वैशाख २६,२०८३ गुल्मी : गुल्मीमा एक हप्ताको समय अवधिमा १६९ जनाले राहदानी बनाउँदा आठ लाख बढी राजस्व संकलन भएको छ ।
जिल्ला प्रशासन कार्यालय गुल्मीका सहायक प्रमुख जिल्ला अधिकारी हरिप्रसाद गैरेका अनुसार गत सोमबारदेखि शुक्रबारसम्म १६९ जनाले राहदानी बनाएको र आठ लाख ५७ हजार पाँच सय रुपियाँ राजस्व संकलन भएको हो । सोही समय अवधिमा जिल्ला प्रशासन कार्यालयबाट २६१ जनाले नयाँ नागरिकता बनाउँदा १६९ जनाले प्रतिलिपि लिएका छन् भने एक जनाले गैर आवसीय नागरिकता लिएका छन् ।
उक्त अवधिमा १० जनाको नावालक परिचय पत्र, राहदानीको आवेदन संकलन १६९, राहदानी वितरण २२६, राष्ट्रिय परिचयपत्रको आवेदन संकलन ४२४, राष्ट्रिय परिचयपत्र वितरण २९१, दलित, जनजाती, पारिवारिक विवरण तथा अन्य प्रमाणित ५४ र एक संस्था नविकरण भएको छ ।
एक हप्ताको समय अवधिमा राहदानीबाट आठ लाख ५७ हजार पाँच सय, संस्था दर्ता तथा नविकरण , हातहतियार र राष्ट्रिय परिचयपत्रबाट सात हजार पाँच सय गरी कुल आठ लाख ६७ हजार ७५० रुपियाँ राजस्व संकलन भएको हो ।
