सुशीला रेग्मी
फागुन २०,२०७९ पाल्पा: नेपाल दरै उत्थान समाज रामपुर पाल्पाको चौथो अधिवेशन सकिएको छ ।
समाजका अध्यक्ष छमबहादुर दरैको अध्यक्षतामा अधिवेशन चलेको हो । अधिवेशनको नेपाल दरै उत्थान समाजका केन्द्रिय सदस्य वसन्त दरैले उद्घाटन गर्नुभएको छ ।
उहाँले कार्यक्रमको उद्घाटन गर्नुहुदै सर्वसम्मत रुपमा समितिमा निर्वाचित हुने नयाँ नेतृत्वलाई बधाई तथा शुभकामना दिदै कार्यक्रम सफलताको कामना गर्नुभएको छ ।
चौथो अधिवेशनबाट नयाँ कार्यसमितिको अध्यक्षमा नेत्रबहादुर दरै चयन हुनुभएको छ भने उपाध्यक्षमा मनबहादुर दरै, कोषाध्यक्षमा लोजिना दरै, सचिवमा विष्णुबहादुर दरै सर्वसम्मत चुनिनु भएको छ ।
सदस्यहरुमा बुद्धिसरा दरै, मनकुमारी दरै, श्रीबहादुर दरै, ज्ञानबहादुर दरै र सरिता दरै रहनुभएको छ ।
