कात्तिक २२,२०७९ काठमाडौं : देशका छुट्टाछुट्टै सवारी दुर्घटनामा आठ जनाको मृत्यु भएको छ।

रूपन्देहीको लुम्बिनी सांस्कृतिक नगरपालिका(३ लंकपुरस्थित सडकमा लु।३ च ३११४ नम्बरको स्कारपियोको ठक्करबाट साइकलयात्री कोटहीमाई गाउँपालिका(१ बस्ने ४५ वर्षीय महेन्द्र भरको सोमबार दिउँसो मृत्यु भएको छ। ठक्करबाट गम्भीर घाइते भएका उनको भिम अस्पताल भैरहवामा उपचारको क्रममा मृत्यु भएको हो। स्कारपियो चालकलाई प्रहरीले नियन्त्रणमा लिएको छ।

यस्तै, उदयपुरको त्रियुगा नगरपालिका(१४ दियालेस्थित सडकमा साउनेबाट गाईघाटतर्फ जाँदै गरेको प्र १(०५(००१ ह ००२७ नम्बरको अटो आफै अनियन्त्रित भई सोमबार साँझ दुर्घटना हुँदा अटोमा सवार सवार सोही नगरपालिका(४ बगाहा बस्ने ३३ वर्षीया लिला मगरको छोरा ५ वर्षीय नुजल मगरको मृत्यु भएको छ। दुर्घटनामा गम्भीर घाइते भएका उनको जिल्ला अस्पतालमा उपचारको क्रममा मृत्यु भएको हो। दुर्घटनामा घाइते भएका ८ जनामध्ये अटोमा सवार ५ जनाको सोही अस्पतालमा उपचार भइरहेको छ भने अटो चालक समेत ३ जनालाई थप उपचारको लागि धरान घोपा रिफर गरिएको छ।

यस्तै, बाराको पचरौता नगरपालिका(९ टियर पुलस्थित सडकमा कलैयाबाट सिम्रौनगढतर्फ जाँदै गरेको बिआर ०५ डि ७३७७ नम्बरको मोटरसाइकल आफै अनियन्त्रित भई सोमबार राति दुर्घटना हुँदा मोटरसाइकल चालक सोही नगरपालिका(२ श्रीनगर बैरिया बस्ने ४२ वर्षीय रामाधार प्रसाद यादवको मृत्यु भएको छ। दुर्घटनामा गम्भीर घाइते भएका उनको उपचारको लागि प्रादेशिक अस्पताल कलैयातर्फ लैजाने क्रममा बाटोमै मृत्यु भएको हो।

त्यसैगरी,भक्तपुरको सूर्यविनायक नगरपालिका(८ आदर्श चोकस्थित सडकमा मे।१ ख ३२३७ नम्बरको ट्रकको ठक्करबाट पैदलयात्री हाल नाम, थर, वतन नखुलेका अन्दाजी ३५ वर्षीय पुरुषको सोमबार राति मृत्यु भएको छ। ठक्करबाट गम्भीर घाइते भएका उनको केएमसि अस्पताल दुवाकोटमा उपचारको क्रममा मृत्यु भएको हो। ट्रक चालकलाई प्रहरीले नियन्त्रणमा लिएको छ।

यस्तै, कञ्चनपुरको बेदकोट नगरपालिका(५ पोल्खरीस्थित सडकमा सु।प।प्र।०१(०१० प १०७१ नम्बरको मोटरसाइकल आफैं अनियन्त्रित भई सोमबार राति दुर्घटना हुँदा मोटरसाइकल चालक सोही ठाउँ बस्ने २७ वर्षीय बसन्त जोशीको मृत्यु भएको छ। दुर्घटनामा गम्भीर घाइते भएका उनको महाकाली प्रादेशिक अस्पताल महेन्द्रनगरमा उपचारको क्रममा मृत्यु भएको हो।

