साउन २६, २०७७ कपिलवस्तु : कपिलवस्तुको शिवराज नगरपालिका –१ शिवपुरमा घरको छतले च्याप्दा एक जनाको मृत्यु भएको छ।
घर भत्काउँदै गर्दा छत भत्किएर च्यापे पछि शिवराज ३ हचुवाका २६ वर्षका चिन्का चौधरीको मृत्यु भएको वडा प्रहरी कार्यालय चन्द्रौटाले जनाएको छ। उनी शिवपुरमा रहेका विनोद कुँवरको पुरानो घर भत्काउने काम गरी रहेका थिए। छत खसे पछि चौधरी माथि परेको थियो।
घटना सम्बन्धी थप अनुसन्धान भइरहेको प्रहरीले जनाएको छ ।
