भदौ२५,२०७८दाङ : तुलसीपुरमा बौलाहा कुकुरले टोकेर १३ जना घाइते भएका छन्। केहीलाई उपचारका लागि काठमाडौं जान राप्ती प्रादेशिक अस्पतालले सिफारिस गरेको छ।
तुलसीपुर उपमहानगरपालिका वडा नं २ र ८ मा बिहीबार १३ जनालाई बौलाहा कुकुरले टोकेको थियो। घाइते हुनेमा तुलसीपुर–२ बालापुरकी २६ वर्षीया दिलमाया नेपाली, ३५ वर्षीया कुमारी बिक, २४ वर्षीय प्रेम चौधरी, कुमालगडी निवासी २५ वर्षीया छाया वली, ४५ वर्षीय मदन चौधरी छन्।
त्यसैगरी, तुलसीपुर–८ अश्वाराका ७६ वर्षीय नन्दकुमार आचार्य, १० वर्षीया कुसुम परियार, ७ वर्षीया तुलसी परियार, ५० वर्षीय शिवराज भण्डारी, १७ वर्षीया मिना केसी, २८ वर्षीया वन्दना सेन ठकुरी, २१ वर्षीय विवेक वली र शिवा आचार्य घाइते भएको इलाका प्रहरी कार्यालय तुलसीपुरका डिएसपी श्यामु अर्यालले जानकारी दिए ।
