–सुशीला रेग्मी
रामपुर (पाल्पा), २ वैशाख :रोटरी क्लब रामपुर पाल्पाको आयोजनामा नयाँवर्ष २०७९ को अवसरमा शुभकामना आदानप्रदान तथा क्लब डाइरेक्टरी विमोचन भएको छ ।
संस्थाका अध्यक्ष राजुप्रसाद श्रेष्ठको अध्यक्षतामा भएको कार्यक्रममा प्रमुख अतिथि लुम्बिनी प्रदेशका प्रदेश सभा सदस्य युवराज खनाल रहनु भएको हो । प्रदेश सभा सदस्य खनालले डाइरेक्टरीको विमोचन गर्दै डाइरेक्टरीमा महत्वपूर्ण कुरा समेटिएको बताउनुहुदै सामाजिक हितका लागि गठन भएको क्लबले समाजमा राम्रो भुमिका खेलेको बताउनुभएको छ ।
परिवार र समाजलाई सभ्य बनाउदै सामाजिक सेवा गर्ने उद्देश्यले क्लबको स्थापना भएको र यस क्लबले राष्ट्रिय रुपमा मात्रै नभई अन्तर्राष्ट्रिय रूपमा जोडेको बताउँदै सांसद खनालले नया वर्षको उपलक्ष्यमा शुभकामना दिनुभएको छ । सन् २०२१ र २०२२ मा क्लबले गरेका कार्यक्रम डाइरेक्टरीमा समावेश गरिएको छ ।
डाइरेक्टरीका सन्दर्भमा सम्पादक रोटरियन बाबुराम श्रेष्ठले जानकारी गराउनुभएको छ । प्रेसीडेण्ट नोमिनी रोटरियन सागरप्रसाद देवकोटाले स्वागत गर्नुभएको कार्यक्रमको संचालन सचिव रोटरियन सुर्यप्रसाद घिमिरेले गर्नुभएको हो ।
कार्यक्रममा क्लबका रोटरियन दुर्गादेवी राना, रोटरियन मेम्बर कृष्णप्रसाद अर्याल, चाटर्ड प्रेसीडेण्ट इलेक्टेड रुदनारायण श्रेष्ठ, रोटरियन गोविन्द देवकोटा, पत्रकारको तर्फबाट प्रेस चौतारी नेपाल पाल्पाका उपाध्यक्ष बन्दना पोखरेल, स्पाउसको तर्फबाट विन्दु श्रेष्ठ लगाउतले बोल्दै कार्यक्रम सफलताको शुभकामना दिनुभएको छ ।
अध्यक्ष श्रेष्ठले क्लबले प्रकाशन गरेको डाइरेक्टरी पहिलो प्रकाशन रहेको बताउनुहुदै अन्तर्राष्ट्रियस्तरसम्म डाइरेक्टरी पु¥याउने गरी प्रकाशन गरिएको बताउनुभएको छ ।
