जेठ २,२०७९ गुल्मीः जिल्लाको मदाने गाउँपालिकामा कांग्रेस माओबादी गठबन्धनबाट कांग्रेसका महेन्द्र बहादुर कुँवर विजयी भएका छन् ।
उनले ४ हजार ७०७ मत प्राप्त गरेर विजयी भएका हुन् । उनका प्रतिद्धन्दी नेकपा एमालेका प्रेम केशीले ४ हजार ६९७ मत ल्याएका हुन ।
यस्तै उपाध्यक्षमा नेकपा एमालेकी सरिता खडका विजयी भएकी छन् । उनले ४ हजार ५६७ मत ल्याएर विजयी भएकी हुन् ।
उनका प्रतिद्धन्द्धी गठबन्धनबाट माओवादी केन्द्रका बेगमबहादुर चन्दले ४ हजार २११ मत ल्याएको जिल्ला निर्वाचन कार्यालय गुल्मीले जनाएको छ । उपाध्यक्ष सरिता खड्का यस अगाडी पनि उपाध्यक्ष नै थिइन् ।
