भदौ १९, २०७७ बर्दिया : बर्दियाको मधुवनमा एक किशोरको बाघको आक्रमणमा परि मृत्यु भएको छ । माछा मार्न गएका बर्दियाको राजापुरका एक किशोरको खाता जैविक मार्गमा बाघको आक्रमणबाट ज्यान गएको हो।
भदौ १५ गते सोमबार उनीसहित ५ जना मधुवन नगरपालिका—३ स्थित कोठियाघाट सामुदायिक वनमा रहेको तालमा माछा मार्ने क्रममा बाघले आक्रमण गरी लगेका ती किशोरको शव बिहीबार फेला परेको प्रहरीले जनाएको छ।
बर्दियाको राजापुर नगरपालिका वडा नम्बर ६ का ति किशोर मधुवन ३ भगरैयास्थित आफन्तको घरमा बस्दै आएका थिए। माछा मार्न गएका १३ वर्षीय विशाल वलीको बाघले आक्रमण गर्दा ज्यान गएको बर्दियाका प्रहरी नायव उपरीक्षक योगेन्द्र खड्काले बताए ।
