जेठ १६,२०७९दाङ : देउखुरीमा मिनी ट्रकले ठक्कर दिँदा पैदलयात्रुको मृत्यु भएको छ।
राप्ती गाउँपालिका–४ श्रीनारायण चोकमा पूर्वबाट पश्चिमतर्फ आइरहेको अस्थायी नम्बर प्लेटको मिनी ट्रकको ठक्करबाट खिनैटा निवासी ५२ वर्षीय बल्लु गिरीको मृत्यु भएको हो।
गिरीको घटनास्थलमै मृत्यु भएको इलाका प्रहरी कार्यालय भालुवाङका प्रहरी निरीक्षक सुजनविक्रम शाहले जानकारी दिए।
शव परीक्षणका लागि लमही अस्पतालमा राखिएको छ। ठक्कर दिने ट्रक र चालकलाई नियन्त्रणमा लिएको प्रहरीले जनाएको छ।
