साउन ३, २०७७ : पाल्पाको रैनादेवी छहरा गाउँपालिका(३ भुवपोखरीको पट्टाचौरस्थित रिडी खोलाले बगाएर एक जना बेपत्ता भएका छन्।
अर्घाखाँचीको सन्धिखर्क नगरपालिका(८ किमडाँडाका ४० वर्षीय देवबहादुर मुखिया बेपत्ता भएको जिल्ला प्रहरी कार्यालय पाल्पाका प्रहरी नायव उपरीक्षक मदन गिरीले बताए।
पाल्पा ससुराली आएका मुखिया घर फर्किने क्रममा शुक्रबार अपरान्ह ४ बजेतिर बेपत्ता भएका हुन्। उनको शनिबार बिहानैदेखि खोजी कार्य जारी रहेको प्रहरी नायव उपरीक्षक गिरीले बताए।
