फागुन २८,२०७८पाल्पा :तानसेन–तम्घास सडक खण्ड मर्मतका लागि १२ दिन बन्द हुने भएको छ ।
सडक डिभिजन कार्यालय पाल्पाले रिब्दीकोट गाउँपालिकाको जोर्ते क्षेत्रमा चट्टान कटान गरी सडक चौडा गर्नका लागि सडक बन्द गर्न लागेको हो ।
सडक डिभिजन कार्यालयका प्रमुख रामेश्वर लम्सालका अनुसार फागुन २६ गते देखि चैत्र ७ गतेसम्म रातिको १० बजेदेखि बिहान ३ बजेसम्म दैनिक पाँच घण्टा सवारी रोकेर काम गर्न लागिएको होे ।
सो क्षेत्रमा यसअघि पनि पटक पटक सवारी रोकेर सडक चौडा गर्ने कार्य भए पनि हालसम्म पनि काम सम्पन्न नहुँदा पुनः १२ दिनका लागि काम गर्न लागिएको डिभिजन प्रमुख लम्सालले जानकारी दिए।