सुशीला रेग्मी
माघ २४,२०७७ पाल्पा :नेपाल राष्ट्रिय मगर संघ रामपुरको आयोजनामा प्रशिक्षणमूलक कार्यक्रम भएको छ ।
संघका अध्यक्ष देवबहादुर थापा मश्राङ्गीको अध्यक्षतामा भएको कार्यक्रममा मुख्य पाहुना लुम्बिनी प्रदेशका सांसद तथा नेपाली कांग्रेसका पाल्पा सभापति बिरबहादुर राना थिए ।
संघका सल्लाहकार क्याप्टेन रोमनबहादुर रानाको स्वागतबाट सुरु भएको कार्यक्रममा मुख्य पाहुना सांसद राना, स्याङ्गजा जिल्लाका कार्यवाहक सभापति कुमार राना, नेपाली कांग्रेस पाल्पा उपसभापति देवराज ढकाल, कांग्रेस महासमिति सदस्य एवम् नेपाल राष्ट्रिय मगर संघ केन्द्रिय सदस्य ज्ञानबहादुर गाहा, महासमिति सदस्य तथा रामपुर नगरपालिकाका प्रमुख रमणबहादुर थापा, महासमिति सदस्य दानबहादुर पछाई, खेलकुद विकास समिति केन्द्रिय सदस्य देवकुमार मानन्धर, महाधिवेशन प्रतिनिधिहरु ह्जिलदिन मियाँ, विष्णुमाया ढकाल, रामपुर नगरपालिकाका उपप्रमुख विष्णुदेवी घिमिरे आचार्य, आदिवासी जनजाती केन्द्रिय सदस्य बोमबहादुर थापा, नेपाल राष्ट्रिय मगर संघ पाल्पाका सभापति झमनराज मगर, रामपुर नगर सभापति नेत्रप्रसाद भट्टराई, कुमार जर्घा लगायतले बोल्नुहुदै कार्यक्रम सफलताको कामना गरे।
प्रशिक्षणमूलक कार्यक्रमको सहजिकरण लुम्बिनी प्रदेशका सांसद तथा नेपाली कांग्रेसका पाल्पा सभापति बिरबहादुर राना र स्याङ्गजा जिल्लाका कार्यवाहक सभापति कुमार रानाले गरेका थिए । कार्यक्रमको संचालन नगर सचिव रामबहादुर रानाले गरेका हुन् ।