यस्तै, रौतहटको मौलापुर नगरपालिका(५ लक्ष्मीनियामा बीआर ०५ भी ८६०४ नम्बरको मोटरसाइकल र प्रदेश २ (०३(००१ स ६६६७ नम्बरको टेम्पो एक(आपसमा ठोक्किएर सोमबार राति दुर्घटना हुँदा मोटरसाइकल चालक बारा सिम्रौनगढ नगरपालिका(८ बस्ने ३२ वर्षीय असलम पैठानको मृत्यु भएको छ। दुर्घटनामा गम्भीर घाइते भएका उनको न्यूरो अस्पताल वीरगंजमा उपचारको क्रममा मृत्यु भएको हो। साथै दुर्घटनामा घाइते भएका मोटरसाइकलमा सवार अन्य १ जनाको सोही अस्पतालमा उपचार भइरहेको छ। टेम्पो चालकलाई प्रहरीले नियन्त्रणमा लिएको छ।

त्यसैगरी, कैलालीको गोदावरी नगरपालिका(१ धनगढीमा सु।प।प्र।०१(०१० प ३६९ नम्बरको मोटरसाइकल आफैं अनियन्त्रित भई सोमबार राति दुर्घटना हुँदा चालक कञ्चनपुर लालझाडी गाउँपालिका(४ जाँई शिबिर बस्ने ३२ वर्षीय राजु चौधरीको मृत्यु भएको छ। दुर्घटनामा गम्भीर घाइते भएका उनको सेती प्रादेशिक अस्पताल धनगढीमा उपचारको क्रममा मृत्यु भएको हो।

यस्तै, गोरखाको गोरखा नगरपालिका(८ बराहा मन्दिरस्थित सडकमा ग।१ त ४८७८ नम्बरको ट्याक्टर आफैं अनियन्त्रित भई सडकबाट करिब ३० मिटर तल खसेर सोमबार राति दुर्घटना हुँदा चालक आरुघाट गाउँपालिका(१ मान्बु घर भई गोरखा नगरपालिका(५ सतिपिपल डेरा गरी बस्ने ३६ वर्षीय राजु गुरुङको मृत्यु भएको छ। दुर्घटनामा गम्भीर घाइते भएका उनको चितवन मेडिकल कलेज भरतपुरमा उपचारको क्रममा मृत्यु भएको हो।

कात्तिक २२,२०७९काठमाडौं : नेकपा माओवादी केन्द्रका अध्यक्ष पुष्पकमल दाहाल प्रचण्ड सवार हेलिकोप्टर सल्यानको खंलगामा आकस्मिक अवतरण भएको छ।

चुनावी कार्यक्रममा सहभागी हुन सुर्खेत जाने क्रममा मौसम प्रतिकुल भएपछि खलंगामा अवतरण गरिएको उनको सचिवालयले जनाएको छ।

केही समय खलंगामा अवतरण भएर पुनः सुर्खेतका लागि प्रस्थान भएको उनको सचिवालयले जनाएको छ।

गोरखाको चुनावी कार्यक्रम सकेर प्रचण्ड कर्णाली र सुदूरपश्चिमका चुनावी सभामा सहभागी हुन लागेका हुन्।

आसन्न प्रतिनिधिसभा र प्रदेशसभा सदस्य निर्वाचन मंसिर ४ गते हुँदैछ ।नुवाकोट क्षेत्र न।एकमाप्रतिनिधिसभाका लागि माओवादी केन्द्रका उम्मेदवार हित बहादुर तामाङ नेपाली कांग्रेस, एकीकृत समाजवादीलगायत पाँच दलीय सत्ता गठबन्धनको साझा उम्मेदवार हुन् भने प्रदेश क मा गठबन्धनबाट माओबादी उमेद्द्वार राधिका तामाङ र प्रदेश ख मा कांग्रेसबाट रमेश कुमार महत उमेद्द्वार रहेका छन् । एमालेका उम्मेदवार क्षेत्र एकमा बद्रि मैनाली रहेका छन् भने प्रदेश क मा शुशील खड्का र ख मा पूर्ण दास श्रेष्ठ उमेद्द्वार रहेका छन् ।

