मंसिर ९,२०७७ कपिलबस्तु : ईलाका प्रहरी कार्यालय कृष्णनगर कपिलवस्तुले अबैध रागापाडा पक्राउ गरेको छ । कपिलवस्तु कृष्णनगर नगरपालिका वडा नम्बर १ डुमाईवाट भन्सार नगरि अबैध रुपमा भारतबाट नेपाल तर्फ ल्याउदै गरेको ६ वटा रागा पक्राउ गरेको हो ।
यसैगरी चारवटा पाडा ईलाका प्रहरी कार्यालय बहादुरगंज कपिलवस्तुबाट खटिईएको प्रहरी टोलिले जिल्ला कपिलवस्तु कृष्णनगर नगरपालिका वडा नं। ८ देवनगडीबाट भारत बाट नेपाल तर्फ ल्याउदै गरेको अवस्थामा नियन्त्रणमा लिएको हो ।
उक्त रागा पाडाहरु आवश्यक कारबाहीको लागी भन्सार कार्यालय कृष्णनगर कपिलवस्तुमा पठाएको प्रहरी उपरीक्षक नवराज अधिकारीले जानकारी दिए । यस अघि पनि पटकपटक प्रहरीले पक्राउ गरी भन्सार चलान गरेपनि अबैध धन्दा रोकिएको छैन ।
