असोज २७,२०७७ गुल्मी : गुल्मीमै ७४० जनाको कोरोना परीक्षण गरिएको छ ।
तम्घासमा रहेको कोरोना परीक्षण प्रयोगशालाबाट असोज ७ गतेदेखि हालसम्म ७४० जनाको कोरोना परीक्षण गरिएको प्रयोगशालाका ल्याव टेक्निसियन केपी भण्डारीले जानकारी दिए ।
जस मध्ये ११३ जनाको कारोना रिपोर्ट पोजेटिभ आएको छ । जसमा ७९ जना पुरुष र ३४ जना महिला रहेका छन् ।
पहिले प्रादेशिक प्रयोगशाला रुपन्देहीमा स्वाब संकलन गरि परीक्षणकालागि पठाउनु पर्ने र हप्ता दिन देखि १५ दिन सम्म रिपोर्टको पर्खाइमा बस्नु पर्ने बाध्यताको अन्त्य भएको रेसुङगा नगरपालिकाका स्वास्थ्य संयोजक बोम अर्यालले जानकारी दिए ।
अहिले गुल्मी जिल्लाका १२ वटै स्थानीय तहहरुलाई कोरोना परीक्षणका लागि रुपन्देही जानुपर्ने बाध्यता अन्त्य भएको र छिमिकी जिल्ला अर्घाखाँचीका १० जनाको पनि परीक्षण तम्घास बाटै गरिएको हो ।
असोज १ गते नेपाल सरकारका परराष्ट्रमन्त्री एवं सरकारका प्रबक्ता प्रदीपकुमार ज्ञवालीले कोरोना परीक्षण प्रयोगशालाको उद्घाटन गरेका थिए
गुल्मीमा हालसम्म ५८० जना संक्रमितहरु मध्ये ५१४ जना संक्रमितहरु उपचार पछि निको भएर घर फर्किएको जिल्ला स्वास्थ्य कार्यालय गुल्मीका सूचना अधिकारी पशुपति आचार्यले जानकारी दिए । संक्रमणका कारण जिल्लामा तीन जनाको मृत्यु भइसकेको छ ।
