मंसिर ३०,२०७६ गुल्मी ः एकीकृत ग्रामीण विकास समाज गुल्मीले सामाजिक परिक्षण सम्पन्न गरेको छ ।
संंस्थाले गत आर्थिक बर्ष अर्थात २०७५÷७६ मा गरेका काम र प्रभावकारीताको सम्बन्धमा सामाजिक परिक्षण सम्पन्न गरेको हो । परिक्षणका क्रममा संस्थाले गरेका कामको प्रभावकारीता तथा सुधार्नुपर्ने पक्षहरुको बारेमा छलफल गरिएको थियो । सामाजिक परिक्षक टोपलाल अर्याल र हुमाकान्त पोखरेलले सामाजिक परक्षणपछि तयार पारेको रिपोर्ट प्रस्तुत गरेका थिए । धुर्कोट गाउँपालिका ३ हाडहाडे, मदाने गाउँपालिका ६ पुर्कोट दह, इस्मा गाउँपालिका ६ अमरपुर, छत्रकोट गाउँपालिकाको दिगाम लगायतका स्थानमा गरिएको समुह छलफलको निष्कर्ष प्रस्तुत गरिएको थियो ।
सामाजिक परिक्षणको क्रममा कार्यालयमा गुनासो पेटिका भएको, सूचना पार्टीको व्यवस्था, संस्थाका नीति–नियम आवश्यक परेको खण्डमा सहजै हेर्न सकिने, आवश्यक फर्निचर, कम्प्युटर, कर्मचारी लगायतको व्यवस्था रहेको सार्वजनिक गरिएको थियो । त्यस्तै संस्थाद्धारा संचालित हेफर, सु–आहारा तथा पारस्पारिक जवाफदेहिता कार्यक्रमको प्रभावकारिता राम्रो रहेको जनाइएको छ । तर संस्थाले गुनासो पेटिका समय–समयमा खोल्नुपर्ने, विद्युतिय सामग्रीको मर्मत गर्नुपर्ने, कार्यालयमा स्टोर व्यवस्थित गर्नुपर्ने, कर्मचारीको कार्यकक्षमा महत्वपूण सामग्री, फाईल आदि यथास्थानमै छोडिएकोले सुरक्षित राख्नुपर्ने सुझावहरु दिइएको छ । महिला स्वास्थ्य् स्वयम् सेविकाहरुलाई अतिरिक्त सुविधाको व्यवस्था हुनुपर्ने तथा कर्मचारीले परियोजनाका सरोकारवालाहरुलाई सहि समयमै सूचना प्रवाह गर्नुपर्नेमा पनि जोड दिइएको थियो । कार्यक्रममा बोल्दै प्रमुख अतिथि ५ नम्बर प्रदेशका सासंद दिनेश पन्थीले पारदर्शिताको सम्बन्धमा संस्थाले गरेको कार्य प्रशसंनिय भएको बताए । त्यसका साथै सरकारको लक्ष्य पुरा गर्नमा विभिन्न गैर सरकारी संस्थाले पनि महत्वपूर्ण भूमिका खेलेको उनको भनाई छ । संस्थाका अध्यक्ष हिरा एसीले कार्यक्रममा उठेका जिज्ञासाको जवाफ दिएका दिए । कार्यक्रममा आशा अपाङ्ग केन्द्रका व्यवस्थापक गगां रायमाझिलाई पनि सम्मान गरिएको थियो । जिल्लामा रहेर अपाङ्गहरुको क्षेत्रमा उल्लेख्य योगदान गरेको भन्दै रायमाझिलाई सम्मान गरिएको थियो । कार्यक्रममा प्रदेश सासंद गिता थापा, रेसुङ्गा नगरपालिकाका उप–प्रमुख सिता भण्डारी, विभिन्न सरकारी तथा गैर सरकारी संघ संस्थाका प्रमुख तथा प्रतिनिधी, पत्रकार लगायतको उपस्थिति रहेको थियो ।

