कात्तिक ३०,२०७९काठमाडौं : भक्तपुरको मध्यपुर थिमी–६ राइटोलमा भीषण आगलागी हुँदा १ जनाको मृत्यु भएको भने दुई जना घाइते भएका छन्।

जिल्ला प्रहरी कार्यालय भक्तपुरका डिएसपी राजु पाण्डेका अनुसार थिमीको राईटोलस्थित आत्माराम खत्री र हरिशरण खत्रीको घरमा पुरानोमा आगलागी हुँदा २७ वर्षीय छोरी अस्मिता खत्रीको मृत्यु भएको छ। घटनामा १४ नित्मा खत्री र बालसेवा आधारभुत विद्यालयमा कार्यालयमा सहयोगी रहेकी ६८ वर्षीय तिलककुमारी सिलवाल घाइते भएको पाण्डेले जानकारी दिए।

खत्रीको अवस्था खतरामुक्त रहेको र सिलवाल उपचारपछि डिस्चार्ज भएको प्रहरीले जनाएको छ।​ स्थानीका अनुसार बिजुली सर्ट भएर आगलागी भएको बताएका छन्।

भक्तपुर नगरपालिका र मध्यपुर नगरपालिकाका दुई वटा दमकलले आगो निभाएको थिमी नगरपालिकाकाका उप्रमुख विजयकृष्ण श्रेष्ठले जानकारी दिए।

इँटाले बनेको पुरानो शैलीको घर आगलागीबाट लगभग पुरै जलेको छ। आगलागीको क्षतिको विवरण आउन बाँकी रहेको र मृतक खत्रीको शव पोष्ट मार्टमका लागि शिक्षण अस्पताल भक्तपुर पठाइएको छ।

कात्तिक ३०,२०७९झापा : पूर्वपश्चिम राजमार्गअन्तर्गत कनकाई नगरपालिका–७ स्थित दुर्गापुर सडकखण्डमा भएको सवारी दुर्घटनामा परी एक दम्पतीको मृत्यु भएको छ ।

अर्जुनधारा–६ का ५२ वर्षीय नरेन्द्र मैनाली र श्रीमती ५० वर्षीया सीतादेवीको मृत्यु भएको जिल्ला ट्राफिक प्रहरी कार्यालय झापाले जनाएको छ ।

मंगलबार अपराह्न पूर्वबाट पश्चिमतर्फ आउँदै गरेको को १ ख ६७९४ नम्बरको बसले विपरीत दिशातर्फ जाँदै गरेको मैनाली दम्पती सवार मे ७प ५०९२ नम्बरको मोटरसाइकललाई ठक्कर दिएको हो।

कात्तिक २९,२०७९ काठमाडौँ : देशका केही भू(भागमा वर्षा तथा हिमपातको सम्भावना रहेको छ। जल तथा मौसम विज्ञान विभागले आगामी तीन दिनको मौसम पूर्वानुमान जारी गर्दै पहाडी क्षेत्रमा वर्षा र हिमाली तथा उच्च हिमाली क्षेत्रमा बिहीबारसम्म हिमपात हुने जनाएको छ।

विभागका अनुसार हाल देशमा पश्चिमी वायुको हल्का प्रभाव छ।​ सुदूरपश्चिम र कर्णाली प्रदेशलगायत देशको पहाडी भू–भागमा आंशिकदेखि सामान्य बदली रही बाँकी भू–भागमा मौसम सामान्यतः सफा छ।

आज दिउँसो पहाडी भू(भागमा आंशिकदेखि सामान्य बदली रही बाँकी भू–भागमा मौसम सफा रहनेछ।

प्रदेश १, गण्डकी प्रदेश र कर्णाली प्रदेशका पहाडी भू(भागका एक वा दुई स्थानमा हल्का वर्षाको सम्भावना रहेको छ भने देशको कर्णाली प्रदेशको हिमाली भू९भागका थोरै स्थानहरुमा र बाँकी हिमाली भू–भागको एक वा दुई स्थानमा हल्का हिमपातको संभावना रहेको विभागले जनाएको छ।

आज राति प्रदेश १ र गण्डकी प्रदेशका पहाडी भू–भागका एक वा दुई स्थानमा हल्का वर्षाको सम्भावना छ। ​ सुदूरपश्चिम, कर्णाली, गण्डकी र प्रदेश १ का हिमाली भू९भागका एक वा दुई स्थानमा हल्का हिमपातको संभावना रहेको छ।

कात्तिक २८,२०७९ गुल्मीःगुल्मी क्षेत्रनम्वर एकमा प्रदेशसभा एकका उम्मेद्वार सुदर्शन बरालले ग्रामीण क्षेत्रको बिकास नमुना योग्य बनाउने बताउनुभएको छ ।

रुरक्षेत्र गाउँपालिकाको ग्वादी र रानीबासमा भएको कार्यक्रमलाई सम्बोधन गर्दै बरालले ग्रामीण क्षेत्रका नागरिकको जीबनशैलीमा परिवर्तन नआएसम्म बिकास भएको भन्न नसकिने भन्दै ग्रामीण क्षेत्रका नागरिकको जीबन शैलीमा परिवर्तन आउने गरी काम गर्ने बताउनुभएको छ ।

आफू लुम्बिनी प्रद्रेशको सामाजिक बिकास मन्त्री हुँदा र पछी पनि निरन्तर रुपमा गुल्मीमा सडक,पुर्वाधार,खानेपानी ,सिंचाई ,खेलमैदान, आमासमुहहरुका भवन लगायत शिक्षा ,स्वास्थ्य मठ मन्दिर निर्माण लगायत धेरै कार्यहरुगरेको भन्दै बाँकी रहेका अधुरा अपुरा कार्यहरुलाई पुरा गरेर गुल्मीलाई बिकासको माध्यमबाट नमुना बनाउने बताउनुभएएको छ ।

युवाहरुलाई स्वदेशमै रोजगारीको ब्यबस्था गर्ने र युवाहरुलाई स्वदेशमै टिकाई राख्ने गरी आफूले योजना बनाएको उहाँको भनाई छ ।

युवाहरुबाट परिवर्तत संभव भएको भन्दै आफू सधै युवाहरुको जोश जाँगरको साथमा रहेको उल्लेख गर्नुभयो । प्रदेश सभा एकमा गठबन्धनबाट बराल र एमालेबाट चिन्तामणी पाण्डेबीच प्रतिस्पर्धा हुँदैछ ।