नुवाकोट क्षेत्र एकको चुनावी प्रतिस्पर्धामा एमाले रक्षात्मक अबस्थामा रहेको छ भने गठबन्धन भारी मतका साथ धेरै अगाडी रहेको पाउन सकिन्छ। नुवाकोट क्षेत्र एक मा सात पालिका रहेका छन्। दुप्चेश्वर  गाउँपालिका,तादीगाउँपालिका,शिवपुरीगाउँपालिका,पन्चकन्या गाउँपालिका,लिखुगाउँपालिका,ककनीगाउँपालिका र सुर्यगढ़ीगाउँपालिका यस क्षेत्रमा पर्दछन।

गएकोस्थानीय तहको निर्वाचन मत परिणामले पनि गठबन्धन अधिक मतका साथ अगाडि रहेको देखाउँछ । स्थानीय चुनावमा सात पालिका रहेको यस क्षेत्रमा शिवपुरी गाउँपालिका र सुर्यगढ़ी गाउँपालिकाबाहेक ५ वटा पालिकामा कांग्रेस,माओबादी र एमालेले एक्लाएक्लै चुनावी प्रतिस्पर्धा गरेका थिए।

जस अनुसार दुप्चेश्वर गाउँपालिका,पन्चकन्या गाउँपालिका र ककनी गाउँपालिकामा माओबादीले अध्यक्ष र उपाध्यक्ष जितेको छ भने शिवपुरी गाउँपालिका र तादी गाउँपालिकामा उपाध्यक्ष जितेको छ। कांग्रेसले लिखु गाउँपालिका र सुर्यगढ़ी गाउँपालिकामा अध्यक्षर उपाध्यक्ष जितेको छ भने शिवपुरी गाउँपालिका र तादी गाउँपालिकामा अध्यक्ष जितेको छ। सात पालिका रहेको यस क्षेत्रमा गएको स्थानीय तहको निर्वाचनमा एमालेले कुनै पालिकामा जित निकाल्न सकेन।

करिव १ लाख २० हजार मतदाता रहेको यस क्षेत्रमा ७५ देखि ८० हजार मत खस्ने अनुमान गरिएको छ। यस क्षेत्रमा कांग्रेसको मत करिव २७ हजार रहेको छ भने माओबादीको पनि २४ हजार रहेको छ। तर एमालेको मत भने १७ हजार रहेको छ। यस क्षेत्रमा एकीकृत समाजवादीको५ हजार,राप्रपाको ५ हजार र अन्य पार्टीको करिव ४ हजार मत रहेको पाउन सकिन्छ। यस क्षेत्रमा रहेका करिव २५ हजार मतदाता देश बाहिर रहेको अनुमान छ भने करिब२० हजार मतदाता मतदानमा सहभागी नहुने अनुमान गरिएको छ।

यसरी हेर्दा स्थानीय चुनावमा प्राप्त मतको आधारमा गठबन्धन एमालेभन्दा करिब३८ हजार मतले अगाडि छ । जसका कारण एमालेका बद्रि मैनालीलाई निर्वाचित हुन अति चुनौतिपूर्ण छ भनेमाओवादीका हित बहादुर तामाङलाई निर्वाचित हुन अति सहज रहेकोछ । यस निर्वाचन क्षेत्रमा प्रतिनिधिसभा र प्रदेशसभामा गठबन्धनका उमेद्द्वारको जित सुनिस्चित रहेको छ।

ललितपुर, २१ कात्तिक । वाम–लोकतान्त्रिक गठबन्धनका तर्फबाट ललितपुर क्षेत्र नं ३ का उम्मेदवार पम्फा भुसालले ललितपुरवासी जनताको सेवकका रुपमा काम गर्ने दृढताका साथ आफू फेरि जनताको घरदैलोमा आएको बताउनुभएको छ ।