मंसिर २९ गुल्मी ःस्वास्थयका लागी खेलकुद राष्ट्रका लागी खेलकुद भन्ने नाराका साथ छत्रकोट गाउँपालिकाको अन्तर बिद्यालय स्थानीय तह स्तरिय दोश्रो राष्ट्रपति रनिङ शिल्ड प्रतियोगीता आइतबार देखि सुरु भएको छ । छत्रकोट गाउँपालिका शिक्षा युवा तथा खेलकुद शाखा तथा खेलकुद प्रवर्धन समिति छत्रकोट गाउँपालिकाको आयोजनामा खज्र्याङखेल मैदानमा उक्त प्रतियोगिता संचालन गरिएको हो ।
छत्रकोट गाउँपालिका माबि र निमाबि गरी १४ बिद्यालयका छात्रछात्राहरुले बिभिन्न २६ वटा खेलकुदका बिधामा प्रतिस्पर्धा गदैछन । राष्ट्रपति रनिङ शिल्ड प्रतियोगीता ३ दिन सम्म संचालन हुने बताएको छ । कार्यक्रमको पहिलो दिन भलिबल र कर्पर्डी प्रतियोगीता संचालन गरिएको थियो । छत्रकोट गाउँपालिका अध्यक्ष मधुकृष्ण पन्तले उद्घाटन गरेको पहिलो दिनको शत्रमा खेलकुद प्रर्वधन समिति छत्रकोट गाउँपालिका अध्यक्ष भक्त बहादुर मिदुनको अध्यक्षता रहेको थियो ।
छत्रकोट गाउँपालिका अध्यक्ष मधुकृष्ण पन्तको प्रखुख आतिथ्यता र उपाध्यक्ष नर्मदा भण्डारीको बिशिष्ट आतिथ्यता रहेको थियो । छत्रकोट ५ का वडाध्यक्ष कृष्ण प्रसाद पन्तको स्वागत मन्त्ब्य रहेको कार्यक्रमा श्रृङ्गा जनता माबिका प्रअ बिकास चन्द्र, नेकपा छत्रकोट गाउँपालिका अध्यक्ष राम प्रसाद पाण्डे, नेपाली कांग्रेसका प्रतिनिधी नारायाण प्रसाद अर्याल लगायतले शुभकामना मन्त्ब्य राखेको थिए । कार्यक्रमको संचालन शिक्षा युवा तथा खेलकुद शाखा छत्रकोट शाखा प्रमुख बिष्णु प्रसाद ज्ञवालीले गरेका थिए ।

रामकृस्ण कंडेल
मंसिर२९,वामीटक्सार
मुसिकोट नगरपालिका प्रमुख सोमनाथ सापकोटाले शैक्षिक उपलब्धी हॉसिल गर्नु बिधालयको महत्वपूर्ण कार्य भएकोले यो उपलब्धी हॉसिल गर्न सबै मिलेर अगाडी बढ्न आग्रह गरेका छन् मुसिकोट नगरपालिका वार्डनं ९,ददल्कामा अवस्थित ददल्का मा वि ले आयोजना गरेको ५८औं बार्षिकोत्सब तथा अभिभाबक दिवशमा प्रमुख अतिथीको रूपमा मनतब्य राख्दै नगर प्रमुख सापकोटाले अरू जती सुकै कार्य गरेतापनि शैक्षिक उपलब्धीमा जोड दिन सकिएन भने बिधालय सहि ढंगबाट अगाडी बढेको मान्न नसकिने बताए ।संबोधनको क्रममा प्रमुख अतिथी सापकोटाले बिधालयको लागि नगरपालिका बाट आगामी बर्ष हरूमा पनि सक्दो सहयोग गर्ने प्रतिबद्धता जनाए । नगर पिताकै रूपमा परिचित नगरप्रमुख सापकोटाले यस बिधालयको सफलताको लागी आर्थिक,भौतिक,नैतिक सबै सहयोग उपलब्ध गराऊने बिश्वास समेत सबैमा दिलाउने भएकोले कार्यक्रमा उपस्थित अभिभाबक,बिधार्थी,शिक्षक हरूमा निकै उत्साह थपिएको थियो।
