उपप्रधान तथा रक्षामन्त्री इश्वर पोखरेल र शिक्षामन्त्री गिरीराजमणी पोखरेलले उक्त पुरस्कार विद्यालयका प्रध्यानाध्यापक प्रेमनारायण भण्डारीलाई प्रदान गरेका थिए ।
अभिभावकमा खुसि
अभिभावक विनिता पोखरेलले विद्यलयले प्राप्त गरेको यो उपलब्धिसँगै सामुदायिक विद्यालयप्रतिको विश्वास अझ बढ्दै गएको बताइन् । ‘राज्यको स्रोत र साधन सामुदायिक विद्यालयमा धेरै खर्च भएपनि तुलनात्मक रुपमा भने राम्रो नजिता आउन सकेको छैन ।
उनले भनिन, विद्यालयको नतिजाबाट सामुदायिक विद्यालयप्रति आशा पलाएको छ । उनले अब यस नतिजालाई विद्यालयले टिकाइरहनुपर्ने बताइन् । प्रध्यानाध्यापक प्रेम नारायण भण्डारीले शिक्षक, विद्यार्थी तथा समुदायको अथक प्रयासपछि विद्यालयले यो सफलता प्राप्त गरेको बताए ।
त्यससँगै विद्यालयले प्राप्त गरेको सफलताबाट आगामी दिनमा अझ धेरै राम्रो नतिजा ल्याउन हौषला मिलेको बताए । विद्यालयमा २०७३ सालबाट सुरु भएको इन्जिनियरिङ्ग तर्फको प्राविधिक शिक्षा पनि संचालनमा छ ।
अहिले प्रदान गरिदैँ आएको शिक्षा र त्यसबाट प्राप्त उपलब्धिलाई जोगाइरहन पनि आफुहरु प्रतिवद्ध रहेको प्रध्यानाध्यापक भण्डारीको भनाई छ ।
