कात्तिक १२ गुल्मी ।गठबन्धनकी साझा उम्मेदवार रामकुमारी झाक्रीले आफुले जनताको काम गर्न चाहेको बताएकी छन् । इस्मा गाउँपालिका ५ सिरारमा भएको चुनावी सभालाई सम्बोधन गर्दै उनले यस्तो बताएकी हुन ।
गठबन्धन बाट सबै दलले मलाई साझा उम्मेदवारको रूपमा उठाउनु भएको छ एक पटक मतदान गरेर काम गर्ने मौका दिनु भयो भने म सदैव जनता र जनाताको पक्षमा काम गर्नेछु । जनताले विकासको अनुभुती हुने गरि काम गर्ने तिनै तहमा गठबन्धनको सरकार हुनु पर्ने बताउदै अब बन्ने प्रदेश र केन्द्रको सरकार पनि गठबन्धनको हुनु पर्ने उल्लेख गरिन ।
इस्मामा स्थानीय सरकार गठबन्धनको छ , तर इस्माको बृहत विकास र परिवर्तनको लागि प्रदेश र केन्द्रमा पनि यहीँ गठबन्धनको सरकार बन्नु पर्ने उनले दोहोराईन । साथै नेतृ झाक्रीले कहिल्यै आफ्नो धरातल नभुल्ले प्रतिबद्धता समेत जाहेर गरेकी छन ।
आफू अहिलेको मदाने गाउँपालिका ४ म्यालपोखरीमा साधारण जनजातिको घरमा जन्मेको ,गाउँका भिरकुना पहाडमा घाँस दाउरा गरेको स्मरण गर्दै नागरिकका आधारभुत आवश्यकता तथा समस्याको बारेमा आफू जानकार रहेको बताउदै सदैब नागरिककै पक्षमा काम गर्ने उनले उल्लेख गरिन ।