क्षेत्र नं ३ का विभिन्न स्थानमा आज आयोजित घरदैलो कार्यक्रममा उहाँले ललितपुरवासीको गुणस्तरीय जीवनयापन गर्नेअधिकारलाई व्यवहारतः कार्यान्वयन गर्न आफू लागि पर्ने बताउनुभयो । आइतबार उहाँले ललितपुर महानगरपालिका वडा नं २६ को चिवहाल, ढोलाहिटी, जैनखेल र सुनाकोठी तथा वडा नं २७ को चौतारा, ओखाट र बालकुमारीका मतदातासँग अन्तरक्र्रिया गर्नुभयो ।

घरदैलो अभियानका क्रममा उहाँले आफूले यसअघि थालनी गरेको विकासका कामलाई निरन्तरता दिइने प्रतिबद्धता व्यक्त गर्नुभएको थियो । २०७४ सालको निर्वाचनमा विजयी भएयता आफूले जनतासँग अन्तरक्रिया गर्दै जनअपेक्षा पूरा गर्न लागि पर्दै आएको बताउनुभयो ।

निर्वाचन क्षेत्र पूर्वाधार विकास कार्यक्रममार्फत क्षेत्र नं ३ का स्थानीयको विकासका आकाङ्क्ष पूरा गर्न आफूले बजेट निकासा गरेको उहाँले स्मरण गर्नुभयो । ऊर्जा, जलस्रोत तथा सिँचाइ मन्त्रीसमेत रहनुभएका उहाँको पहलमा सो क्षेत्रमा थुप्रै विकासका काम भएका छन् । उहाँको विशेष पहलमा मच्छिन्द्रनाथ र कार्यविनायक जोड्ने झोलुङ्गे पुल निर्माण सम्पन्न भएको छ । सो पुलले दुई सांस्कृृतिक सम्पदालाई एकापसमा जोडेको छ ।

सो स्थानमा पुल नहुँदा कार्यविनायक र मछिन्द्रबहाल पुग्ने पर्यटक एकअर्को स्थानमा जान कठिनाइ थियो । पुल बनेसँगै छोटो अवधिमा दुवै स्थानमा पुग्न सकिने भएको छ । पुल निर्माणसँगै आन्तरिक र बाह्य पर्यटकलाई दुवैस्थानको भ्रमणका लागि सहजीकरण हुने स्थानीयको भनाइ छ ।

मन्त्री भुसालले ‘अबको भिजन, गुणस्तरीय जीवन’ दृष्टिकोण प्रस्तुत गर्नुभएको छ । ललितपुरको कला, संम्पदा, संस्कृति र परम्परालाई यहाँको हरेक घर परिवारको आर्थिक उपार्जनसँग जोडेर आगामी पाँच वर्षभित्र ललितपुरवासीको गुणस्तरीय जीवन जीउने आधार तयार गर्ने उहाँको दृढता छ ।

गुणस्तरीय जीवन समाजवादको प्रस्थान विन्दु रहेको, त्यसका लागि पर्यटनमा आधारित अर्थतन्त्र, समतामूलक समाज र स्वच्छ पर्यावरणलाई तत्काल विशेष प्राथमिकता दिएर सो अनुरुपका नीति तथा कार्यक्रम तर्जुमा गर्न आफू प्रतिबद्ध रहेको उम्मेदवार भुसालको भनाइ छ । उहाँले प्रतिबद्धतापत्रमार्फत अर्थतन्त्र, पर्यावरण/वातावरण र समाजलाई गुणस्तरीय जीवनका तीन आधारस्तम्भका रूपमा आगाडि सार्नुभएको छ । उम्मेदवार भुसालले भोलि बिहान ७ बजे कुपण्डोलबाट घरदैलो अभियान थाल्नुहुनेछ