कार्यक्रमका बिशेष अतिथी मुसिकोट नगरपालिका बिधान निर्माण समिति संयोजक तथा वार्डनं९का वार्ड अध्यक्ष नरेशराज खरेलले बार्षिकोत्सब कार्यक्रमको सफलताको कामना गर्दै बिधालय लाई हामी सबैको हो भन्ने भावना जगॉऊदै अगाडी बड्नु पर्ने बताए । संबोधनको क्रममा बिशेष अतिथी वडा अध्यक्ष खरेलले बिधालयको आर्थिक पक्ष लाई मजबुत गरॉऊदै शैक्षिक गुणस्तर कायम गर्नु पर्ने कुरामा सुझाब ब्यक्त दिए । कार्यक्रममा शुभकामना मन्तब्य राख्दै शिक्षाप्रेमि ब्यक्तित्व गोपिकृस्ण खरेलले बिधालय लाई थिती,निती,बिधी सबै तरिकाले सन्चालन गर्न जरूरी रहेको आशय ब्यक्त गर्दै आफुले यस बिधालयको सफलताको लागि सक्दो सहयोग गर्ने बताए । कार्यक्रममा बिधालयका चन्दादाता तथा शिक्षा प्रेमी डिल्लिराज खरेलले बिधालयको सफलताको कामना गर्दै आफुले सक्दो सहयोग गर्दै आएको र भबिस्यमा पनि आबस्यक सहयोग गर्ने प्रतिबद्धता ब्यक्त गरे । कार्यक्रममा जनजागृति मा बि कॉडेबासका प्रधानाध्यापक तेजिन्द्र बुढाथोकिको बिशेष ऊपस्थिति रहेको थियो।
बिधालयका प्रधानाध्यापक बुध्दिमणी खरेलले हाल सम्मको बिधालयको समग्र आर्थिक प्रतिबेदन पेश गरे ।प्रतिबेदनमा बिधालयको शैक्षिक अवस्थामा पनि आधुनिक कला कौशलताहरू प्रयोग गरिएको बताईएको छ।किताबी ज्ञानले मात्र बिधार्थी हरूको सबै पक्षको बिकास नहुने भएकोले क्याम्पसमा अतिरिक्त कृयाकलाप अन्तर्गत ,हाजिरीजबाफ लगायतका कार्यक्रम हरू लाई जोड दिएको बताइएको छ।आर्थीक पक्ष लाई महत्व दिदै क्याम्पसले मितब्यीताको नीति लिएको देखिन्छ।यो बिधालय मा बिशेष गरेर मा बि तह सन्चालनार्थ देखिएको अभिभाबकको उत्साह र सहयोग अतुलनिय छ।स्थापना कालमा जनताहरू बाट भएका आर्थिक,भौतिक,जग्गा सहयोग लगायतका कुराहरूले यस क्षेत्रमा निकै चर्चा कमाएको थियो।गत बर्ष बिधालयको ४कोठे आकर्षक भवन निर्माण भई सकेको छ। हाम्रो बिधालय सुन्दर र राम्रो बिधालयको अबधारणा लाई पक्षाऊदै अगाडि बढ्न लागेको बि ब्य स अध्यक्ष खड्ग बहादुर खत्रिको ले बताए बिधालयका भुतपुर्ब शिक्षक कृस्णप्रसाद खरेल लाई बिधालयको तर्फ देखि बिशेष सम्मान गरिएको थियो।
५८औं बार्षिकोत्सब समारोहको अवसरमा बधालयले अन्तरसदनात्मक बिबिध कार्यक्रम हरू आयोजना गरी बिधार्थी हरूको क्षमता प्रस्फुटन गराउने प्रयास गरिएको,कार्यक्रमको बिशेष आकर्षणको रूपमा रहेको रेकर्ड डान्स प्रतियोगिता लाई दर्शक हरूले निकै मन पराएको र ६समुहले आफ्नो प्रस्तुति राखेको सॉस्कृतिक संयोजक शिक्षक गोबिन्द बि सि ले बताए ।
शिक्षक सरस्वती चालिसे,बिधार्थी हरू क्रमश माधब खरेल र पृयंका परियारले स्वागत मन्तब्य, शिक्षक कालिदाश खरेल र शिक्षक गोबिन्द बि सि को संयुक्त सन्चालन,बिधालय ब्यबस्थापन समितिका अध्यक्ष खड्ग बहादुर खत्रिको अध्यक्षता रहेको थियो।

