देउखुरी, असोज २७ गते : शिल्पी थिएटरको मुक्त रङ्गमञ्च साना साना सपनाको नाटकको मञ्चन गरिएको छ । दाङको लमहीमा उक्त नाटकको मञ्चन गरिएको हो । घिमिरे यूवराज परकल्पना तथा निर्देशनमा तयार पारिएको नाटकमा समाजको वास्तविक समस्यालाई उजागर गर्न खोजिएको छ ।
कृषि,राजनितिक, कार्यालयमा वास्तविक जनताले बेहोर्नु परेको समस्यालाई नाटकमा उतारिएको छ । लुम्बिनी, कर्णली र सुदुरपश्चिम प्रदेशका विभिन्न जिल्ला गरेर २१ ठाउँमा नाटक प्रदर्शन गरिने छ ।
असोज २५ गते देखि कार्तिक ८ गते सम्म नाटक प्रदर्शन गरिनेछ । नाटकमा मन्जु श्रेष्ठ,संगीता उराँव,झकेन्द्र वि.सी.ज्योती पोखरेल,सविना कट्टेल,रविना परियार,गोविन्द ओली,हिमाल भजेल लगायतले अभिनय गर्नुभएको छ । नाटकमा कलाकारको बेजोड प्रस्तुती देख्न सकिन्छ ।
झन्डै एक घण्टाको समय अवधिको नाटकमा समाजका वास्तविक समस्या उजागर गर्न नाटक सफल भएको दर्शकहरुले बताएका छन् ।
दाङको लमहीमा नाटक हेरेपछि नागरिक समाज दाङका उप संयोजक निमवहादुर थापाले छोटो समयमा मूलुको हरेक क्षेत्रको समस्या उजागर गर्न सफल भएको बताउनुभयो । उहाँले भन्नुभयो,‘कृर्षिमा विचौलिया,राजनितिमा अवसरबाद,कर्मचारीतन्त्रमा देखिएको व्यपाप्त भष्ट्रचार र विकासमा लापरवाही लाई जस्ताको त्यस्तै देखाइएको छ,नाटक पूर्ण रुपमा चेतनामुलक नै छ ।’
