भदौ ८,२०८० कपिलबस्तुः कपिलवस्तुमा माछा मार्ने क्रममा कुलोले बगाउँदा एक महिलाको ज्यान गएको छ । बाणगङ्गा नगरपालिका –८ ढोडेकालेस्थित बाणगङ्गा नदीबाट सिंचाइँका लागि बनाइएको कुलोमा माछा मार्ने क्रममा बगाएको प्रहरीले जनाएको छ ।
मृत्यु हुनेमा बाणगङ्गा नगरपालिका –८ की ५० वर्षीया गुड्डी थारु रहेको इलाका प्रहरी कार्यालय पिपराले जनाएको छ ।
इलाका प्रहरी कार्यालयका अनुसार मृतक महिलालाई बिहीबार बिहानको समय कुलोमा माछा मार्ने क्रममा बगाएको थियो । थारुको शव करिब एक किलोमिटर तल फेला परेको थियो ।