मंसिर २९ , २०७६ गुल्मी ः जिल्ला प्रशासन कार्यालय गुल्मीले स्तन पान कक्ष सुरु गरेको छ । । जिल्ला प्रशासनमा आउने सेवाग्रहीको सहजताको लागि भन्दै कार्यालयमै स्तनपान कक्ष सञ्चालनमा ल्याएको जिल्ला प्रशासन कार्यलय गुल्मीले जनाएको छ ।
जिल्ला प्रशासन कार्यलयमा बच्चा सहित आउने सेवाग्रहीलाई मध्यनजर राखेर कार्यालय परिसरमै स्तन पान कक्ष राखिएको प्रमुख जिल्ला अधिकारी कोशहरी निरौलाले बताए । प्रशासन कार्यालयमा सहायता कक्ष र महिलाहरुको लागि बालबच्चा खेल्ने स्थान सहितको स्तनपान कक्ष संचालनमा आएको हो ।
सहायता कक्षबाट कार्यालयको सेवा प्रवाह बारेमा जानकारी दिनुका साथै विभिन्न प्रकारका निवेदनहरु निशुल्क उपलब्ध हुँदै आएको छ । स्तनपान कक्षमा महिलाहरुको लागि बिश्राम स्थल, स्तनपान कक्ष¸बच्चाहरुलाई खेल्ने स्थान समेतको व्यवस्था गरिएको जिल्ला प्रशासन कार्यालय गुल्मीका प्रशासकीय अधिकृत लक्ष्मण पाण्डेयले जानकारी दिए ।
सेवाग्राहीहरुको लागि अत्याधुनिक प्रविधि युक्त फिल्टर गरिएको शुद्ध पिउने पानीको (तातो र चिसो) व्यवस्था गरिएको छ । झण्डै एक वर्ष पहिले नागरिकलाई सेवा प्रवाहमा सहजता ल्याउन भन्दै प्रशासन कार्यालयको प्रवेशद्धारमा नै सेवाग्राहीको लागि सहायकता कक्ष र फ्रि वाइफाई सेवा मार्फत सेवा सुरु गरिएको थियो ।
कार्यालयमा मुस्कान ससिहतको सेवा र सेवामैत्री कार्यालय सुरु गरिएको छ । सेवा लिन आउने सेवाग्रहरीसँग मुस्कान सहित नम्र व्यवहारमा सेवा प्रवाह दिन सुरु गरिएको थियो

तिलाचन पाण्डे
मंसिर २९ , २०७६ गुल्मी ः रेसुंगा नगरपालिका गुल्मीले गर्भवती महिलाहरुका लागि निशुल्क रुपमा क्याल्सियम बितरण कार्य सुरु गरेको छ ।
गर्भमा रहेका बच्चा र गर्भबती महिलाहरुका लागि क्याल्सियमको मात्रा कमी नहोस भनेर यस्तो अभियान संचालन गरिएको नगरपालिकाका प्रमुख डिल्लीराज भुसालले जानकारी दिए । भुसालका अन्ुसार गर्भबती महिलाहरु तथा बालबालिकाको स्वास्थ्य र जीबन रक्षा गर्नु नगरपालिकाको कर्तब्य रहेको भन्दै गर्भवती महिलाहरुलाई निशुल्क एम्बुलेन्स सेवा , उच्च रक्तचाप तथा मधुमेहका बिरामीहरुलाई निशुल्क रुपमा औषधी बितरणको कार्यक्रमलाई निरन्तरता दिदै जाने दबी गरे । आइतबार एक कार्यक्रमका बिच रेसुंगा नगरपालिकाका ११ जना गर्भबती महिलाहरुलाई निशुल्क रुपमा क्याल्सियम बितरण गरि सुरुवात गरिएको यसलाई निरन्तरता दिँदै जाने नगरपालिकाका प्रमुख प्रशासकीय अधिकृत भक्तिराम मरासिनीले जानकारी दिए ।
आर्थिक बर्ष २०७६ । ०७७ को बार्षिक कार्यक्रम अनुसार अहिले एक लाख ५० हजार रुपैयाँको क्याल्सियम खरिद गरी निशुल्क रुपमा बितरण गरिएको जनस्वास्थ्य निरीक्षक बोम अर्यालले जानकारी दिए ।