साउन २७,२०७९पाल्पा : रैनादेवी छहरा गाउँपालिका–१ सिद्धेश्वरस्थित साउनेमा बिहिबार पोखरीमा डुबेर एक बालकको मृत्यु भएको छ।
मृत्यु हुनेमा गुल्मीको छत्रकोट गाउँपालिका–३ चोयघाका १४ वर्षीय मनोज रेश्मी रहेका जिल्ला प्रहरी कार्यालय पाल्पाका सूचना अधिकारी प्रहरी नायब उपरिक्षक वीरेन्द्र थापाले बताए।
यही साउन १८ गते उनी मामा घर आएका थिए। मामा घर नजिकै रहेको डमराई पोखरीमा पौडी खेल्ने क्रममा हिजो साँझ बेलुकी ६ बजे उनी डुबेका हुन्। स्थानीयले देखेपछि पोखरीबाट बाहिर निकाल्दा बेहोस अवस्थामा थिए।
गम्भीर घाइते उनको जिल्ला अस्पताल पाल्पामा उपचारको क्रममा गएराति सवा ८ बजे मृत्यु भएको डिएसपी थापाले बताए।
