असोज १२, २०७६ तनहुँ ः तनहुँको रिसिङ गाँउपालिका भवन उदघाटनका लागि जाने क्रममा नेपाली कांग्रेसका नेता डा। मिनेन्द्र रिजाललाई स्थानीय युवाहरुको समूहले अवरोध गरेको छ। सरकारी भवनमा राजनीतिक रंग नदिइ उद्घाटन गर्नुपर्ने आफूहरुको मागलाई बेवास्ता गर्दै कांग्रेसका नेता ल्याएपछि अवरोधमा उत्रिनुपरेको उनीहरुले जनाएका छन्। भवन उद्घाटनका लागि जाने क्रममा रिजालले बाटैमा अवरोधको सामना गर्नुपरेको हो। नेकपाका कार्यकर्तासहितले गरेको अवरोध छिचोल्दै उनी रिसिङ पुगेर भवन पनि उद्घाटन गरेको जिल्ला प्रहरी कार्यालय तनहुँले जानकारी दिएको छ। आफूलाई बाटैमा छेक्न खोजिएपछि नेता रिजालले त्यसको विरोध गरेका छन्। ुप्रधानमन्त्री केपी ओलीको विरोधमा कालो झण्डा देखाउनेलाई पक्राउ गर्ने अनि अन्य पार्टीका नेता कार्यकर्ताको बाटो छेक्न कार्यकर्ता उत्रार्ने कस्तो शैली होरुु, रिजालले प्रश्न गरे। यसैबीच तनहुँ गृहजिल्ला भएका नेपाली कांग्रेसका वरिष्ठ नेता रामचन्द्र पौडेलले रिजालको बाटो छेक्नहरुलाई मण्डलेको संज्ञा दिएका छन्। ुनेता रिजाललाई नेकपाका कार्यकर्ताले मण्डले शैलीमा अवरोध गरेका छन्ु, उनले भनेका छन्, ुगाउँपालिकाको बैठकले सर्वसम्मतिबाट भवन उदघाटन रिजालबाट गराउने निर्णय भएको थियो। यो विषयमा प्रहरी प्रशासनलाई समेत जानकारी थियो।ु पौडेलले नेकपा कार्यकर्ताहरुले आफ्नो गाउँपालिका भवन उद्घाटनका लागि बसेका जनतामाथि अपमान गर्दै भवन उदघाटनका लागि गएका नेताको बाटो छेकेको दाबी गरेका छन्। ुनेकपाका कार्यकर्ताले एक्कासी मण्डले शैलीबाट बाटो अवरोध गरि कांग्रेस नेता रिजाल र तनहुँको रिसिङका जनतामाथि समेत अपमान गरेका छन्। पञ्चायतका मण्डलेहरुको शैली अनुशरण गर्दै नेकपाका नेता कार्यकर्ता फाँसिवादी र अधिनायवादी शैलीमा प्रस्तुत भएको घटनाको म घोर भर्त्सना गर्दछुु, उनले भनेका छन्,ुसत्ताको दुरुपयोग गर्दै नेकपाका कार्यकर्ताले मान्छेको अभिव्यक्ति स्वतन्त्रतामाथि नै प्रहार गर्दै जान लागेका छन्।ु रिजालमाथि नेकपा कार्यकर्ताले फरक विचार र सिद्धान्त स्वीकार गर्न नसक्ने फासीवादी शैलीमा अवरोध गरेको उनले जिकिर गरेका छन्। ुयस्ता मण्डले शैलीमा हुने गतिविधि नियन्त्रण नगरे नेपाली कांग्रेस देशभर सरकारविरुद्ध लोकतन्त्र जोगाउनका लागि आन्दोलनमा उत्रन बाध्य हुनेछु, पौडेलले भनेका छन्।
थाहाबाट
