भदौ ५,२०७७ गुल्मी : गुल्मीमा जिप दुर्घटना हुँदा ४ जना घाइते भएका छन् भने एकको अबस्था गम्भीर रहेको जिल्ला प्रहरी कार्यालय गुल्मीले जनाएको छ ।
तम्घास देखी मालिका गाउँपालिका अर्जे जाँदै गरेको लु २ च २५७३ नम्बरको जिप रेसुंगा नगरपालिका ४ अर्खले घुम्तीनिर ब्रेक फेल भइ अनियन्त्रीत हुँदा मालिका गाउँपालिका वडा नं ८ की ३० बर्षकी माया परियार उनका ९ बर्षका छोरा सतिष परियार , मालिका गाउँपालिका वडा नं ५ की बर्ष २० की दिपा घिमिरे र इश्मा गाउँपालिका वडा नं ६ की बर्ष १२ की सन्ध्या परियार घाइते भएको जिल्ला प्रहरी कार्यालय गुल्मीका प्रहरी नायब उपरीक्षक केदारराज पन्तले जानकारी दिए ।
घाइते मध्ये माया परियारको अबस्था गम्भीर रहेकाले पाल्पा प्रभासमा उपचारका लागि पठाइएको छ । उनको टाउकोमा चोट लागेको प्रहरीले जनाएको छ । अन्य तीन जनाको गुल्मी अस्पतालमा उपचार भइरहेको छ ।
